ܒܪܝܬܐ 36

ܬܵܘܠܕܵܬܹ̈ܐ ܕܥܹܣܘܿ

1ܐܲܢܹܐ ܝܢܵܐ ܬܵܘܠܕܵܬܹ̈ܐ ܕܥܹܣܘܿ، ܕܝܼܠܹܗ ܐܲܕܘܿܡ. 2ܥܹܣܘܿ ܫܩܝܼܠ ܠܹܗ ܠܒܲܟ݂ܬܵܬܹ̈ܗ ܡ̣ܢ ܒܢܵܬܹ̈ܐ ܕܟܢܲܥܢ: ܠܥܲܕܵܐ ܒܪܵܬܵܐ ܕܐܲܠܘܿܢ ܚܹܝܬܵܝܵܐ، ܘܠܐܲܗܵܠܝܼܒ݂ܵܡܵܐ ܒܪܵܬܵܐ ܕܥܲܢܵܐ، ܒܪܵܬܵܐ ܕܨܸܒ݂ܥܘܿܢ ܚܵܘܵܝܵܐ؛ 3ܘܠܒܸܣܡܲܬ ܒܪܵܬܵܐ ܕܐܝܼܫܡܲܥܹܝܠ، ܚܵܬܵܐ ܕܢܒ݂ܝܼܘܿܬ. 4ܥܲܕܵܐ ܝ݇ܠܝܼܕ ܠܵܗ̇ ܠܐܹܠܝܼܦܲܙ ܩܵܐ ܥܹܣܘܿ؛ ܘܒܸܣܡܲܬ ܝ݇ܠܝܼܕ ܠܵܗ̇ ܠܪܥܘܼܐܹܝܠ. 5ܘܐܲܗܵܠܝܼܒ݂ܵܡܵܐ ܝ݇ܠܝܼܕ ܠܵܗ̇ ܠܝܲܥܘܼܫ ܘܠܝܲܥܠܵܡ ܘܠܩܘܿܪܚ. ܐܲܢܹܐ ܝܢܵܐ ܒܢܘܿܢܹ̈ܐ ܕܥܹܣܘܿ ܕܦܝܼܫ ܠܗܘܿܢ ܝ݇ܠܝܼܕܹܐ ܐܸܠܹܗ ܒܐܲܪܥܵܐ ܕܟܢܲܥܢ.

6ܫܩܝܼܠ ܠܹܗ ܥܹܣܘܿ ܠܒܲܟ݂ܬܵܬܹ̈ܗ ܘܠܒܢܘܿܢܘܼ̈ܗܝ ܘܠܒܢܵܬܹ̈ܗ ܘܠܟܠܲܝܗܝ ܒܢܲܝ̈ ܒܲܝܬܹܗ، ܘܠܟܠܲܝܗܝ ܪܸ̈ܣܩܘܼܗܝ ܘܩܸܢܝܵܢܘܼ̈ܗܝ، ܘܠܟܠܹܗ ܡܸܢܕܝܼܹܗ ܕܩܸܢܝܹܗ ܝܗ݇ܘܵܐ ܒܐܲܪܥܵܐ ܕܟܢܲܥܢ، ܘܐ݇ܙܝܼܠ ܠܹܗ ܡ̣ܢ ܠܟܸܣ ܝܲܥܩܘܿܒ݂ ܐܲܚܘܿܢܘܼܗܝ ܠܚܕܵܐ ܐܲܪܥܵܐ ܐ݇ܚܹܪ݇ܬܵܐ، 7ܣܵܒܵܒ ܩܸܢܝܵܢܲܝ̈ܗܝ ܪܵܒܵܐ ܝܗ݇ܘܵܐ ܐܸܠܲܝܗܝ ܠܸܥܡܵܪܵܐ ܡܸܚܕܵܕܹ̈ܐ، ܘܐܲܪܥܵܐ ܕܫܸܪܝܹܐ ܝܗ݇ܘܵܘ ܓܵܘܘܼܗ̇ ܠܹܐ ܝܗ݇ܘܵܐ ܡܵܠܝܵܢܬܵܐ ܩܵܐ ܪܸ̈ܣܩܲܝܗܝ. 8ܘܝ݇ܬܝܼܒ݂ ܠܹܗ ܥܹܣܘܿ ܒܛܘܼܪܵܐ ܕܣܵܥܝܼܪ. ܥܹܣܘܿ ܕܝܼܠܹܗ ܐܲܕܘܿܡ.

