JOHAN 15

Gingtute leh Khrist kizopna

1“Kei grepgui dihtah ka hi, ka Pa ahuon neipa ahi. 2Keima aum ba galou pouma apaimanga aga pouma asusiengthou zel hi, aga tam semna ding in. 3Noute pen, na kung ua ka thugen ziehin asiengsa na hita uhi. 4Keima ah um ngitnget un, Kei zong nouma ah ka um ngitnget ding hi. Bahieng pouma grepguia aum ngitnget sih leh amatangin aga thei lou mabangin, noute zong keima a na um sih u’leh na ga thei sih ding uhi.

5Kei grepgui khu ka hia, noute abahiengte na hi uh, Mi koipou keima a aum ngitnget leh, Kei ama a ka um ngitngetna pa’n ga tampi asuong zel hi. Aziehpen keima louin bangma na bawl thei sih uhi. 6Mi koipou keima a aum ngitnget sihleh bahieng banga paidoh in a um a, avuoi zel hi; mi’n tuabang bahiengte atomkhawm ua meiphuol ah apai ua, akatum hi. 7Noute Keima a na um ngitnget ua, ka thute nouma a, aum ngitnget leh na lunggul pouma uh ngen un, Nou a dingin bawl ahi ding hi. 8Noute na gaphat chiengun, tua khuin, Ka Pa apahtawi hi, tuachi’n ka nuazuite na hi ding uhi. 9Pain Kei ahing it bangin, Ken noute ka hing it hi, ka itna ah um ngitnget un. 10Nouten ka thupiehte na zui u’leh ka itna ah na um ngitnget ding uhi; Ken ka Pa thupiehte ka zui a, a itna a ka um ngitnget ma bangin.

11Ka kipahna nouma a aum ngitnget theina ding leh, na kipahna uh abukim theina dingin tam thute na kung uah ka gen ahi. 12#Jn. 13.34; 15.17; 1 Jn. 3.23; 2 Jn. 1.5“Tami ka thupieh ahi: Ken noute ka hing it bangin noute khat leh khat ki ittuo chiet un. 13Mi’n alawmte a dinga ahinna apieh sanga lienzaw itna a um sih hi. 14Ka thupiehte na zui u’leh ka lawmte na hi ding uhi. 15Suohte ka hing chi nawn sih ding, aziehpen suohin apuin bang ahiei abawl athei sih hi; lawmte ka hing chi zawta ding, aziehpen ka Pa kunga ka zah zousie na kung uah ka hing theisah ta hi. 16Nouten kei na hing tel sih ua, Ken noute ka hing telzaw hi. Pei a va ga ding leh, na ga uh umden dingin, tualeh Ka min a Pa kunga na nget pouma uh ahing pieh theina dingin noute ka hing guot ahi. 17Tamte ka hing thupieh ahi, noute khat leh khat ki ittuo chiet un.

Gingtute leh leitung kikaal

18“Leitungin noute ahing muda leh noute ahing muda masangin Kei ahing muda zouta chi thei un. 19Noute leitunga hi u’lachin, leitungin ama ate a it ding hi. Hinanleh noute leitunga na hilou zieh un, leitunga kipat noute ka hing teldohta hi, tuaziehin leitungin noute ahing muda hi. 20#Mat. 10.24; Luk. 6.40; Jn. 13.16Suoh apu sangin alienzaw sih chia na kung ua ka thugen thei ngitnget un. Amauten Kei ahing bawlsiet uleh, noute zong ahing bawlse ding uhi. Amauten ka thu zui uleh, noute thu zong azui ding uhi. 21Hinanleh Ka min ziehin tam silte zousie na tung uah abawl ding uhi, Kei hing sawlpa atheilou zieh un. 22Kei hing pei lou a, akung ua thu genlou hi leng, khelna neilou ding hi ua, hinanleh tuin vang akhelna uah paulap ding aneita sih uhi. 23Koipou Kei hing muda in ka Pa zong amuda uhi. 24Midang bawl ngailou silte alah ua bawllou hileng, khelna neilou ding hi ua, hinanleh tuin vang ka silbawlte amuta ua, Kei leh ka Pa ka ni un ahing muda uhi. 25#Late. 35.19; 69.4Hinanleh tampen, amauten azieh bei in ahing muda uh, chi adanbu ua kigiel thu atangtunna dinga hing um ahi.

Hagau Siengthou pieh chiemna

26Hinanleh Pa akipat na kung ua ka hing sawl ding, Hamuonpa, Pa akipat a hing pawt, thutah Hagau ahing tun chiengin, Aman ka tungtang thu atheisah ding hi. 27Tualeh nouten zong na theipi ding uhi, achiil a kipat a ka kunga um na hi ziehun.

Currently Selected:

JOHAN 15: ZOUBSI

Highlight

Copy