THIAMPUTE LEKHABU 2
2
Thâi Thillat
(Thp 6.14-23)
1Kua’nle Lalpa kiang ah an a lat ding chun, a thillat ding chu changbuang nêl pha tak hi’ntin, sathau sunkhum in, begaw a hel zaw phat leh,
2Aron cha, thiampute kiang ah hun chawi in ah. Chuleh, changbuang sathau tawh, begaw tawh helsa chu khut dim khat kihamdaw intin, a um nalai cheng chu thiampu’n mâichâm chung ah mei ah thillat, Lalpa â ding ah gimtui hiding in a hâltum ding ahi.
3Chun, an thillat bângkhâi cheng chu Aron tawh a chate chantum ding ahi: zia hi Lalpa kiang ah mei ah thillat thiangtho pen chu ahi.
4Nang in an lat ding vaithum tang mei ah kikangsa la hun choi phat leh, chângbuang nêl pha tak hi hen; thawipanglo ah kisiam, sathau tawh kihelsa hi hen; achutiloleh, vaithum pêk, thawipanglo, sathau kinu’sa hi hen.
5Chuleh, la an lat ding chu khângbêl ah kikang ahi chun, la chângbuang nêl chu thawipanglo, sathau tawh helsa hi hen;
6balphel in la tin, sathau la sun khum ding ahi; zia chu an thillat hiding ahi.
7La an thillat ding chu khângbêl ah kihuan ding ahi chun, chângbuang nêl pha tak, sathau tawh helsa hi hen.
8Zia gual ah kibawl thillat ding chu Lalpa ma ah hun chawi in la tin; thiampu kiang ah piakdaw a hi zaw phat leh, ama’n mâichâm bul in hun chawi in a.
9Chuleh, thiampu’n an thillat lak ah kipat them khat ladok in mâichâm chung ah mei chun hâltum in ah; zia chu mei ah thillat, Lalpa â ding ah gimtui hiding ahi.
10Zia an thillat bângkhâi cheng chu Aron tawh a chate chantum ding hita’n a: Lalpa â ding ah thillat thiangtho pen chu ahi.
11Thawi pang him him Lalpa âng ah an lat la hun choi ding ahi pua’n, thawi tawh khuaizu pangle Lalpa ma ah mei ah hâl thillat ah la bawl him him lo ding uh ahi.
12Ga masa chu Lalpa kiang in doichuam thilpiak in la hun pia thei ui; ahi’n la, gimtui dingin vang mâichâm ah la lat lo ding uh ahi.
13Thâi lat thil zosia chu a leng in Pathian tawh la kitiamnau ahiziak in, chi saw lo ah la lat lo ding uh ahi; la thillat zosiau chule chi la saw chiat ding uh ahi.
14 Lalpa kiang ah ga masa thillat la bawl ding chun, ga masa lak ah a thak lik lek, mei ah kihâikeu hi hen.
15Sathau tawh hel in la tin, begaw le la sunkhum ding ahi: zia chu an thillat hiding ahi.
16Chun, thiampu’n thillat mêlchikna dingin thaiga thak bang a hem jat, sathau tawh, begaw tawh kihelsa chu mei ah hâltum in ah; zia chu Lalpa â ding ah mei ah thillat chu ahi.
Currently Selected:
THIAMPUTE LEKHABU 2: VAIPBSI
Highlight
Copy
Compare
Share
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.