Malako 11
11
Yesu Akwea a Yelusalema
1Yana abengaka bo Yelusalema, bamea a Betepage na Betania, hulelu na Mono moOlive. Yesu aloma bacingami bande babae na monɔkɔ bo, 2Kɛni a ngando yena edi saboso; okameani oho, odini bonɛ okina punda acingi yona otombakini moto. Mocingoani na doani na nde jɔno. 3Moto akahɔjɔ no bo, Okɔkɔni boa mojɔ moye? balani bo Kumu amobeaka, na bo adi bomosɔmbeja bokpa. 4Akɛ bo, batana punda acingi a monɔkɔ mondako a licilinga, na bamocingoa. 5Bakina bato baya badaka a esika emina babahɔjɔ bo, Ino ocingoakani punda mojɔ moye? 6Ibo basɔmbeja o ama bala Yesu, na bato bajima bo bakɛe. 7Badoa na punda ai Yesu, babakea bisenja bibu a punda, na babakea Yesu diko. 8Bato banɛnɛ banda bisenja bibu a njea. Batongo balena mandɛndɛ a gbie, na bamasambea a njea. 9Baya badaka boso, na baya badaka bacingi engbanga, babekoa bo, Osana! Bojongoa ai yo yona odoaka a kombe eKumu! 10Bojongoa a bokumu botata osu Dawidi bua bokɛkɛ adoe! Osana a Diko yena enɔi!
11Yesu akwea a Yelusalema na a tempelo. Anja leka a mɔngɔ masusu, na asɔmbɔ na bacingami domi-na-babae a Betania, mojɔ bo busa bobenga bodipa.
Mole Motete
12Yana aboa busa, badonga a Betania, na Yesu adaka na nja. 13Anɛ yo mokina #11.13 figuier mole bohali mweka mua modaka na kasa, akɛ a boduka isa modaka na mbuma. Amea yo ko a mole, atana oko kasa pɛ, mojɔ bo ehole embuma eipaka mea. 14Adipoa monɔkɔ na abala na mole bo, Moto atayaka mbuma jiwɛ na ikina. Na bacingami bande baka ekenge emina.
Yesu Asɛnoja Tempelo
15Yana amea bo a Yelusalema, Yesu akwea a tempelo, na abanga bobengana baya bakɔkɔ bwasa a tempelo. Akukea mesa mabato baya basɔmbɔtɔnɔkɔ likonja, na bidie bibato baya bangɛjɛkɛ sungu. 16Aijima nongo bo moto anɔe a tei etempelo yona otombaka ekina eka. 17Abaleha, na ahala na bu bo, Moisɔnɔmɔ bo?
Ndako embi êda na kombe, Ndako eBo’nga, a mojɔ momakota masusu. Ino ko oehekojaini bo edae esika etitanaka mibengo. 18Basɔni na basuku banganga baka mojɔ momina, na baduka njea bo bamowoe. Ibo bamobanga oko bobanga, mojɔ bo bato basusu basepaka bou a mojɔ mobokoja bonde. 19Yesu ko adonga a ngando tu busa a ehole emɔkɔmɔkɔ.
MojÉ” moEjimeli
20Anɔkɔ bo a njea ehuma, bacingami banɛ bo mole modaka mohɔlɔngɔnɔke oko a cina mɛnɛ. 21Pɛtɛlo alɛ; abala na Yesu bo, Labi, anja mole mosingabi wɛ; mohɔlɔngɔnɔbi! 22Yesu asɔmbeja, na abala na bu bo, Dani na ejimeli ai Njambe. 23Mbi natɔndɔkɔ no na soti bo, Moto akabala na mono mu bo modonge ena a bokwa a tei emadiba-mamukwa, na yo pɛ boda nongo na kitɛ a molema monde, na akajima bo mojɔ mobalaka yo modi bokɔɔmɔ, môda boa soti. 24A mojɔ momina, mbi natɔndɔkɔ no bo, Yana angaka no, jimani bo osini ngando jisusu jingɔɔnɔkɔ no, na ôsɔni. 25Okangɔni a mojɔ mobo’nga yana adi no na moto mojɔ, mokinani, 26bo Sangwa’nu yona odi oho Diko akine jihe jinu pongono.
Lihɔjɔ liNganga
27Bamea koko a Yelusalema. Yana adaka Yesu akadale a tei etempelo, basuku banganga, na basɔni, na basuku bangando, badoa ai yo. 28Babala na nde bo, Kpaci ewɛ a bokɔ ngando ji ehuli jɔ? Opi wɛ kpaci nda ho okɔe ngando ji? 29Yesu abasɔmbeja bo, Mbi napalaka bohɔjɔ no koko lihɔjɔ. Okasɔmbejani, mbi nadi botɔndɔ no yona opani kpaci yena ekɔkɔ na mbi ngando ji. 30Batisimo eYoane ehuli jɔ, oho Diko, isa ai bato? 31Ibo balɛ, na babalana bo, Bokabala bo edonga oho Diko, yo adi bohɔjɔ so bo, Oko boa oimojimeani mojɔ moye? 32Na bokabala bo ehula ai bato?—babangaka bato mojɔ bo bato basusu bangando bajimaka bo Yoane adaka motɔndɔi osoti. 33A mojɔ momina, basɔmbeja Yesu bo, Botajebakadea. Na Yesu abala na bu bo, Mbi pongono, nitajebeja no a mojɔ mokpaci yena ekɔkɔ na mbi ngando ji.
Currently Selected:
Malako 11: NTNG61
Highlight
Share
Copy
Want to have your highlights saved across all your devices? Sign up or sign in
Alliance Biblique de la R. D. Congo
