LUKE 3

Yui luppi John'ne Lhangai Pao-laa Shunthutpi

(Mt 3.1-12; Mk 1.1-8; Jn 1.19-28)

1 # Lk 23.1; 9.7; 13.31; 23.7. Tiberius Caesar'ne Rome rammei Krung hoibi kum chiple-phanga tlungeinung, Pontius Pilate'ne Judea rammei Krung hoikhou; heitoubi Herod'ne Galilee'yei Krung hoikhou; heirou aiyei naowa Philip'ne Iturae'le, Trachoniti rammei Krung hoikhou, heitoubi Lysaneas'ne Abilene rammei Krung hoibine leikhou; 2#Jn 18.13; Pao 4.6; Mt 26.3; Jn 11.49. heirou Annas'le, Caiaphas yakhuntane suipipu upa hoikhou. Heiyei kheenrouri Dunpuei tlou heiri Zechariah'yei chanapawa John'nung ramhangra leiyeinung shunpikur. 3#Isa 40.3-6; Lk 2.30. #Mt 3.1-10; Mk 1.1-5; Jn 1.6; Mt 7.19; Heb 6.7-8. Heisitounei ngamrou John'ne Jordan kungrui karhillei klei lhunglim namyerya karyoune karwaichabi, heirou ane lhangai paolaaya asitoubi shunthutpikur: “Nane naiyei borhrouei hollurbi, heirou nane ukning hungbi yui luplak, heisi toulanungri Dunpune naiyei borhya limmurpirou.” 4Isaiah Thimkhuiyei lailikra asitoubi mayekhoulei: “Thimi napung-khatne ramhangra atoubi ungraochane paolei: ‘Upawa'nungei nane lam marshiklak; Ane chananungei lamya maryengyerlak! 5Nimna phailhaiyei ram namyer thulbaanglaka, lhunglim namyerya nimyerlak. Heitoubi lam karkit namyerwaya maryengyerlaka, heirou lam karbilmak namyerya karbilyerlak.’ 6Heirouri tlaipang thimi namyerne Dunpuei ralthutpi heiya mupharou!” 7#Mt 12.34; 23.33. Heirouri thimi chungwane John'yei leinara yui lupyerrou wanarouri, ane yanungei loukyun, “frullei yu-charap nari, hune nanung hungrou kyou Dunpuei malungkhaei pichar bom heirouwei kartleiyalo toubi shunkhoupi leileiyo? 8#Jn 8.33,39. Heiyanungri nane lhou heiya toubine naiyei borh'rouwei holthutbi nai ukning hungurame toubine mutlakma. Heitoubi nane naitamtom Abrahamya naiyei patarme toubi yunkril leiyanungri, heirou Keine nanungei kyunri, Dunpune thlung rapyakhi khullouheibine heitoubi yaya Abrahamei chanaorap hoiyerkurkhi manerou! 9Heini asinungri heeng yrung doura yutatnanungei reikhi katlhangbine leiyura; heirou heenghei leraone heimak heengtrung rapri yutatdurbi heirou yaya meiwaira khinglhakurnanungei marshikbine leiyura.” 10Heisi tounarouri thimi rapne anungei loukngai, “Heiyanungri, kane kouya touserouwo?” 11#Lk 6.29. Heirou ane loumallangkur, “Hukhatne linglik khintam khoulanungri, khatri tekhi mak thiminung pirou da, heitoubi hukhatne murchak chungne leiyanungri, ane mideinungkhi khaipirou da.” 12#Lk 7.29. Heitoubi Ruithou thimirap thakhi aiyei leinara yui lupyerrou wanarou yane anungei kngai, “Upawa, kane kou touserouwo?” 13“Naiyei markumbom thuk khulrui heiwaya duine nane loupimakrou da,” toubi ane yanungei loushun. 14Heirou raallui thanekhi anung kngai, “Kari kousi touserou?” Heirou Ane yanung loumallang, “Nane thimi hukhatroueikhi nambine tuy loumak, nimanung thimi hukhatyakhi theibaangbine klal dayerpimak. Heitoubi nainaiyei churnei klahman phabi klei heiwane naiyei kro hoiyasu.” 15#Pao 13.25; Jn 1.19-22. Heisi tounarouri thimi rapne yaiyei ukningra bisokhi naimakne tamungkur, touri, John heiri Messiah hoikurako toubi ningchakur. 16#Mt 3.11-12; Mk 1.7-8; Jn 1.26-27,33; Pao 1.5; 11.16; 19.4. Heisi tounei ngamrou John'ne yanung kyun, “Keine nayari yuira luppila, heiya hoiyanungkhi keiya duiyei tang thimi khat keihilla hungeirouhui. Keinak awine Aiyei khorkhang ruiya sutpirouyakhi kallonamaklei. Ane naya Lhawai Khyingrale meira luppirou. 17Ane homthainanung Aihutra leikho shinbine leiyura, heirou Ane tsai yumak ker rapya namyer homthaibine, heirou tsai kyu gehu rapya marpeikhouna chapong rilla shungtlakrou; heitoubi tsai yaomak yui rapri Ane trimkur naimakne kaangbi klei meiwaira khinglhakrou.” 18Asitoubi John'ne lhangaiyei paoya limlimei lhoulamni yunthutpibine, thimi rapbei ukning hungyernanungei manrangkhou. 19Heiya John'ne Krung Herodya aiyei naowaei nu Herodiasya aiyei nu hoinanungei louwurnarou, heirou aiyei touwurkhou lhangaimak lhou rapbei ngamrou sempinarou; 20Herod'ne malungkhawurbi John'ya kulrilla manlhakbi khoukur.