9ܐܲܢܹܐ ܝܢܵܐ ܒܢܘܿܢܹ̈ܐ ܕܥܹܣܘܿ ܒܵܒܵܐ ܕܐܲܕܘܿܡܵܝܹ̈ܐ ܒܛܘܼܪܵܐ ܕܣܵܥܝܼܪ. 10ܐܲܢܹܐ ܝܢܵܐ ܫܸܡܵܢܹ̈ܐ ܕܒܢܘܿܢܹ̈ܐ ܕܥܹܣܘܿ: ܐܹܠܝܼܦܲܙ ܒܪܘܿܢܵܐ ܕܥܲܕܵܐ ܒܲܟ݂ܬܵܐ ܕܥܹܣܘܿ، ܘܪܥܘܼܐܹܝܠ ܒܪܘܿܢܵܐ ܕܒܸܣܡܲܬ ܒܲܟ݂ܬܵܐ ܕܥܹܣܘܿ. 11ܒܢܘܿܢܹ̈ܐ ܕܐܹܠܝܼܦܲܙ ܐܲܢܹܐ ܝܢܵܐ: ܬܲܝܡܵܢ، ܐܘܿܡܵܪ، ܨܦܘܿ، ܓܲܥܬܵܡ، ܘܩܲܢܲܙ. 12ܬܲܡܢܲܥ ܝܼܗ݇ܘܵܐ ܕܪܘܼܟ݂ܬܵܐ ܕܐܹܠܝܼܦܲܙ، ܒܪܘܿܢܵܐ ܕܥܹܣܘܿ؛ ܘܝ݇ܠܝܼܕ ܠܵܗ̇ ܠܥܡܵܠܹܝܩ ܩܵܐ ܐܹܠܝܼܦܲܙ. ܐܲܢܹܐ ܝܢܵܐ ܒܢܘܿܢܹ̈ܐ ܕܥܲܕܵܐ ܒܲܟ݂ܬܵܐ ܕܥܹܣܘܿ. 13ܐܲܢܹܐ ܝܢܵܐ ܒܢܘܿܢܹ̈ܐ ܕܪܥܘܼܐܹܝܠ: ܢܵܚܵܬ، ܙܹܪܵܚ، ܫܲܡܵܐ، ܡܲܙܵܐ. ܐܲܢܹܐ ܝܢܵܐ ܒܢܘܿܢܹ̈ܐ ܕܒܸܣܡܲܬ ܒܲܟ݂ܬܵܐ ܕܥܹܣܘܿ. 14ܐܲܢܹܐ ܝܢܵܐ ܒܢܘܿܢܹ̈ܐ ܕܐܲܗܵܠܝܼܒ݂ܵܡܵܐ ܒܪܵܬܵܐ ܕܥܲܢܵܐ ܒܪܵܬܵܐ ܕܨܸܒ݂ܥܘܿܢ، ܒܲܟ݂ܬܵܐ ܕܥܹܣܘܿ، ܕܝ݇ܠܝܼܕ ܠܵܗ̇ ܩܵܐ ܥܹܣܘܿ: ܠܝܲܥܘܼܫ، ܠܝܲܥܠܵܡ، ܘܠܩܘܿܪܚ. 15ܘܐܲܢܹܐ ܝܢܵܐ ܓܘܼܪ̈ܵܢܹܐ ܕܒܢܘܿܢܹ̈ܐ ܕܥܹܣܘܿ: ܒܢܘܿܢܹ̈ܐ ܕܐܹܠܝܼܦܲܙ، ܒܘܼܟ݂ܪܵܐ ܕܥܹܣܘܿ: ܪܲܒܵܐ ܬܲܝܡܵܢ، ܪܲܒܵܐ ܐܘܿܡܵܪ، ܪܲܒܵܐ ܨܦܘܿ، ܪܲܒܵܐ ܩܲܢܲܙ. 16ܪܲܒܵܐ ܩܘܿܪܚ، ܪܲܒܵܐ ܓܲܥܬܲܡ، ܘܪܲܒܵܐ ܥܡܵܠܹܝܩ. ܐܲܢܹܐ ܝܢܵܐ ܓܘܼܪ̈ܵܢܹܐ ܣܘܼܢܣܸܠܹܐ ܡ̣ܢ ܐܹܠܝܼܦܲܙ ܘܡ̣ܢ ܥܲܕܵܐ ܒܐܲܪܥܵܐ ܕܐܲܕܘܿܡ. 17ܐܲܢܹܐ ܝܢܵܐ ܒܢܘܿܢܹ̈ܐ ܕܪܥܘܼܐܹܝܠ، ܒܪܘܿܢܵܐ ܕܥܹܣܘܿ: ܪܲܒܵܐ ܢܵܚܵܬ، ܪܲܒܵܐ ܙܹܪܵܚ، ܪܲܒܵܐ ܫܲܡܵܐ، ܘܪܲܒܵܐ ܡܲܙܵܐ. ܐܲܢܹܐ ܝܢܵܐ ܓܘܼܪ̈ܵܢܹܐ ܕܪܥܘܼܐܹܝܠ ܒܐܲܪܥܵܐ ܕܐܲܕܘܿܡ؛ ܐܲܢܹܐ ܝܢܵܐ ܒܢܘܿܢܹ̈ܐ ܕܒܸܣܡܲܬ، ܒܲܟ݂ܬܵܐ ܕܥܹܣܘܿ. 18ܘܐܲܢܹܐ ܝܢܵܐ ܒܢܘܿܢܹ̈ܐ ܕܐܲܗܵܠܝܼܒ݂ܵܡܵܐ، ܒܲܟ݂ܬܵܐ ܕܥܹܣܘܿ: ܪܲܒܵܐ ܝܲܥܘܼܫ، ܪܲܒܵܐ ܝܲܥܠܵܡ، ܪܲܒܵܐ ܩܘܿܪܚ. ܐܲܢܹܐ ܝܢܵܐ ܓܘܼܪ̈ܵܢܹܐ ܕܐܲܗܵܠܝܼܒ݂ܵܡܵܐ، ܒܪܵܬܵܐ ܕܥܲܢܵܐ ܒܲܟ݂ܬܵܐ ܕܥܹܣܘܿ. 19ܐܲܢܹܐ ܝܢܵܐ ܒܢܘܿܢܹ̈ܐ ܕܥܹܣܘܿ، ܕܝܼܠܹܗ ܐܲܕܘܿܡ، ܘܐܲܢܹܐ ܝܢܵܐ ܓܘܼܪ̈ܵܢܲܝܗܝ.

