Bikɔmɛli 6
6
Basuku baDenga Sanibo
1Etango ebacingami ehɛkɛ oko bohɛ a masu mamina. BaYuda ko baya babalaka kɔpi eBaEla badaka na manungunungu a mojɔ moBaEbele, cina bo bali babu babogwa baisɔkɔ libondo libipeeli busa na busa. 2Babwɛnji domi-na-babae babolea likita libacingami; babala na bu bo, Iso bobwaniti bokina mwako moNjambe botɔndɔ a bokɔ elomu emesa. 3Baninga, dukani bami sambo a tei enu, bato bagala epele baya balumi na Mwembo Mosɛnɔke na bowɛi, bo bobapɛ elomu emina. 4Iso ko bodi bosahɛngɛ oko a mojɔ mobo’nga na elomu eMwako Mopele. 5Bato basusu bajima mojɔ momina; na bahɔ Sɛtɛpano, moto oejimeli yona oluma na Mwembo Mosɛnɔke. Bahɔ koko Pilipo na Pulokɔlɔ, Nikanola na Timona, Palamena na Nikola, mocingami oAntiokia. 6Babameja a boso bobabwɛnji, baya ba’nga Njambe, na babakea mɔmɔ ai bo.
Sɛtɛpano
7Mwako moNjambe monangana. Etango ebacingami ehɛ bou mɛnɛ a Yelusalema, na nganga banɛnɛ bahekoa a ejimeli emina na lisuma. 8Sɛtɛpano aluma na ngulu na monganji, na akɔkɔ bimbete na mindumba a tei ebato. 9Bakina bato ko babanga boboma kitɛ na Sɛtɛpano, oko bato basinagoge eBikomba, na BaKulene, na BaKilikia, na BaAsia. 10Ibo ko bagboka na bowɛi bonde, mojɔ bo yo abalaka oko na Mwembo. 11A mojɔ momina, bajimeja bakina bato na poloso bo babale bo, Iso bomo’ki yana abali yo bikenge bibosambolu a mojɔ moMose na a mojɔ moNjambe. 12Oko boa bakeja bato kɛlɛ, na basuku na basɔni pongono. Ibo badoa, bamopea, na bakɛ na nde a esambi. 13Bameja batati babokosea baya babala bo, Moto yoyo t’akinake bobala mijɔ mibosambolu a mojɔ moesika ye esɛnɔke, na Mibeko pongono. 14Iso bomo’ki yana abali yo bo Yesu, yona oNasaleta, adi bobuka esika ye, na bobeja mijɔ misɔ so ai Mose. 15Bato basusu baya badaka a esambi banjaka Sɛtɛpano linjenje, na banɛ boso bonde o boso boobwɛnji oDiko.
Currently Selected:
Bikɔmɛli 6: NTNG61
Highlight
Share
Copy
Want to have your highlights saved across all your devices? Sign up or sign in
Alliance Biblique de la R. D. Congo