Jesu'ya Yuiklup

(Mt 3.13-17; Mk 1.9-11)

21 # Lk 5.16; 6.12; 9.18,28; 11.1; Mk 1.35; Jn 1.29-34. Heirou thimi chungya yui luppikur hillouri, Jesukhi yui lupburla, heirouri Dunpu'nung shunchayeinung, Thangmun latdurla, 22#Laa 2.7; Isa 42.1; Lk 9.35; Pao 10.38; 2 Pt 1.17. Heirouri aidoura Lhawai Khyingei runghakne mathrunak yongchupi, heitoubi Thangmunrei hou khatne atoubi yukshun, “Nangri Keiyei malungshi'kna Chanapawa, heineri Keiri Neinung'tlim beimakne malung khrahwura.”

Jesuei Puirie-Parie

(Mt 1.1-17)

23 # Jn 8.57; Lk 1.27. #Kan 5.3-32; 11.10-26; Rut 4.18-22; 1 Ch 1.1-4,24-28; 2.1-15. Heirouri Jesu'ne Aiyei khul'lhou churyouweinung Ai'mshaei kum somthum tlungura. Heirou thimi rapne asitoubi ningchakhou touri, A heiri Josephbei chanapawa. Heitoubi Josephri Heli'yei chanapawa. 24Heliri Mathatyei chanapawa, Mathat'ri Levi'yei chanapawa, Levi'ri Melchi'yei chanapawa, Melchi'ri Janna-i'yei chanapawa, Janna-i'ri Josephbei chanapawa, 25Joseph'ri Mattathias'yei chanapawa, Mattathias'ri Amos'yei chanapawa, Amos'ri Nahumyei chanapawa, Nahumri Esli'yei chanapawa, Esli'ri Nagga-i'yei chanapawa, 26Nagga-i'ri Maath'yei chanapawa, Maath'ri Mattatias'yei chanapawa, Mattatias'ri Seme-in'yei chanapawa, Seme-in'ri Josech'yei chanapawa, Josech'ri Joda'yei chanapawa, 27Joda'ri Jo-anan'yei chanapawa, Jo-anan'ri Rhesa'yei chanapawa, Rhesa'ri Zerubbabel'yei chanapawa, Zerubbabel'ri She-alti-el'yei chanapawa, She-alti-el'ri Neri'yei chanapawa, 28Neri'ri Melchi'yei chanapawa, Melchi'ri Addi'yei chanapawa, Addi'ri Cosam'yei chanapawa, Cosamri Elmadam'yei chanapawa, Elmadam'ri Er'yei chanapawa, 29Er'ri Joshua'yei chanapawa, Joshua'ri Eliezer'yei chanapawa, Eliezer'ri Jorim'yei chanapawa, Jorim'ri Mathat'yei chanapawa, Mathat'ri Levi'yei chanapawa, 30Levi'ri Simeon'yei chanapawa, Simeon'ri Judah'yei chanapawa, Judah'ri Josephbei chanapawa, Joseph'ri Janam'yei chanapawa, Janamri Eliakim'yei chanapawa, 31Eliakimri Mele-a'yei chanapawa, Mele-a'ri Menna'yei chanapawa, Menna'ri Mattatha'yei chanapawa, Mattatha'ri Nathan'yei chanapawa, Nathan'ri David'yei chanapawa, 32David'ri Jesse'yei chanapawa, Jesse'ri Obed'yei chanapawa, Obed'ri Boaz'yei chanapawa, Boaz'ri Salmon'yei chanapawa, Salmon'ri Nashon'yei chanapawa, 33Nashon'ri Amminadabei chanapawa, Amminadab'ri Admin'yei chanapawa, Admin'ri Arni'yei chanapawa, Arni'ri Hezron'yei chanapawa, Hezron'ri Perez'yei chanapawa, Perez'ri Judah'yei chanapawa, 34Judah'ri Jacobei chanapawa, Jacob'ri Isaac'yei chanapawa, Isaac'ri Abrahamei chanapawa, Abrahamri Terah'yei chanapawa, Terah'ri Nahor'yei chanapawa, 35Nahor'ri Serug'yei chanapawa, Serug'ri Reu'yei chanapawa, Reu'ri Peleg'yei chanapawa, Peleg'ri Eber'yei chanapawa, Eber'ri Shelayei chanapawa, 36Shela'ri Cainan'yei chanapawa, Cainan'ri Arphaxad'yei chanapawa, Arphaxad'ri Shem'yei chanapawa, Shem'ri Noah'yei chanapawa, Noah'ri Lamech'yei chanapawa, 37Lamech'ri Methusela'yei chanapawa, Methusela'ri Enoch'yei chanapawa, Enoch'ri Jared'yei chanapawa, Jared'ri Mahalalel'yei chanapawa, Mahalalel'ri Cainan'yei chanapawa, 38Cainan'ri Enosh'yei chanapawa, Enosh'ri Seth'yei chanapawa, Seth'ri Adam'yei chanapawa, Adam'ri Dunpuei chanapawa.

Currently Selected:

LUKE 3: MARIBSI

Highlight

Copy