THIAMPUTE LEKHABU 1
1
Hâlmang Thillat
(Thp 6.8-13)
1 Lalpa‘n kikhopna biakbûk ah kipat Mosi kodok in a kiang in:
2Israelte kiang in zia gual hin la gen ding ahi a tia: La lak ua kua a hem khat in gan-gual lak ah kipat Lalpa kiang ah lat ding a hun choi ding leh, bawng hon lak a hem, belam hon lak a hem leh kêl hon lak ah kipat in a hun lâk ding ahi.
3Bawng hon lak ah kipat hâlmang thillat ahi ding chun, a chaltuai pha, demna bei ahi ding ahi; nangma thatheng ah Lalpa âng ah pom a hi’theina dingin kikhopna biakbûk kotbul ah chun la hun kai ding ahi.
4Hâlmang thillat ding gancha luchung ah chun la khut nga’n la tin; chutichun, la gitlo tatna ding ah la thatheng dingin pom hita’n a.
5Bawngchal chu Lalpa ma ah thalup hi’ntin; chuleh, Aron cha thiampute chun a thisan chu chawi in, biakbûk kotbul ah mâichâm chu a the’khum ding uh ahi.
6Hâlmang thillat gancha chu a vun lip ah, sem nêl ding ahi.
7Aron cha thiampute chun mâichâm chung ah mei koi intin uh, zia mei chung ah chun a dan dungzui in thing a sia ding uh ahi.
8Aron cha thiampute chun a sa kisem, a luchang leh a thau haw chu mâichâm ah mei kisêm chung ah thing kisia chung ah chun a tian ding uh ahi;
9ahi’n, a sung sa zosia tawh a kengte chu tui in a sawp ding uh ahi; a taksa dang cheng chu a pum in hâlmang thillat dingin thiampu’n a hâlvâm ding ahi: zia chu mei ah kihâlvâm thillat hi’ntin, Lalpa â ding ah gimtui hita’n a.
10Gan-gaul hon lak ah kipat hâlmang thillat ding ah kiladok ahi ding chun, belam hon lak a hem, kêl hon lak a hem ah kipat hi hen: zia chu a chaltuai, demna bei hi hen.
11 Lalpa ma âng ah, mâichâm sak lam pang ah that intin, Aron cha thiampute’n a thisan chu mâichâm kîmvêl the’khum uh hen.
12A sa sem nêl hi’ntin, a luchang leh a thau khen intin, chuleh, thiampu’n mâichâm ah mei chung ah thing kisia chung ah chun a tian ding ahi;
13himaleh, a sung sa leh a kengte chu tui in a sawp thian ding ahi. Chuleh, thiampu’n a bawn ah chawi in, mâichâm chung ah hâltum ta’n a: Zia chu mei ah hâlmang thillat hi’ntin, Lalpa â ding ah gimtui hita’n a.
14La hâlmang thillat ding chu vacha hon lak ah kipat ahi ding chun, vakhu ahiloleh vapâl hi hen.
15Thiampu chun vacha chu mâichâm lam ah chawi in, a gawl hektan in, mâichâm ah chun hâltum intin; a thisan chu mâichâm pang ah a luan thâksak ding ahi.
16A ong chu a sung ah an pum in khok dok intin, mâichâm sak lam ah vut paikhawmna mun ah chun paidok ta’n a.
17Vacha tha chu a langtuak ah puaitha theng lo in bot khen intin; tichun, thiampu’n vacha chu mâichâm chung ah mei kitik ah chun hâlvâm ta’n ah; zia chu hâlmang thillat, mei ah kihâlvâm, Lalpa â ding ah gimtui chu ahi.
Currently Selected:
THIAMPUTE LEKHABU 1: VAIPBSI
Highlight
Copy
Compare
Share
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