ܬܵܘܠܕܵܬܹ̈ܐ ܕܣܵܥܝܼܪ

20ܐܲܢܹܐ ܝܢܵܐ ܒܢܘܿܢܹ̈ܐ ܕܣܵܥܝܼܪ ܚܘܿܪܵܝܵܐ، ܥܵܡܪ̈ܵܢܹܐ ܒܗ̇ܝ ܐܲܪܥܵܐ: ܠܘܿܛܵܢ، ܘܫܘܼܒܵܠ، ܘܨܸܒ݂ܥܘܿܢ، ܘܥܲܢܵܐ؛ 21ܘܕܝܼܫܘܿܢ، ܘܐܵܨܵܪ، ܘܕܝܼܫܵܢ. ܐܲܢܹܐ ܝܢܵܐ ܪܵܘܪ̈ܒ݂ܵܢܹܐ ܕܚܘܿܪ̈ܵܝܹܐ، ܒܢܘܿܢܹ̈ܐ ܕܣܵܥܝܼܪ، ܒܐܲܪܥܵܐ ܕܐܲܕܘܿܡ. 22ܐܲܢܹܐ ܝܢܵܐ ܒܢܘܿܢܹ̈ܐ ܕܠܘܿܛܵܢ: ܚܘܿܪܝܼ، ܘܗܘܿܡܵܡ؛ ܘܚܵܬܵܐ ܕܠܘܿܛܵܢ، ܬܲܡܢܲܥ. 23ܐܲܢܹܐ ܝܢܵܐ ܒܢܘܿܢܹ̈ܐ ܕܫܘܼܒܵܠ: ܥܲܠܘܵܢ، ܘܡܵܢܵܚܲܬ، ܘܥܘܿܒܵܠ، ܘܫܸܦܘܿ، ܘܐܘܿܢܵܡ. 24ܐܲܢܹܐ ܝܢܵܐ ܒܢܘܿܢܹ̈ܐ ܕܨܸܒ݂ܥܘܿܢ: ܐܲܝܵܐ، ܘܥܲܢܵܐ. ܐܵܗܵܐ ܝܠܹܗ ܥܲܢܵܐ ܕܡܘܼܫ݇ܟ̰ܸܚ ܠܹܗ ܥܲܝܢܵܬܹ̈ܐ ܫܲܚܝܼܢܹ̈ܐ ܓܵܘ ܒܲܪܝܼܵܐ، ܟܲܕ ܡܲܪܥܘܼܝܹܐ ܝܗ݇ܘܵܐ ܚܡܵܪܹ̈ܐ ܕܨܸܒ݂ܥܘܿܢ ܒܵܒܘܼܗܝ. 25ܐܲܢܹܐ ܝܢܵܐ ܝܵܠܹ̈ܕ݇ܐ ܕܥܲܢܵܐ: ܕܝܼܫܘܿܢ، ܘܐܲܗܵܠܝܼܒ݂ܵܡܵܐ ܒܪܵܬܵܐ ܕܥܲܢܵܐ. 26ܘܐܲܢܹܐ ܝܢܵܐ ܒܢܘܿܢܹ̈ܐ ܕܕܝܼܫܘܿܢ: ܚܲܡܕܵܢ، ܘܐܲܫܒܵܢ، ܘܝܲܬܪܵܢ، ܘܟܲܪܵܢ. 27ܐܲܢܹܐ ܝܢܵܐ ܒܢܘܿܢܹ̈ܐ ܕܐܵܨܵܪ: ܒܲܠܗܵܢ، ܘܙܲܥܘܵܢ، ܘܥܲܩܲܢ. 28ܐܲܢܹܐ ܝܢܵܐ ܒܢܘܿܢܹ̈ܐ ܕܕܝܼܫܘܿܢ: ܥܘܼܨ، ܘܐܵܪܵܢ. 29ܐܲܢܹܐ ܝܢܵܐ ܓܘܼܪ̈ܵܢܹܐ ܕܚܘܿܪ̈ܵܝܹܐ: ܪܲܒܵܐ ܠܘܿܛܵܢ، ܪܲܒܵܐ ܫܘܼܒܵܠ، ܪܲܒܵܐ ܨܸܒ݂ܥܘܿܢ، ܪܲܒܵܐ ܥܲܢܵܐ؛ 30ܪܲܒܵܐ ܕܝܼܫܘܿܢ، ܪܲܒܵܐ ܐܵܨܵܪ، ܪܲܒܵܐ ܕܝܼܫܵܢ. ܐܲܢܹܐ ܝܢܵܐ ܓܘܼܪ̈ܵܢܹܐ ܕܚܘܿܪ̈ܵܝܹܐ ܒܐܲܪܥܵܐ ܕܣܵܥܝܼܪ ܐܲܝܟ݂ ܣܸܕܪܲܝܗܝ.

