KO ‘EKISOTO 18
18
Ko e ‘A‘ahi ‘a Setelō kia Mōsese
1PEA ko Setelō ko e taula‘eiki ‘o Mitiani mo e kāinga ‘o e uaifi ‘o Mōsese, na‘a ne fanongo ki he ngaahi me‘a kuo fai ‘e he ‘Otua ma‘a Mōsese pea mo hono kakai ‘Isileli, ‘o pehē kuo ‘omi ‘e Sihova ‘a ‘Isileli mei ‘Isipite. 2Pea ‘omi ‘e Setelō ko e kāinga ‘o e uaifi ‘o Mōsese ‘a Sīpola ko e uaifi ‘o Mōsese, neongo kuo ne fakafoki ia,#‘Eki 2.21-22 3pea mo ‘ene ongo tama, ‘a ia ko e hingoa ‘o e taha ko Kēsome (Nofo-muli)#18.3 Kēsome; ‘Oku vāofi ‘a hono pu‘aki ‘o e hingoá ni mo e faka-Hepelū ‘o e tokotaha muli. #Ngā 7.29 koe‘uhi ko ‘ene pehē, Kuo u ‘āunofo ‘i ha fonua muli: 4pea ko e hingoa ‘o e taha ko ‘Eliesa (Ko e ‘Otua-ko-hoku-tokoni),#18.4 ‘Eliesa; ‘Oku vāofi ‘a hono pu‘aki ‘o e hingoá ni mo e faka-Hepelū ‘o e ‘oku tokoni‘i ‘au ‘e he ‘Otuá. koe‘uhi “ko e ‘Otua ‘o ‘eku tamai na‘e ‘i ai ma‘aku tokoni, ‘o ne fakahaofi mei he heletā ‘a Felo.” 5Pea ha‘u ‘a Setelō ko e kāinga ‘o e uaifi ‘o Mōsese kia Mōsese ki he Toafa kuo ha‘u mo ia ‘ene fānau mo hono uaifi, ‘o ne fokotu‘u tēniti ‘i he potu ko ia ‘i he Mo‘unga ‘o ‘Elohimi. 6Pea ne lea kia Mōsese ‘o pehē, Ko au eni ko e kāinga ‘o ho uaifi, ‘a Setelō, kuo u ha‘u kiate koe, pea ‘oku ‘iate au ho uaifi, pea ‘oku ‘iate ia ‘ene ongo tama. 7Pea hū kitu‘a ‘a Mōsese ke fakafetaulaki ki he kāinga ‘o hono uaifi, ‘o ne faka‘apa‘apa ki ai, mo ‘uma kiate ia; pea na fetāpaaki, pea nau toki hū ki hē tēniti. 8Pea ‘a‘au ‘e Mōsese ki he kāinga ‘o hono uaifi ‘a e me‘a kotoa kuo fai ‘e Sihova kia Felo, pea ki he kakai ‘Isipite, koe‘uhi ko ‘Isileli, ‘a e ngaahi faingata‘a kuo nau mo‘ua ai ‘i he hala, mo e fakahaofi kinautolu ‘e Sihova. 9Pea na‘e fiefia ‘a Setelō ‘i he ngaahi lelei kuo fai ‘e Sihova ma‘a ‘Isileli, ‘a ia kuo ne fakamo‘ui ia mei he nima ‘o e kakai ‘Isipite. 10Pea pehē ‘e Setelō, Ke mālō‘ia ‘a Sihova, ‘a ia kuo ne fakahaofi kimoutolu mei he nima ‘o e kau ‘Isipite, pea mei he nima ‘o Felo, ‘a ia kuo ne fakahaofi ‘a e kakai mei he lalo nima ‘o e kau ‘Isipite. 11Kuo u toki ‘ilo ‘oku lahi ‘a Sihova ‘i he ngaahi ‘otua kotoa pē; he ‘i he me‘a na‘a nau fakamofutofuta ai na‘a ne ha‘aki kinautolu. 12Pea to‘o ‘e Setelō ko e kāinga ‘o e uaifi ‘o Mōsese ha feilaulau-mōifua, mo e feilaulau ni‘ihi ma‘a e ‘Otua; pea na‘e omi ‘a ‘Ēlone mo e kau Mātu‘a ‘o ‘Isileli ke keinanga mo e kāinga ‘o e uaifi ‘o Mōsese ‘i he ‘ao ‘o ‘Elohimi.
