Genes 16
16
CHAB. XVI.
1HOGEN, Saraï, greg Abram n’he doa roet bugel e-bed d’ezhan; hag he doa eur vatez Egyptianes hanvet Agar.
2Ha Saraï a lavaraz da Abram: Gwelet a ran ne fell ket d’an Aotrou em be bugale; deuz-ta, me az ped, kemer va matez; marteze em bezo bugale anezhi. Hag Abram a zentaz ouz mouez Saraï.
3Ha Saraï, greg Abram, a gemeraz he matez Agar, an Egyptianes, hag a roaz anezhi da c’hreg da Abram, he fried, deg vloaz goude ma oa eat da chom da vro Canaan.
4Dond a reaz eta da gavoud Agar, hag hou-man en em gavaz brazez. Hag Agar pa velaz e oa en em gavet brazez, a reaz disprij var he mestrez.
5Neuze Saraï a lavaraz da Abram: An dis-megans a zo great d’in, a gwez var-n’oud. Lakeet em euz va zervicherez, etre da zi-vreac’h; ha breman, pa vel eo deuet da veza brazez, e ra disprij var-n’oun. Ra varno an Aotrou etre me ba te.
6Hag Abram a respontaz da Saraï: Da vatez a zo etre da zaouarn, gra d’ezhi evel ma plijo ganez. Ha Saraï a wall-dretaz anezhi, hag Agar a dec’haz kuit diouthi.
7Mes eal an Aotrou a gavaz anezhi e-kichen eur feunteun en dezert, e-kichen ar vammen dour a zo var hent Shur.
8Hag an eal a lavaraz d’ezhi: Agar, matez Saraï, a beleac’h e teuez-te? ha da beleac’h emaoud o vond? Hag hi a respontaz: Tec’het a ran deuz Saraï, va raestrez.
9Hag eal an Aotrou a lavaraz d’ezhi: Distro da gavoud da vestrez ha pleg dezhi.
10Hag eal an Aotrou a lavaraz d’ezhi: Me a gresko kement an niver euz an dud a deuio ac’hanoud ma n’hello den ho c’hounta.
11Hag eal an Aotrou a lavaraz d’ezhi: Setu te deuet da veza dougerez; hag e pezo eur mab, hag e roi d’ezhan an hano a Ismael (Doue a glev); rag an Aotrou hen deuz selaouet ac’hanoud pa oaz en dristidigez.
12Ar mab-se a vezo evel eun azen gwez; he zorn a vezo savet a-enep an holl, ha dorn an holl a vezo savet en he enep; sevel a rai dispont he danten dirag hini he holl vreudeur.
13Hag Agar a c’halvaz gant an hano-man hano an Aotrou hen doa komzet outhi, Atta-el-roi (te a zo eun Doue hag a vel). Rag, eme-z’hi, ha n’em euz-me ket gwelet aman an hini a vele ac’hanoun?
14Rag-se ar punz-ze a oe galvet punz Lachai-Roi (punz an hini a vel ac’hanoun). Ar punz-ze a zo etre Kades ha Bered.
15Hag Agar a c’hanaz eur mab da Abram. Hag Abram a roaz d’he vab, hen doa bet euz Agar, an hano a Ismael.
16Hogen Abram a oa oajet a c’houec’h vloaz ha pevar-ugent, pa c’hanaz Agar eur mab d’ezhan.
Currently Selected:
Genes 16: JEN1897
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society in 1897 and reprinted in 1935.
