JOHN 17
17
1Cu bia cu Jesuh nih a chim i vanlei zoh in, “Ka Pa, a cân a phân cang. Na Fapa hi thangṭhat ko. Fapa zong nih an thangṭhat khawh nâkhnga. 2Mi vialte cung i nawlngeihnâk na pêk bangin, Anih zong nih na pêkmi vialte zungzal nunnâk a pek khawh hna nâkhnga. 3Hihi zungzal nunnâk a si, nang Pathian taktak hngalh le, na thlahmi Jesuh Krih hngalh hi. 4Vawlei ah kan thangṭhat cang. uan awkah naka pêkmi rian zong ka lîm cang. 5Maw, ka Pa, vawlei umhlan in na sinah sunparnâk ka ngeihmi khan, atu ah Nangmah he ka sunparter hrâm ko. 6Vawlei in naka pêkmi hna sinah na min cu ka phuan cang. Annih cu nata an si, ka sinah naka pêk i annih nih na bia an i nunpi. 7Naka pêkmi thil vialte hi na sinin a chuakmi a si tiah, atu cu an hngalh cang. 8Zeitintiah naka pêkmi bia kha an sinah ka pêk cang; cucu an i nunpi i na sinin a chuakmi ka si hi fiang tein an hngalh cang, Nangnih naka thlah ti zong an zumh cang. 9An caah thla ka cam, vawlei caah ka cam lo, naka pêkmi hna caah a si, nata an si. 10Kata vialte nata an si i nata zong kata an si, anmah ah thangṭhat in ka um. 11Atu cu vawlei ah ka um ti lai lo, annih cu vawlei i ummi an si. Na sinah kara lai. A thiangmi ka Pa, naka pêkmi hna hi na min in kilveng ko hna, kannih pumkhat kan si bantukin pumkhat an si khawh nâkhnga. 12Vawlei i an sin ka um lio ah khan na min in ka kilven hna, an lakah lotlau fapa dah ti lo cu pakhat hmanh an tlau lo; cu zong cu cathiang a tlin nâkhnga caah a si. 13Atu na sinah ka ra cang lai. Kâ lomhnâk hi anmah ah a tlin khawh nâkhnga, hihi vawlei ah ka chimmi a si. 14Na bia cu an sinah ka pêk cang; keicu vawlei mi ka si lo bantukin annih zong vawlei mi an si lo caah vawlei nih a huat hna. 15Vawlei in nalâk awkah kan nawl lo, mi ṭhalo pa chungin na kilven hna awkah kan nawl. 16Vawlei mi ka si lo bantukin annih zong vawlei mi an si lo. 17Annih cu Biatak in thianter hna. Na bia cu biatak a si. 18Vawlei ah naka thlah bantukin annih zong vawlei ah ka thlah hna. 19Anmah ruangah kâ thianter tawn, annih zong biatak in thianter an si khawh nâkhnga. 20Anca lawng ah thla ka cam lo, an bia ruang i aka zum hngami hna ca zongah ka cam, 21an dihlak in pumkhat an si khawh nâkhnga. Ka Pa, Nang keimah ah, kei Nangmah ah ka um bantukin an dih lak in Kanmah ah pumkhat i an um khawh nâkhnga, cun vawlei nih Nangmah nih naka thlah ti a zumh khawh nâkhnga. 22Sunparnâk naka pêkmi kha, an sinah ka pêk cang, kannih pumkhat kan si bangin annih zong pumkhat an si khawh nâkhnga. 23Kei an sinah, Nang keimah ah, annih pumkhat an si i an tlamtlin khawh nâkhnga, Nangmah nih naka thlah ti le, naka dawt bangin annih zong na dawt hna ti hi vawlei nih an hngalh khawh nâkhnga. 24Kapa, naka pêkmi hna hi ka umnâk i ka sinah umter ka duh hna, naka pêkmi sunparnâk kha an hmuh khawh nâkhnga. Vawlei umhlan hmanh in Nangmah nih naka dawt cang. 25Maw, a dingmi ka Pa, vawlei nih an hngal lo i keinih cun kan hngalh, hi hna zong nih naka thlah tihi an hngalh ve cang. 26An sinah na min ka hngalhter cang, ka hngalhter ṭhân ko lai. Naka dawtnâk bantuk dawtnâk kha anmah i a um khawh nâkhnga, kei zong anmah i ka um khawh nâkhnga,” tiah a ti.
Currently Selected:
JOHN 17: HAKABSI
Highlight
Share
Copy
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