Ko Hono Fili ‘o ha Kau Fakamaau
(Teu 1.9-18)
13Pea pongipongi hake na‘e nofo ‘a Mōsese ke fai fakamaau ki he kakai, pea na‘e tutu‘u mai ‘a e kakai kia Mōsese mei he pongipongi ki he efiafi. 14Pea ‘i he mamata ‘e he kāinga ‘o e uaifi ‘o Mōsese ki he ngaahi me‘a ‘oku ne fai ma‘a e kakai, na‘a ne lea hake, Ko e hā tū ‘a e me‘a ni ‘oku ke fai ki he kakai? Ko e hā ‘oku ke nofo toko taha ai koe, ko e tu‘ulaki mai kiate koe ‘a e fu‘u kakai mei he pongipongi ki he efiafi?
15Pea tali ‘e Mōsese ki he kāinga ‘o hono uaifi, Koe‘uhi ‘oku ha‘u ‘a e kakai kiate au ke fehu‘i ki he ‘Otua: 16ka ai ha‘anau me‘a ‘oku nau ha‘u kiate au, ka u fakamaau ‘a e vā ‘o e tangata mo e tangata, pea u faka‘ilo ‘a e ngaahi tu‘utu‘uni ‘a ‘Elohimi, mo ‘ene ngaahi lao.
17Pea pehē ‘e he kāinga ‘o e uaifi ‘o Mōsese kiate ia, ‘Oku ‘ikai lelei ‘a e me‘a ‘oku ke fai. 18He kuo pau te ke malūmaea ai; ‘o ‘ikai ko koe pē, ka ko e kakai ni foki ‘oku ‘iate koe: he ‘oku mamafa fau ‘a e ngāue kiate koe: ‘e ‘ikai lava ke ke fai toko taha pē. 19‘Ē, tokanga ki he‘eku lea, ka u fale‘i koe, pea ‘e ‘iate koe ‘a e ‘Otua: Ke ke fakafofonga ‘a e kakai ki he ‘Otua, pea ‘omi ‘e koe ‘a e ngaahi me‘a kia ‘Elohimi. 20Pea te ke ako kinautolu ‘i he ngaahi tu‘utu‘uni mo e ngaahi lao, pea te ke faka‘ilo kiate kinautolu ‘a e founga te nau fou ai, mo e ngāue te nau feia. 21Pea ‘e ‘a‘au ke fili mei he kakai kotoa ha kakai fita, ha ni‘ihi ‘oku ‘apasia ki he ‘Otua, ko e kakai fai mo‘oni, ‘o fehi‘a ki he koloa lavaki; pea fakanofo kinautolu ko e kau pule ki he ngaahi afe, mo e kau pule ki he ngaahi teau, mo e kau pule ki he ngaahi nimangofulu, mo e kau pule ki he ngaahi hongofulu: 22pea tuku ke nau fai fakamaau ki he kakai ‘i he taimi kehekehe; pea ka ‘ilonga ha me‘a mamafa te nau ‘omi kiate koe, ka ko e ngaahi me‘a iiki te nau fakamaau ‘e kinautolu: ko ia ‘e fakama‘ama‘a ai ho‘o kavenga, pea te nau fua ia fakataha mo koe. 23Kapau te ke fai ‘a e me‘a ni, pea finangalo ki ai ‘a e ‘Otua, pea te ke lava ke tolonga; pea ko e fu‘u kakai ni foki te nau a‘u lelei ki honau feitu‘u.
24Pea tokanga ‘a Mōsese ki he lea ‘a e kāinga ‘o hono uaifi, pea ne fai ‘a e me‘a kotoa pē kuo ne tala. 25Pea na‘e fili ‘e Mōsese ha kakai fita mei ‘Isileli kātoa, ‘o ne fakanofo kinautolu ko e ngaahi ‘ulu ki he kakai, ko e kau pule ‘o e ngaahi afe, ko e kau pule ‘o e ngaahi teau, ko e kau pule ‘o e ngaahi nimangofulu, ko e kau pule ‘o e ngaahi hongofulu. 26Pea na‘a nau fai fakamaau ki he kakai ‘i he taimi kotoa pē: ‘ilonga ha me‘a faingata‘a na‘a nau ‘omi kia Mōsese, ka ko e ngaahi me‘a iiki na‘a nau fakamaau ‘e kinautolu.
27Pea tuku ‘e Mōsese ‘a e kāinga ‘o hono uaifi ke ‘alu, pea ne fononga ki hono fonua ‘o‘ona.
Currently Selected:
KO ‘EKISOTO 18: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
