LUK 2
2
Jisu Naichangna
(Mat. 1:18-25)
1Agastin rengpa ning hinga hin mirakip mimal masing telru tia chong pek na alui nei. 2Mising an hong tel karra kuirinia ning Sairia reng vaihomlian alui chang. 3Miring rakip an omna mun rakip ming an lui pek lut.
4Josep hi om Galili ram Nazaret tenna an phut Judia ram Bethlehem khopuia alui che, ajarko ama hi David phunga a hong suak alui ni. 5Josep ning Meri le ming pek lut rang an lui che, ama hi Josep le mui ruoi ranga chong an kan tor jui. Tak-ha Meriko chungrik alui om. 6Anmanin Bethlehem an tung pha han Meri kanjir na rang phat a hong tung jui. 7Hingahin Merining pasalnai nai a rapa a nei jui, hale puan na an chun na Serat chak na kheng kuanga alui manjaljui, ajarko anmani ranga mun atong lui om mak.
Belramtesel Le Thaneithiangai
8Hava phat lai tak han belramselngain an belram ansella luipukhan jan na an lui om. 9Puma thaneithiang ning anmani jiang a kando a, hale puma mahok lian na ha anmani karra alui om, han anmani ning an chitjui. 10Thaneithiang in anmani jiang an hong ti, “Chitmaru,” enru kei ning nang ni ranga chong hui ka hong choi, hivahi miring rakip ningsat na ranga ani. 11“Ve en ni nang ni ranga San ringpa an khat David khopuia nai a chang jui, a ming ko Khrista puma ani. 12Nang ni jet thei narangko naite khat puan na chun nan ta serat chak na khengkuang sunga a om mu nanti.”
13Hava lai tak hin thaneithiang tammin Pathian ha an manpak an lui ti.
14“Asang tak a Pathian lian na nirase, hale ramuol chunga Puma lung manbengai rakip chunga lunghip na ni rase.”
15Thaneithiang ngain vanram ma an kir suale, belramsel ngai ning anti, “Bethlehem ma hong che rei, hong enrei, Thaneithiangain keini jiang inatihi tu mo ani.”
16Hava suale belramselngain a rak tak an che karra, Josep le Meri hi anluimujui, naite han serat chak na khengkuanga a om ha an mu jui. 17Belramsel ngain naiteha an lui mu karra thaneithiang ning anmani jiang aluiripeha anngaidonjui. 18Belramsel ngain mirakip jiang an ripejui, a jet a mu rakip ning an lui kanlaijui. 19Meri ning a lung sunga adik ngaidon na a nei jui, 20aleihong suak le anmule, an jet le kan ruai a belramselngain Pathian ma hok na ha lha ansiarra an lui kan le jui.
Jisu Mingphuo
21Nikariat suale naiteha vuntan an che jui, hale a ming ha Jisu anti, hivahi thaneithiang ngain nai a hong chang madonna anluitisa ani.
Jisu biakinn na Antuong
22Mousi ning alui ri nuk jui a Josep le Meri annaihi man thiang na rang pha a hong tung han anmani ning an nai ha an tuanga Jerusalem ma Pathian madonna andojui. 23Pathian chong thianga alui kan jiak nuk jui a a rapatak a pasalnai rakip hi pathian jiang anpeklutrang ani. 24Anmani ning ram khunu anni animakle pharvali anni le ama an tuanga Pathian jiang kat ranga an che jui.
25Hava phat han Simon anti mi khat Jerusalem ma alui om, ama hi Pathian chitlejak neikhat ani; Israel ngaihi puma ning san ring thei na ranga aluingakchak Thavang Thiang ning a chunga alui om pui. 26A ma jiang Thavang a thiang ning alui ripe. 27Hale Simonhi athiangning aruaia biakinn inthianga an hong lut. Hongthiang alui kan jiak nuk jui a, Jisu hi Pathian innthianga an hong tuang karra. 28Semion ning Jisu ha a pomma Pathian a man pakjui. 29“Puma nang in naluiri nuk jui a na suak kei hi lunghip na na ma sua jui. 30Ajarko phungrakip madonna nang ning na lui hong var ani. 31Kamitkhet a sanringpa na na manmujui; 32pumako jatdangngai jarra varha ani, a mi Israelngai ranga lianpui nale mahok na ham ani.”
33Josep le Meri ning puma Jisu jiang antipe chong an jet karra an lui ngak jui; 34Semion ning anmani ha phual a pek Meri jiang a ti; “Hivahi Pathian ning a thang sa, Israelngai san ring ranga ani, hale Israelngai karra chulnarang, an khat om a khel la sang na rang, hale jot lui na rang tenna tetan na na ranga ani. 35Hale ama chemngai chemkolhan nan lung sunga sun nata, hale mitam ngaidon rakip hi an la hong kando rang ke.”
36Asher phunga a suak Phanuel a numeinai Anna anti Pathian chong leirikhat alui om, a mako in a nei tenna an phut a pasal hale kum sari jak anluipal; 37hale kumsom kariat le manli a tung khan na meithai alui chang; ama ning Biakinn sung jak a om ma bu nekluia, sun le jan na Pathian alui lam. 38Hava phat lai tak han Anna ning a hong lut Pathian alui manpak Jerusalem a ringkhir theina rang a ngak mirakip jiang puma a ruia alui ri.
Nazaret a Anvakanlena
39Josep le Meri ning Pathian jiang tho rang suak chuan rakip an tor le anmani khopui, Galili sunga a om Nazaret hin anhongkirjui.
Jerusalem biak inna nai pang Jisu
40Hingahin naipangha a hong lian na, chingna varna a tam alui nei, Pathian tenna an phut tangbunga thei nale lungsiat na ha ama chunga alui om jui.
Naipang Jisu biakinn Sunga
41Akum racham Josep le Meri Jerusalem ma puma jan bukhengban ranga an lui che. 42Han Jisu a kum somleini a hong tung pha han ama hi om antuangde. 43Hingahin Janbu khengban an tor pha han, inna an hong kir, tak-ha Jisu ning a nu le a pa manjet lui a ama ning Jerusalemhin alui om jui. 44Anmani karra a kan chel tia hingahin an hong kir jui, han an karra an en pha a maha lui mu lai ma u. 45Hiva jarra Jerusalemhin an hong kirra anluitokjui, tak-ha mu lai ma u. 46Nithum suale Jisu hi Jerusalem inn thiang sunga ojangai thiampu karra chong an lui kan biak chong ading kel lai tak han anluimujui. 47Han Jisu achongri thei nale achongsang theinangai ha a jet ngai ning pum ngak a an lui ngak jui. 48Hale Josep le Meri ning Jisu ha an mu karra an ning a donga a nu ning a ti, “Ka nai ija mo hinghin kan ning na man dong? Napale kei ning kan ning adong reija nang kan na hongtok ani.”
49Jisu ning anmani ha a hong sang, “Ijarra mo nan ning a donga nan na tok? Kei ko ka pa inn na ka om rangke tihi nang in jet ma che u mo?” 50Jisu ning a sang chong ha a nu le a pan luijettorlai ma u.
51Hinga hin Jisu ning a nu a pa le an honga vei khat Nazaret an hong kirretjui. Tak-ha Meri ning a lung sunga ama ning a ri chong ngaiha a ngaidon theng pet jui. 52Hingahin Jisu ning chingna le, theina taksa lian na a hong nei a Pathian le mingai ning ama jiang jotna an hong nei jui.
Currently Selected:
LUK 2: AIMOLBSI
Highlight
Share
Copy
Want to have your highlights saved across all your devices? Sign up or sign in
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.
