Genes 14
14
CHAB. XIV.
1HOGEN c’hoarvezoud a reaz, en amzer Amra-phel roue Shinear, Arjoc, roue Ellasar, Kedor-Laomer, roue Elam, ha Tideal roue ar boblou a-ziaveaz,
2ma rejont brezel da Vera, roue Sodom, da Virsha, roue Gomorrh, da Shineab, roue Adma, da Shemeber, roue Tseboim, ha da roue Bela, lez-hanvet Tsoar.
3An holl rouane-man en em zastumaz e trao-nien Siddim, pehini eo ar mor zall.
4Epad daouzec vloaz e oant bet dindan Kedor-Laomer; mes d’an drizecved bloavez e savchont a-enep d’ezhan.
5Ha d’ar bevarzec bloavez, Kedor-Laomer, hag ar rouane a oa ganthan, a zeuaz hag a drec’haz ar Rephaimed en Ashteroth-Karnaim, ar Zuzi-med en Ham, an Emined, e plenen Kirjathaim,
6hag an Horianed en ho menez Seir, beteg El-Paran a zo tostoc’h d’an desert.
7Neuze e tistrojont, hag e teujont da Feunteun-ar-Varn, a zo Kades he hano, hag e lakjont holl vro an Amelecited hag ive an Amoreaned a oa o chom en Hatsatson-Thamar, da blega dezhe.
8Neuze roue Sodom, roue Gomorrh, roue Adma, roue Tseboim, ha roue Bela, lez-hanvet Tsoar, a zeuaz, hag a renkaz ho zoudarded e traonien Siddim,
9evit ober brezel da Gedor-Laomer, roue Elam, da Dideal, roue ar boblou a-ziaveaz ha da Arjoc, roue Ellasar; pevar roue a-enep pemp.
10Hogen, e traonien Siddim e oa kalz a bunsou bitum. Ha roue Sodom hag hini Gomorrh, a trei-kein hag o tec’het kuit, a gwezaz enhe; hag ar re a hellaz achap kuit a dec’haz var ar menez.
11Ar pevar roue a gassaz neuze holl pinvidi-gezou Sodom ha Gomorrh ganthe, koulz hag ar bevans a oa er cheariou-ze, hag en em dennaz kuit.
12Kas a rejont ive ganthe Lot, mab da vreur Abram, a oa o chom e Sodom, hag he holl vadou, hag ez ejont kuit.
13Hag eun den euz ar re ho doa tec’het knit a zeuaz hag a zigassaz kelou euz a gement-se da Abram, an Hebread. Hogen he-man a oa o chom e-tal gwez dero Mamre, an Amorean, breur da Eshcol ha breur da Aner, pere ho doa great eun emgleo gant Abram.
14Ha p’hen doe Abram gouezet e oa bet great he vreur prizonier, e roaz armou da dri-c’hant-tri-ouec’h euz he zervicherien, holl ganet en he di, hag ez eaz varlerc’h ar rouane-ze beteg Dan.
15Hag o veza great diou vanden euz he zou-darded e saillaz var an enebourien, epad an noz, gant he zervicherien; hag ho zrec hi hag ho foursu a reaz beteg Hoba, a zo a-gleiz da Zamas.
16Digas a reaz en-dro ganthan an holl binvidi-gezou ho doa preizet, hag ive Lot he vreur, he vadou, ar groagez hag ar bobl.
17Hag o tistrei d’ar gear, goude beza peur-achuet gant Kedor-Laomer ha gant ar rouane all a oa ganthan e traonien ar Blenen, galvet ive traonien ar Roue; e kavaz roue Sodom deuet d’he ziarben.
18Ha Melchizedec, roue Salem, a lakeaz digas bara ha gwin. Hogen Melehizeelec a oa belec an Doue Holl-C’halloudec.
19Hag e vennigaz Abram, hag e lavaraz: Ra vezo benniget Abram gant an Doue Holl-C’hal-loudec, crouer an env hag an douar!
20Ha ra vezo benniget an Doue Holl-C’halloudec hen deuz lakeet da enebourien da gweza etre da zaouarn! Hag Abram a roaz dezhan an deog euz a bep tra.
21Ha roue Sodom a lavaraz da Abram: Ro d’in-me an dud, ha dalc’h ar pinvidigezou evidoud.
22Hag Abram a lavaraz da roue Sodom: Sevel a ran va dorn dirag an Aotrou, an Doue Holl-C’halloudec, crouer an env hag an douar,
23penaos na gemerin ket zoken eun neuden pe eul lac-boutou, netra euz a gement a zo d’id, evit na lavari ket: Me em euz pinvidikeet Abram.
24 Na gemerin netra evid’oun va-unan! nemed ar pez ho deuz debret va zud yaouank, ha loden ar oazed a zo bet deuet ganen, Aner, Eshcol ha Mamre: ar re-man a hell kemeret ho lod.
Currently Selected:
Genes 14: JEN1897
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society in 1897 and reprinted in 1935.
