TIRLON 6
6
Tirlon Sari An thang suak
1Atun hiva nikhuo sung hin tirlonngai masing an lui hong khel, Grik chong ri mingai ning Jiwngai jiang an hong ri siatjui, ajarko anmanin meithai ngai ha ansanna chunga, a nitin tak natel pe ma u anti. 2Hava han tirlon somleini ning thiamruoingai ha an kuija anti, sepa kan tho na chunga Pathian chong om kan ri rang hi suak mak. 3Hiva jarra E, Ulenaingai rahui suak Thavang Thiang luising giannei pasal sari nang ni karra na thang peru, hiva chuan jarra anmani ha nei man rei. 4Tak-ha keininko lam nale hiva chuan ruia lung lut tak anitin kan tho rang ke.
5Han chong ha an jet mitamngai ning an lung a khop, hale anmanin takngai le Thavang Thiang in a sip pasal Stephan, Philip, Prokor, Nikanor Timon, Parme ha le Antiok Juda anmani hi an thangjui. 6Tirlonngai mai kunga an man ngirra, hale an chunga an kut ansiaka lampena an nei jui.
7Hale Pathian chong an ri naha ahong lian de det Jerusalem ma om tirlonngai masing om a hong kheldet, han thiampungai om takngai na han an lui hong jui. 8Stephan jiang manrit nale ranak a hong sip marra mingai karra jet nale angakpa chuan alui tho. 9Han an lungdo doa tho biakrup sunga mi tiko Sairenia, Aleksandria hale Silisia le Asia tenna mi a lek in Stephan ha jot mau a chong an lui kan jiatpui. 10Tak-ha a man chingna thiamna le kan ruaia thavang in aruai jarra a madonna lui ngir tor ma u. 11Han anmanin ruk chian na mi aviar ha an niak, a man Mousi le Pathian jiang esella chong a ri keinin kan jet an hong manti. 12Han mitamngai ha, ti ko ulianrupngai le dan ojangai ha an lung an man thak Stephan ha an manchurra ulianrup madonna an hong choia. 13An hong ti, hiva mihi ning a thiang mun hele dan chong ruia a ri ha bangma. 14Hale Nazaret Jisu ning hiva mun hi manmang nata hale Mousi chong pek han i man kan thul rang ke a ti tia anniak mingai ha ning shakhi an hong manpek. 15Han ulianrup a om rakip ning ama jiang an en pha han, ama maisuo ha thaneithiang maisuo ang han an lui mu.
Currently Selected:
TIRLON 6: AIMOLBSI
Highlight
Share
Copy
Want to have your highlights saved across all your devices? Sign up or sign in
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.