ܡܲܠܟܹ̈ܐ ܕܐܲܕܘܿܡ

31ܐܲܢܹܐ ܝܢܵܐ ܡܲܠܟܹ̈ܐ ܕܥܒ݂ܝܼܕ ܠܗܘܿܢ ܡܲܠܟܘܼܬܵܐ ܒܐܲܪܥܵܐ ܕܐܲܕܘܿܡ، ܡ̣ܢ ܩܵܕ݇ܡ ܕܗܲܟܸܡ ܗ݇ܘܵܐ ܡܲܠܟܵܐ ܥܲܠ ܒܢܲܝ̈ ܝܼܣܪܵܝܹܠ. 32ܥܒ݂ܝܼܕ ܠܹܗ ܡܲܠܟܘܼܬܵܐ ܒܐܲܕܘܿܡ، ܒܵܠܵܥ ܒܪܘܿܢܵܐ ܕܒܥܘܿܪ، ܘܫܸܡܵܐ ܕܡܕܝܼܢ݇ܬܹܗ ܕܸܢܗܵܒ݂ܵܐ ܝܗ݇ܘܵܐ. 33ܡܝܼܬ ܠܹܗ ܒܵܠܵܥ، ܘܥܒ݂ܝܼܕ ܠܹܗ ܡܲܠܟܘܼܬܵܐ ܒܕܘܼܟܬܹܗ ܝܘܼܒܵܒ݂، ܒܪܘܿܢܵܐ ܕܙܹܪܵܚ، ܡ̣ܢ ܒܘܼܨܵܪ. 34ܡܝܼܬ ܠܹܗ ܝܘܼܒܵܒ݂، ܘܥܒ݂ܝܼܕ ܠܹܗ ܡܲܠܟܘܼܬܵܐ ܡ̣ܢ ܒܵܬ݇ܪ ܡܸܢܹܗ ܚܘܿܫܵܡ، ܡ̣ܢ ܐܲܪܥܵܐ ܕܬܲܝܡܵܢܵܝܹ̈ܐ. 35ܡܝܼܬ ܠܹܗ ܚܘܿܫܵܡ، ܘܥܒ݂ܝܼܕ ܠܹܗ ܡܲܠܟܘܼܬܵܐ ܡ̣ܢ ܒܵܬ݇ܪ ܡܸܢܹܗ ܗܕܵܕ، ܒܪܘܿܢܵܐ ܕܒܕܵܕ. ܗ̇ܘ ܕܓ݂ܠܝܼܒ ܠܹܗ ܠܡܸܕܝܲܢ، ܒܕܸܫܬܵܐ ܕܡܘܼܐܵܒ݂؛ ܘܫܸܡܵܐ ܕܡܕܝܼܢ݇ܬܹܗ ܥܹܘܝܼܬ ܝܼܗ݇ܘܵܐ. 36ܡܝܼܬ ܠܹܗ ܗܕܵܕ، ܘܥܒ݂ܝܼܕ ܠܹܗ ܡܲܠܟܘܼܬܵܐ ܡ̣ܢ ܒܵܬ݇ܪ ܡܸܢܹܗ ܣܲܡܠܵܐ، ܡ̣ܢ ܡܲܣܪܹܩܵܐ. 37ܡܝܼܬ ܠܹܗ ܣܲܡܠܵܐ، ܘܥܒ݂ܝܼܕ ܠܹܗ ܡܲܠܟܘܼܬܵܐ ܡ̣ܢ ܒܵܬ݇ܪ ܡܸܢܹܗ ܫܵܐܘܿܠ ܡ̣ܢ ܪܚܘܿܒܘܿܬ ܕܢܲܗܪܵܐ ܕܦܪܵܬ. 38ܡܝܼܬ ܠܹܗ ܫܵܐܘܿܠ، ܘܥܒ݂ܝܼܕ ܠܹܗ ܡܲܠܟܘܼܬܵܐ ܡ̣ܢ ܒܵܬ݇ܪ ܡܸܢܹܗ ܒܲܥܲܠ ܚܲܢܵܢ، ܒܪܘܿܢܵܐ ܕܥܲܟ݂ܒܘܿܪ. 39ܡܝܼܬ ܠܹܗ ܒܲܥܲܠ ܚܲܢܵܢ، ܒܪܘܿܢܵܐ ܕܥܲܟ݂ܒܘܿܪ، ܘܥܒ݂ܝܼܕ ܠܹܗ ܡܲܠܟܘܼܬܵܐ ܡ̣ܢ ܒܵܬ݇ܪ ܡܸܢܹܗ ܗܕܵܕ. ܫܸܡܵܐ ܕܡܕܝܼܢ݇ܬܹܗ ܦܥܘܼ ܝܗ݇ܘܵܐ، ܘܫܸܡܵܐ ܕܒܲܟ݂ܬܹܗ ܡܲܗܛܒ݂ܵܐܹܝܠ ܝܼܗ݇ܘܵܐ، ܒܪܵܬܵܐ ܕܡܲܛܪܝܼܕ، ܒܪܵܬܵܐ ܕܡܝܼ ܙܵܗܵܒ.

40ܐܲܢܹܐ ܝܢܵܐ ܫܸܡܵܢܹ̈ܐ ܕܪܵܘܪ̈ܒ݂ܵܢܹܐ ܕܥܹܣܘܿ، ܒܫܲܪ̈ܒܵܬܲܝܗܝ، ܒܕܘܼܟܵܢܲܝ̈ܗܝ، ܘܒܫܸܡܵܢܲܝ̈ܗܝ: ܪܲܒܵܐ ܬܲܡܢܲܥ، ܪܲܒܵܐ ܥܲܠܘܵܐ، ܪܲܒܵܐ ܝܵܬܹܝܬ، 41ܪܲܒܵܐ ܐܲܗܵܠܝܼܒ݂ܵܡܵܐ، ܪܲܒܵܐ ܐܝܼܠܵܐ، ܪܲܒܵܐ ܦܝܼܢܘܿܢ، 42ܪܲܒܵܐ ܩܲܢܲܙ، ܪܲܒܵܐ ܬܲܝܡܵܢ، ܪܲܒܵܐ ܡܲܒ݂ܨܲܪ، 43ܪܲܒܵܐ ܡܲܓܕܝܼܐܹܝܠ، ܘܪܲܒܵܐ ܥܝܼܪܵܡ. ܐܲܢܹܐ ܝܢܵܐ ܪܵܘܪ̈ܒ݂ܵܢܹܐ ܕܐܲܕܘܿܡ ܒܕܘܼܟܵܢܲܝ̈ܗܝ، ܒܐܲܪܥܵܐ ܕܝܵܪܬܘܼܬܲܝܗܝ. ܐܵܗܵܐ ܝܠܹܗ ܥܹܣܘܿ ܒܵܒܵܐ ܕܐܲܕܘܿܡܵܝܹ̈ܐ.

Currently Selected:

ܒܪܝܬܐ 36: ABTAB

Highlight

Compare

Copy