ABEKHIT 38
38
Taka Kingaünpü Sadam Thsükhi
(Abe 27.1-8)
1Apinü akasia sangnü kingaün sadam achanglim khahnap 3, ayunglim khahnap 5 tüsho atolim khahnap 5 shahrihkhühnü thsü. 2Apinü amühit phüyi kheak ajuh phüyi thsü; ajuhbo ju apang kheak kih tüsho müwayinchinü yihdo. 3Apinü kingaün sadam phühlung alala thsü: keangkihphüh, mokhihmüjipbe, müsühmüra-phuru, tsapdüthreang tüsho mophühbo thsü; phühlung alala müwayinchinü thsü. 4Apinü ayikeang ju kingaün sadam aphulung khiungde wutupü thsüde adamkhi khüp yuk. 5Apinü müwayinchinü ayikeang khülang thsü tüsho amükbo kheak müwayinchi phuhpho phüyi thsü. 6Tüsho apinü akasia sangnü akhrihbebo thsü, tüsho jurü kheak müwayinchi yihkih. 7Jushu apinü akhrihbebo ju phuhphobo ching yuk, tüsho akhrihbebo ju kingaün sadam hanpü thsüde thrip mahne ching yuk.
Müwayinchi Müsühmüra-phuru
(Abe 30.18)
8Apinü ashorupung khimyam ripit kheak tankihrü aliberü meayinpung chingnü müwayinchi müsühmüra-phuru tüsho müwayinchi dubopung thsü.
Arüngkhimyam Limkhuh
(Abe 27.9-19)
9Judüki apinü düjinglim arüngkhimyam thsükih; zhindokhim ju atsüdak khimthünaknü ayunglim khahnap 100nü thsü. 10Dungjing muku tüsho athranyukbe muku müwayinchinü thsü. Dungjingbo wuklobe tüsho yinchi-khrihbo shotoyinchi lakheah. 11Dukulim thrip ayunglim khahnap 100 tüsho zhindokhimbo, dungjing muku tüsho müwayinchi thranyukbebo muku, tüsho dungjingbo kheak shotoyinchi wuklobebo le yinchi-khrihbo lakheah. 12Aniyüzahlim thrip atolim khahnap 50 tüsho zhindokhimbo, dungjing thürü tüsho athranyukbe thürü. 13Aniakhiuklim thrip atolim khahnap 50 lakheah. 14Ripit khülang kheak zhindokhim ashanglim khahnap 15, dungjing mahsam tüsho athranyukbe mahsam. 15Tüsho püpü thrip zhindokhim ashanglim khahnap 15, dungjing mahsam tüsho athranyukbe mahsam. 16Limkhuh alala mükamde zhindokhimbo khimthünak atsünü akeakkhi lakheah. 17Dungjing thranyukbebo ju müwayinchi, awuklobebo le akhrihbebo shotoyinchi, tüsho akudüdap kheak yihkihkhi ju shotoyinchi; tüsho limkhuh dungjingbo alala shotoyinchi khrihbebo lakheah. 18Limkhuh ripit zhindokhim ju biyi le mürümmuchu tüsho aneakrüm hing, tüsho khimthünak atsüdak lakheah. Ayunglim khahnap 20, atolim khahnap 5, limkhuh zhindokhim nangde alakheah. 19Tüsho dungjing phüyi kheak müwayinchi thranyukbebo lakheah; awuklobebo ju shotoyinchi, tüsho akudüdapbo le akhrihbebo kheak ju shotoyinchi lakheah. 20Arüngkhimyam tüsho limkhuh alala mükamde achingsang ju müwayinchi lakheah.
Arüngkhimyam Kukrukbo
21Ha amükeambuh Aron tsührü Ithamarnü khuhlangahuhkhi yande Levirünü Mosa yuzüng ching thrütyukkhi Thiyuzüng Thürü zopung arüngkhimyam thsungkheak kukrukbo khekhi ah. 22Juda trük Hur tsührü, Uri tsührü Bezalelnü Atungpuhnü Mosa ki thiyukhüm jihkhi alala rhimo; 23tüsho api lung Dan trük Ahisamak tsührü Aholiab, dozüdodorü tüsho thsüsonungnürü, biyi le mürümmuchu, aneakrüm hing tüsho atsüdak khimthünak keaksorü lakheah.
24Arüngakopung thsungkheak Atungpuh kilim müsühkhitkhi suna adünkhi ju arüngakopung shekel yande khahngak 1000 lakheah. 25Boto wühkhe chingnü shotoyinchi adünkhi ju arüngakopung shekel yande khahngak 3430– 26mihtsürü aban arüngakopung shekel chamkhüh yo beka 1. Kam 20nü akumung azorü wühkhekhi ju mihtsürü 603,550 lakheah. 27Arüngakopung khimtan tüsho zhindokhim thsüpü shotoyinchi khahngak 3400, khimtan aban thsungkheak khahngak 34 lakheah. 28Aningkhi khahngak 30nü Bezalelnü yinchitso, dungjing wuklobe, tüsho aku hüpdobebo thsü. 29Atungpuh kilim müsühkhitkhi müwayinchi ju khahngak 2425. 30Apinü junü ashorupung khimyam limro khimtanbo, müwayinchi yikeang bede müwayinchi kingaün sadam tüsho pungphurubo, 31limkhuh mükamde khimtanbo tüsho ayüzahpung, arüngkhimyam tüsho limkhuh mükamde achingsangbo thsü.
Currently Selected:
ABEKHIT 38: YIMCBSI
Highlight
Share
Compare
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
