Lizsij dih Gaihcij 16
16
Yaqgyaz caeuq daeglwg de Hijsizmajliq
1Mehyah Yaqbwzlanz Sajlaiz mij seng saek boux lwg hawj de. Sajlaiz miz dahhoiq he heuh Yaqgyaz, dwg Ngaihgiz vunz he. 2Miz baez he, Sajlaiz doiq Yaqbwzlanz naeuz: “Giqyienz Yehhozvaz mij hawj gou miz lwg, hawj gou maen vwz, gou couh gouz mwngz caeuq dahhoiq gou ninz bax! Saekseiz de lij ndaej seng lwg hawj gou haem.” Yiengq Yaqbwzlanz caemh dungziq gij cawjeiq mehyah de. 3Gajlaeng Sajlaiz couh hawj dahhoiq de hawj Yaqbwzlanz guh yahnoix. (Mwhmwnq Yaqbwzlanz gaenq youq dieg Gyahnamz youq baenx cib bi lo). 4Couh yienghneix, Yaqbwzlanz couh caeuq Yaqgyaz ninz; ninz le, Yaqgyaz couh mizndang lo. Yiengq de rox bonjfaenh de mizndang le, couh yawj mbouj hwnj meh cawjranz de.
5Sajlaiz raen yienghneix le, couh ienq Yaqbwzlanz aeu, naeuz: “Mwngz huh, dwg mwngz mbouj deng; dahhoiq neix cij yawj mbouj hwnj gou. Gou hawj de hawj mwngz guh yahnoix; de rox bonjfaenh de mizndang le, couh yawj mbouj hwnj gou. Gou muengh Yehhozvaz daeuj buenq gij saeh neix, dwg mwngz deng haj cixnaeuz dwg gou deng.”
6Gajlaeng, Yaqbwzlanz han de naeuz: “Dahhoiq dwg dahhoiq mwngz, youz mwngz guenj; mwngz haenj baenzlawz guenj couh baenzlawz guenj, caih mwngz aiq.” Couh vih yienghneix, Sajlaiz couh gaihcij doiq de mbouj ndei, yawj de ngawz, yiengq Yaqgyaz caemh vih yienghneix hwj deuz okbae lo.
7Gajlaeng Yehhozvaz de yienh ok luj bouxcai#16:7 Dineix dih ‘bouxcai’ dwg Cangqdiq cauh okdaeuj hih hoenzsaenz, dwg bouxhoiq Cangqdiq. Gyoengqde caemh dawz gij vah Cangqdiq cenz naeuz vunz ni. bonjfaenh de hwj bae yawj Yaqgyaz. Yiengq de youq rogndoi henz aen mboq diuz roen bae Cuh'wj he raen Yaqgyaz. 8Raen le, cam de naeuz: “Yaqgyaz, dahhoiq Sajlaiz, mwngz daj mwnqlaw daeuj lah? Ij bae mwnqlaw lah?”
Yaqgyaz han naeuz: “Gou dajlaeng mehcawj gou mwnq deuz okdaeuj lah.”
9Gajlaeng bouxcai neix doiq de naeuz: “Mwngz ij doiqyungz maj laeng mehcawj mwngz mwnq bae, ij fug de guenj cij ndaej.” 10Bouxcai neix caiq doiq de naeuz: “Gou caemh ij hawj doengh daih gajlaeng mwngz fat lailai hwj hanz geq cungj geq mbouj rox liux bae.”
11Bouxcai neix vanzlij caiq naeuz: “Hawjm'z yawj lux, mwngz seizneix gaenq mizndang lo; baezneix mwngz gaengjdingq seng miz daeglwg he. Mwngz ij an coh hawj de heuh Hijsizmajliq,#16:11 ‘Hijsizmajliq’ dwg ‘Cangqdiq dingqri’ dih iqswh. aenvih Yehhozvaz gaenq dingqri mwngz danq gij haemzhoj mwngz lo. 12Daeglwg mwngz, baezneix gij singqheiq de mbouj ndei; de caeuq vunz mbouj doxhuz, vunz caemh caeuq de mbouj huz. De caeuq gij beixnuengx de mbouj doxndei, gag youq mwnq he youq.”
13Yaqgyaz dingq daengz doenghgij vah neix le, couh doeksaet hwj naeuz: “Ox! Gou youq dineix ndaej cingqcaen raen baixlaeng boux yawj caeuq cauqguq gou hih Cangqdiq!” Gajlaeng de cungj dwg heuh Yehhozvaz heuh guh ‘yawj caeuq cauqguq gou dih Cangqdiq.’ 14Couh vih yienghneix, gij vunz couh heuh aen cingj neix heuh Biqwj-Lahhaijlaiz. (‘Biqwj-Lahhaijlaiz’ dwg ‘yawj caeuq cauqguq gou dih seiqseiz lix dih Cangqdiq dih cingj’ dih iqswh.) Aen cingj neix seizneix cungj lij miz; dwg youq Gyahdihswh caeuq Bahlez hih cungqgyan de.
15Gajlaeng Yaqgyaz seng daeglwg he hawj Yaqbwzlanz. Yaqbwzlanz couh an coh hawj daeglwg neix heuh Hijsizmajliq. 16Yaqgyaz seng daeglwg neix hih mwhde, Yaqbwzlanz ndaej betcib roek bi.
Currently Selected:
Lizsij dih Gaihcij 16: YBNT
Highlight
Share
Copy
Want to have your highlights saved across all your devices? Sign up or sign in
© New Bridge Publishing Company Limited
