Kabavelamu 35
35
Iakobo inaqo Elana taoni waineye Lebani natunavo kadikailuqa inaqidi kadiwavaqa Lea wete Litieli. Lea wete Litieli ditolituqavo Silupa we Biluka, Iakobo wete inaqidi mwanenavo. We diqaba 14 ilitulituqa Lebani waineye pokalidi paipaidi. Matautauda Yaubada Iakobo ivoneni lawana tomwatomwayana navikai inabaileni inavila inanaqo tamana navikaie. Tutuyanina navila waineye igololo, paina Iso wete enavo taiauda kago mesaida inakwavineni menasusuvo. Tutuyanina Iso taiauda ivekedabababana, Iso kanakapoka ge idaoqala taiauda idavetalaqa.
Yaubada Iakobo ivonavenapwayeweni
9Mulineye Iakobo Lebani navikaie Mesopotemiaeqa ivila imai vikai Bedeli waineye imiamia, Yaubada ilausimatala-vaituqana Iakobo waineye wete ivonavenapwayeweni. 10Yaubada ivoneni ivo,
“Kamuavaqa Iakobo,
deqoina tutuyanina ge Iakobo komu kamuavaqa
aiqolemu Isileli.#35:10 Iakobo kananuakawananaqai “katupoe.” Isileli kananuakawananaqai “Yaubada taiauda ietalaqa.””
Beqa Yaubada iqoleni Isileli.
11 #
Kaba 17:4-8
Matautauda Yaubada ivoneni ivo,
“Yau Yaubada Veluvelulunaotoqina.
Kivenatuna kivepue-otoqa.
Tubuleleleqimwavo kamukabeida tamo tomo'otoqa kadiyoko bwaigidi we dikabaloina puedi,
we kabaloinavo kadikinivo komu tubuleleleqimwavo waidie'eqa kawaie inasauyedi.
12Pwayapwaya dede gunabeida Ebelamo wete Aisake waidie avonadabadaba akalaqeieni
wete avonadabadaba aikalaqeieni waimue,
wete tubuleleleqimwavo mulimue waidie
pwayapwaya dede aikalaqeieni waidie.”
13Tutuyanina Yaubada Iakobo taiauda iesipupu ikakava, Yaubada ikiaweni ilaga. 14#Kaba 28:18, 19No waineye Yaubada taiauda ivesipupu, beqa Iakobo gileu ikewai isivetovoia we oine i'iwaqi tabwaneye navelomu paipaina, matautauda olibe bunamana beqa wete i'iwaqi.#35:14 Iakobo vikai noko ivesinueni “inagiavemaqetai” kabasobwanu paipaina. 15We no waineye Yaubada taiauda ivesipupu, beqa Iakobo vikainina iqoleni Bedeli.
Litieli iwapa
16Mulineye Iakobo menasusuvo Bedeli ikiaweni itauya inaqo, we tutuyanina vikai Epalata giladi kanikie, Litieli ditutuya vetubuqa ivelamu we divetubuqa imwau. 17Tutuyanina Litieli ivelamu iepaisiwa we diveviqa iebwaiga-otoqa, we gwamana saiqanaqa inatubuqa-kakava, togiavetubuqa ivo, “Ge kwaigololo! Komi gwamana lamoqina kwavetubuqi.” 18Tutuyanina gwamana itubuqa, saiqanaqa Litieli yawaidi inakakava, beqa iqoleni Benoni, #35:18 Benoni kananuakawananaqai “veviqa kanagwamana.” we tamana iqoleni Beniamina. #35:18 Beniamina kananuanua “natugu kataqigu” kananuakawananaqai “wayaqiotoqigu” o “kagutokaivaisa veluvelulunina.” 19Matautauda Litieli iwapa itavunidi Epalata kenao doleneye. Deqoina Epalata iqoleni Bedeliema. 20We Iakobo gileu isivetovoia Litieli kaditaumata tabwaneye kadikiakiaya. No kiakiayanina giladi itovotovoi no vikainina waineye.
Aisake iwapa
22Iakobo natunavo 12:
23Lea natudiavo:
Lubeni, Iakobo natomwayai,
Simioni, Libai, Iuda, Isaka we Sebuloni.
24Litieli natudiavo:
Iosepa wete Beniamina.
25Biluka, Litieli ditolituqa, natudiavo:
Dani wete Napitalai.
26Silupa, Lea ditolituqa, natudiavo:
Gada wete Aseli.
Dede Iakobo natunavo mwanenavo ivenatunedi Mesopotemia waineye.
27 #
Kaba 13:18
Beqa, Iakobo ivila-vaituqana tamana Aisake waineye Mamile, Kiliata Aba vivineye—deqoina taoni iqoleni Ebiloni. No vanuqanina base Ebelamo waineye imiamia mulineye wete Aisake waineye imiamia, gumanidiavo olaolaga. 28We Aisake imiana kanadiqaba 180. 29Tutuyanina Aisake itomwaya-otoqa, vaitabuna isauyeni iwapa we inaqo tubunavo waidie. Beqa, natunavo Iso we Iakobo itavuni.
Currently Selected:
Kabavelamu 35: mzz
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
