Genes 15
15
CHAB. XV.
1GOUDE an traou-ze, an Aotrou a gomzaz da Abram en eun hunvre, hag a lavaraz: N’az pe ket a aoun, Abram, me eo da zifen ha da recompans braz meurbed.
2Hag Abram a respontaz: Aotrou Doue, petra a roi-te d’in-me? Emaoun o vond kuit euz ar bed-man heb bugale, hag an hini hen deo va zi var va lerc’h eo Eliezer euz kear Damas.
3Hag Abram a lavaraz: Pa n’ec’h euz ket roet a vugale d’in, setu ma vezo heritour d’in eur servicher ganet em zi.
4Ila setu ma teuaz ger an Aotrou beteg enhan, en eur lavaret: N’eo ket hennes a vezo da heritour; mes an hini a deui ac’hanoud, hennes eo a vezo da heritour.
5Hag o veza he zigasset er meaz, e lavaraz d’ezhan: Sell etrezeg an env, ha count ar stered, mar gellez ober; da vugale var an douar a vezo ker stank hag ar stered-se.
6Hag Abram a gredaz d’an Aotrou, hag an Aotrou a gountaz kernent-se d’ezhan evel justis.
7Hag e lavaraz d’ezhan: Me eo an Aotrou, an hini hen deuz ta dennet kuit euz a Ur, kear ar Galdeaned, evit rei d’id ar vro-man, da viret.
8Hag Abram a respontaz: Aotrou Doue, penaos ec’h anavezin-me e vezo eun deiz da zond ar vro-man d’in?
9Hag an Aotrou a lavaraz: Kemer d’in, eme-z’hi, eun ounner a dri bloaz, eur c’havr a dri bloaz, eur maout a dri bloaz, eun durzunel, hag eur goulmic yaouank.
10 Abram a gemeraz al loened-ze holl, ho zroc’haz e daou-hanter hag a lakeaz peb hanter var eün d’egile; mes ne droc’haz ket al lapoused e daou hanter.
11Hag al lapoused gwez en em daolaz var ar c’horfou maro-ze; mes Abram ho c’hassaz kuit.
12Ha pa oa an heol o vond da guzet, ar c’hoant kousket a grogaz en Abram, ha setu ma oe spountet, ha ma kwezaz var-n’ezhan eun deva-lijen vraz.
13Hag an Aotrou a lavaraz da Abram: Dalc’h sonj mad e vezo da lignez estranjour en eur vro ha na vezo ket d’ezhi, hag e vezo e servich tud ar vro-ze, pere a wasko da lignez e-pad pevar-c’hant vloaz.
14Koulscoude me ive a varno ar bobl-ze dindan pehini e tle da lignez servicha; ha goude-ze ez aint ac’hane gant pinvidigezou braz.
15Mes, te a ielo e peoc’h da gavoud da dud koz, o vervel en eur gozni eurus.
16Ha d’ar bevare lignez e tistroint aman; rag evit c’hoas n’eo ket bar ar muzul euz a fallagriez an Amoreaned.
17Ha pa oe kuzet an heol, e savaz eun devalijen vraz; hag e oe gwelet eur forn vogedus, hag eur flamijen dan o tremen e-kreiz etre al loened daou hantered.
18Hag en dervez-ze an Aotrou a reaz alians gant Abram, en eur lavaret: Me a ro ar vro-man d’az lignez adaleg ster an Egypt beteg ar ster vraz, ster an Euphrat;
19rei a ran d’id bro ar C’henianed, ar C’hadmo-nianed, an Hetianed,
20ar Pherezianed, ar Raphaimed,
21an Amoreaned, ar Gananeed, ar Guirgasaned hag ar Jebusianed.
Currently Selected:
Genes 15: JEN1897
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society in 1897 and reprinted in 1935.
