A’NPHUTNA 22
22
Isaac Tōksōtna sik Pathen Ṭongpek
1 #
He 11.17-19
Pha ṭhahrep khat sōa Pathen in Abraham kha enmansinna aleineia, “Abraham” tia abek. Abraham in amasôn, “Hôi, hin ka-om eng.”
2Pathen in, “Inkhat rōk nanei, na-lungset tak nasapa Isaac kha ṭhōi ina Moriah ram a se ruh. Tlâng inkhat kamanhmu sik che, ama kha ro-in-thoina tlo inna kahnenga heitōk roh,” ati.#2 Th 3.1
3Ajînga jîngkâr hmatak Abraham kathōia thing ṭhahrep atan a sha-kōrtung chunga aleimanrôna Isaac leh asōk 2 aleiṭhōi jo hei. Anmani Pathen in aleihri pekna hmun kajōna leikase hei. 4Ni 3 tluk ning ahmun kha kahlatak a inphut Abraham in aleihmu. 5Khava pha ama’n asōk-hei hneng ahri, “Shakōrtung leh hinahin leiom ruh. Naipangpa leh kei sona sōn kase sik unga kha kanva kamuk sik, khava sō leh nanhnenga hong inle sik ung.”
6Abraham in Isaac kha inthoina sik thing alei manchoi khana ama’n hmei mansûkna sik hmeira-ê kahring leh chem aleichoi. Khanga ansepum a 7Isaac in, “Apa!” tia abek.
“Hôi, sapa heimo?” tia ama’n ama sôn.
Isaac in ader, “Thing leh koila nanei chu kahmu, tâk ro-inthoina tlona sik kemōngte-e khon mo ka-om?”
8Abraham in amasôn, “Pathen in inkhat apek sik me.” Khana an-inhnia khanga leikase hei.
9Pathen in aman theina hmun anheitlung pha, Abraham in maichâm inkhat asyema khava chunga thing ada jo. Ama’n asapa akhōp a maichâm chunga thing adana chunga ada jo.#Jam 2.21 10Khava sōa that rong tia chem kha akalâng jo. 11Tâk-kha marvâna inphut Rōngpu ngeva’n ahei bek, “Abraham, Abraham!”
Ama’n, “Hôi, hin ka-om eng,” tia amasôn.
12Ama’n ati, “Naipangpa kha tônthei mak tin, heite tlothei mak tin. Tûnchu nang in Pathen nakaja, aṭong najui ti kamanhret jo; ajârchu nasapa inkhat rōk nanei kapha’m ahnenga maner mak che.”
13Abraham in asîr-apang a-en pha akahnungting kemōngche inkhat thingbura araki intok a ka-om ahmu jo. Abraham kasea kemōngche kha avasura asapa kahlanga ro-inthoina sik a atōk jo. 14Khava jâra Abraham in ahmun kha “Rōngpu’n apek”, (Jehova Jire) tia arahming aphō, khana tuning katlunga mihe’n “Rōngpu tlâng chunga ama’n apek,” anlatia kae.
15Vōihni tlukna Rōngpu ngeva’n marvâna inphut Abraham kha ajōng bek, 16“Hivahi Rōngpu ṭonghri kae, kei katak khet in a’ntep eng kae, khachu nang kalentak a vâng kapek sik che. Ajârchu, hivahi natlosōt jo khana nasapa inkhat rōk kha kahnenga pek sik maner mak che.#He 6.13,14 17Kei intep eng khachu nasōn-napâr chunga ârsi ja kapō khana tuipui panga nêrdi ja kapō kapek sik che. Nasōn-napâr he’n an-indōipui hei antator sik hei kae.#He 11.12 18Nang in kaṭong pek najui jâra, nasōn-napâr hei vâng kapek hei kapōa jât rakip he’num vâng chenna sik ander sik eng,” ati.#Ṭōn 3.25 19Abraham in asōk 2 hei hneng khan inlea anmani leh ama omna Beersheba ting kahongsap jo hei.
Nahor Sōn leh Pârhei
20Pha ṭhahrep sōa Abraham in anaipa Nahor kha anuhmei Milcah in sa 8 aneipek ti amanhret jo. 21Upapen in Uz, anaipa Buz, Aram apa Kemuel, 22Chesed, Hazo, Pildash, Jidlaph khana Rebecca pa 23Bethuel. Abraham naipa, Nahor kha Milcah’n sapa 8 aneipek hei. 24Nahor nuhmei manbonu, Reuma sahei kha Teba, Gaham, Tahash leh Maacah hei kae.
Currently Selected:
A’NPHUTNA 22: KOMRBSI
Highlight
Share
Copy
Want to have your highlights saved across all your devices? Sign up or sign in
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.
