A’NPHUTNA 23
23
Sarah Kathia Abraham in Thlân hmun Arachôk
1Sarah kum 127 katlung kahring. 2Ama Canaan ram a Hebron khōa kathi, khana Abraham in aralum ade.
3Ama’n anuhmei kalōng jena hmun kha adahlona Hit-hei hneng kasea avahri, 4“Kei hinahin nankâra khōhme inkhat a ka-om eng; kanuhmei hrena sik ram ahlek kahnenga ajōrpek ruh.”#He 11.9,13; Ṭōn 7.16
5Anmani’n anmasôn, “Apu, kan-ṭong rangei roh, keini’n nang hi hlamkakei ratha kaneitak inkhat a kanhmu che. 6Thlân kaṭhapen kantanei inkhat a nanuhmei kha hre roh. Amanu hrena sik thlân kanpek hnōm et sik che.”
7Khava pha Abraham, anhmai kunga inkuna 8ahri, “Nangni’n hinahin kanuhmei hi hre sik nanhnōm inchu, Zohar sapa Ephron kha aderpek ruh, 9ahleihmor leh inhnai Machpelah hlungkōk kha kei hneng ajōrna sik a.”
10Khōpui kot kunga intûpna hmun a khan Ephron khet um alak Hit-hei leh le’n ong hei; ama’n a’n-ong hei seng tatheia, aleimasôn, 11“Apu, rangei roh! Kahlei akhenga leh ashunga hlungkōk kha kapek sik che. Ke’n hinna kamihei hmaikunga hin, nanuhmei nahre theina sik, sova so kapek sik che.”
12Tâk-kha Abraham in Hithei hmaikunga inkuna, 13khana an-khenga tathei sik a Ephron hneng ahri, “Lungset a arangei pek ruh tia kangek chei, ahlei akhenga rachôk rong. Aman kapek hi alopek ruh, khana ke’n kanuhmei sona son hre jo rong.”
14Ephron in amasôn, 15“Apu, ram man chu dangka 400 rōk kae. Eini kâra khava khachu heite changmak? Nanuhmei kha khan vahre roh.” 16Mihei tatheia Ephron ṭonghri kapōhrep a Abraham in kahnōma dangka 400 kha invei katlohei tena dungjuia aleipek jo.
17Khang’khan Ephron karōi Mamre nisōtinga Machpelah kha Abraham ta leikachang jo. Ahlei, ashunga hlungkōk leh hlei hnōmkea thingkunghei inveisapet heia kae. 18Khana an-intûp ninga aka-om Hit-hei seng in Abraham ta kachang jo tia anmanhret pet jo.
19Khava sōa Abraham in anuhmei Sarah kha Canaan ram a khura khan ahre joa kae. 20Khava jâra khan Hit-hei hlei kha leh hlungkōk kha thlân hmun sik a Abraham ta kachang jo.
Currently Selected:
A’NPHUTNA 23: KOMRBSI
Highlight
Share
Copy
Want to have your highlights saved across all your devices? Sign up or sign in
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.
