KAHBHAO 36
36
Esaulei Hühihathü
1Hathüyü Esaulei hühihathü (jom kü Edom am sheiyao nyüknyeih). 2Esau-i hathü Kanan am nyüha yahteke: Hit am Elonei yiükha Adah, Hiv am Zibeonei cheha Anahlei yiükha Oholibamah, 3hatü Nebaiothlei chenaü, Ishmaelei yiükha Basemath. 4Esau kü Adah-i Eliphaz büh, Basemath-i Reuel, 5hatü Oholibamah-i Jeush, Jalam, hatü Korah büh. Hathüyü Kanan kahdokei Esau kü bühjapü yeshangthü nyuteke.
6Hapheikü Esau-i nyüha hapeüthü, shem leipü shennyakthü, mohoh, yemhimak peü, hatü Kanan kahdokei nyushi dangpü mop kemei yah-ei chenaü Jakob mü taishi kahdok hükei lüdai. 7Mehenangkü chemi nyuhenü jomei mop, yemhimak longi nyupü nangkü jom nyupü kahdok nebhashah-i nyu. 8Hanangkü Esau (hapayü Edom) Seir phaüshang kahdokei nyu.
9Hathüyü Seir kahdokei nyupü Edom amei bü, Esaulei hühihathü nyuteke. 10Hathüyü Esaulei hapeüthü: Esaulei chenyüha Adah-i bühpü Eliphaz, hatü Esaulei chenyüha Basemath-i bühpü Reuel. 11Eliphazlei hapeüthü: Teman, Omar, Zepho, Gatam hatü Kenaz. 12Esaulei cheha Eliphazlei yiükphü hük Timna nyu, hatü pinnyüi Amalek büh. Hathüyü Esaulei chenyüha Adahlei hüpeüthü nyüke. 13Reuelei hapeüthü: Nahath, Zerah, Shammah, hatü Mizzah. Hathüyü Esaulei chenyüha Basemathlei hühihathü nyuteke.
14Zibeonei chehü, Anahlei yiükha Oholibamah-i Esau kü hathü bühteke: Jeush, Jalam hatü Korah.
15Hathüyü Esaulei hühihathülei phangthü nyüke: Esaulei hashongpa Eliphazlei hapeüthü: Teman, Omar, Zepho, Kenaz, 16Korah, Gatam hatü Amalek. Hathüyü Edom kahdokei Eliphaz kübü vampü phangthü; jomü Adahlei hüpeüthü nyuteke.
17Esaulei cheha Reuelei hapeüthü: Nahath, Zerah, Shammah hatü Mizzah. Hathüyü Edom kahdokei Reuel kübü vampü phangthü; jomü Basemathlei hüpeüthü nyuteke.
18Esaulei chenyüha Oholibamahlei hapeüthü: Jeush, Jalam, hatü Korah. Hathüyü Anahlei yiükha, Esaulei chenyüha Oholibamah kübü vampü hapeüthü nyuteke. 19Hathüyü Esau (Edom) kübü vampü phangthü nyuteke.
20Hathüyü hapa moidoilei nyupü Hor am Seirlei hapeüthü nyuteke: Lotan, Shobal, Zibeon, Anah, 21Dishon, Ezer hatü Dishan. Hathüyü Edom kahdokei Seirlei chehathü Hor am phang nyuteke. 22Lotanei hapeüthü: Hori hatü Heman.#Homam kü, “Hemam” sheiyao eehen. Timnahyü Lotanei chenaü nyu. 23Shobalei hapeüthü: Alvan, Manahath, Ebal, Shepho hatü Onam. 24Zibeonei hapeüthü: Aiah hatü Anah. Chepa Zibeonei gaduthü kü het üh-ei nyushingkü Anah-i bhih kahdokei yungsham vampü yunglok dangteke. 25Anahlei hapeüthü: Dishon hatü Anahlei yiükha Oholibamah. 26Dishonei#Hebrew shah kü, “Dishan” shei eehen. hapeüthü: Hemdan, Eshban, Ithran hatü Keran. 27Ezerlei hapeüthü: Bilhan, Zaavan hatü Akan. 28Dishanei hapeüthü: Uz hatü Aran. 29Hathüyü Hor am phangthü: Lotan, Shobal, Zibeon, Anah, 30Dishon, Ezer hatü Dishan. Hathüyü Seir kahdokei nyupü Hor am phang hanpü nyuteke.
31Hathüyü Israel kü mepa ongiyao ong mangvai shekü Edomei ong vaipüthü nyuteke: 32Beorlei cheha Bela-i Edom kü ong vai, hatü büpalei chingnyüyü Dinhabah nyu. 33Mechem Bela didaipa, Bozrah leipü Zerahlei cheha Jobabi jeiyei ong vaiteke. 34Mechem Jobab didaipa, Teman kahdok leipü Hushami büpa jeiyei ong vaiteke. 35Mechem Husham didaipa, Moab kahdokei Midian am neütükpü Bedadlei cheha Hadadi büpa jeiyei ong vai. Büpalei chingnyü-ü Avith nyu. 36Mechem Hadad didaipa, Masrekah leipü Samlah-i büpa jeiyei ong vai. 37Mechem Samlah didaipa, Euphrates yungkungei nyupü Rehoboth leipü Shauli büpa jeiyei ong vai. 38Mechem Shaul didaipa, Akhborlei cheha Baal-Hanani büpa jeiyei ong vai. 39Mechem Akhborlei cheha Baal-Hanan didaipa, Hadadi#Hadad kü, “Hadar” sheiyao eehen. büpa jeiyei ong vaiteke. Büpalei chingnyü kü Pau shei men, hatü büpalei chenyühayü Mehetabel, Matredlei yiükha, Mezahabei chehü nyuteke.
40Hathüyü Esaulei hühiha Edom phangthü jom laophü laophü nyushing aimü nyangpü nyüke; Timna, Alvah, Jetheth, 41Oholibamah, Elah, Pinon, 42Kenaz, Teman, Mibzar, 43Magdiel hatü Iram. Hathüyü Edom phangthü jomi yahpü kahdok aimü nyupü nyüke.
Esau-ü Edom jat kü bü nyuteke.
Currently Selected:
KAHBHAO 36: PHOMBSI
Highlight
Copy
Compare
Share
Want to have your highlights saved across all your devices? Sign up or sign in
Phom Naga Bible - DAÜLANGPÜ LAIHING
Copyright © 2005 by The Bible Society of India
Used by permission. All rights reserved worldwide.
