JOHAN 11
11
Lazaras Sihna
1Huan mi khat, Mari leh asanggam Martha omna Bethani khua ah, mi khat amin Lazaras kichi damlou in a-om hi. 2Asanggampa Lazaras damlou neinu hiai Mari ahihleh sathau gimnamtui Toupa nuh a, asam a akhete nulnu ahi. 3Asanggamnute'n Jesu kiang ah, “Ngai dih Toupa, na it achi ana,” chi in mi asawl uhi.
4Jesu'n huai azak in, “Hiai natna sihna ding zen ahi kei, Pathian thupina ding ahi zaw hi. Hiai ziak a Pathian Tapa hih thupi ahihtheihna ding in ahi,” achi hi.
5Martha, asanggamnu, Mari leh Lazaraste Jesu'n a-it hi. 6Ama'n china ahi chih azak in, a-omna ngei ah ni nih ataam lai hi. 7Huai khit in anungzuite kiang ah, “Judia gam ah i hoh nawn ding uh,” achi hi.
8Huan nungzuite'n akiang ah, “Rabbi, tuma zek in Judate'n suang a hon den atum ua; huchipi in huai ah na hoh nawn dia hia?” achi ua.
9Jesu'n, “Sun in dakkal sawm-le-nih a-om kei a hia? Mi sun a avakleh akisui ngei kei, hiai khovel vak amuh ziak in. 10Himahleh mi zan a avakleh akisui hi; amah a vak a-om louh ziak in,” chi in adawng hi. 11Huai thute agen khit in akiang uah, “I lawmpa Lazaras a-ihmuta; amah phawnghalh ding in ka hoh ding,” achi hi.
12Huchi in anungzuite'n akiang ah, “Toupa, a-ihmut takleh akhanglou nawn mai na ke,” achi uhi.
13Jesu'n asih thu gen ahi a; himahleh amau ihmu a atawldam thu gen hiam asa uhi. 14Huchi in Jesu'n chiangtak in akiang uah, “Lazaras si ahi, achi a, 15huai a ka om louh nou ziak in ka kipak ahi, na gintak theihna ding un; himahleh akiang ah i hoh ding uh,” achi hi.
16Thomas, Didum achih un, anungzuihpihte kiang ah, “Amah toh i sih samna ding un eite leng i hoh ding uh,” achi hi.
Jesu Thohnawnna Leh Hinna
17Huchi in Jesu atun in ni li han ah a-omta chih athei hi. 18Bethani khua ahihleh Jerusalem kiang a om ahi a, ching sawm-le-nga phial a gamla ahi. 19Huchi in asanggampa uh sihna tung a khamuan ding in Judate tampi Martha leh Mari kiang ah ahoh uhi.
20Jesu ahong dek chih Martha in azak phet in ava dawn a; Mari bel insung ah atu lailai hi. 21Martha in Jesu kiang ah, “Toupa, hiai a om hi lechin zaw, ka sanggampa si lou ding hi a. 22Tu'n ah leng Pathian kiang a na nget peuhmah Pathian in nang hon pe ding chih ka thei,” achi hi.
23Jesu'n akiang ah, “Na sanggampa athounawn ding,” achi hi.
24Martha in akiang ah, “Nitawp ni chiah, thohnawnna ah, athounawn ding chih ka thei,” achi hi.
25Jesu'n akiang ah, “Kei thohnawnna leh hinna ka hi; kuapeuh hon gingta si mahleh ahing gige ding. 26Ahing peuhmah a, ahon gingta peuhmah tangtawn in asi kei ding; huai thu na gingta hia?” achi hi.
27Ama'n akiang ah, “Gingta e, Toupa, Khrist, Pathian Tapa, khovel a hong pai dingpa na hi chih ka gingta hi,” achi hi.
Jesu Leh Sihna
28Huan huai thu agen khit in akuan a, asanggamnu Mari asim sap a, “Sinsakpa hiai ah a-om a, nang ahon samsak,” achi hi. 29Ama'n huai azaktak in, adingkhe pah a, akiang ah ava hoh hi. 30Khua ah Jesu alut nai kei a, Martha in ava dawn lai a a-omna ngei ah a-om lai hi. 31Huan insung a amah khamuan a ompih Judate'n Mari dingkhe pah a pawt amuhtak un, han a kap ding a hoh dek hi in teh, chi in azui uhi.
32Huan Jesu omna ah Mari ava tung a, amah amuhtak in, akhebul a bokkhup in akiang ah, “Toupa, hiai a om hi lechin zaw, ka sanggampa si lou ding hi a,” achi hi.
33Huan Jesu'n Mari kap leh ahon zui Judate kap amu a, alung akhoih mahmah a, kha in amau hi. 34Huan ama'n, “Amah koi a sial na hi ua?” achi hi. Amau akiang ah, “Toupa hong pai inla, hong en in,” achi uhi.
35Jesu akapta. 36Judate'n, “En dih uh, Lazaras it hi na tel e,” achi uhi.
37Himahleh khenkhat in, “Hiai mi, mittaw mit hihvakpa'n, hiai mi leng asi lousak thei kei a eita?” achi uhi.
Lazaras Kaihthohna
38Huan Jesu nakpi in amau nawn a, han atung hi. Huai han kokhuk, suang a sit ahi. 39Jesu'n, “Suang hemkhia un,” achi hi. Asipa sanggamnu Martha in akiang ah, “Toupa, tu'n zaw anamta ding, asihna ni li ahita,” achi hi.
40Jesu'n akiang ah, na gintakleh Pathian thupina na mu ding, ka hon chi kei a hia? achi hi. Huchi in suang ahemkhia uhi. 41Huchi in Jesu avandak a, “Pa ka thu na ngaihkhiak ziak in na tung ah ka kipak hi. 42Ka thu na ngaikhe zel chih ka thei; himahleh, mipi dinghte ziak in hiai ka chi ahi, nang na hon sawl chih agintak theihna ding un,” achi hi. 43Huan huchi a apau khit in aw ngaihtak in, “Lazaras, hong pawt in,” chi in akikou hi. 44Huan misi akhut akhe, han puan a tuamsa in ahong pawtta a, amai leng kinulna puan a tuam ahi. Jesu'n akiang uah, “Phel unla, paisak un,” achi hi.
Jesu Thah Sawmna
(Mat 6.1-5; Mar 14.1-2; Luk 22.1-2)
45Huchi in Mari kiang a hong pai Jesu thilhih mu, Judate akhen tampi in Jesu agingta uhi. 46Himahleh, akhen Pharisaite kiang ah ava hoh ua, akiang uah Jesu thilhihte ava hilh uhi. 47Huchi in siampu liante leh Pharisaite'n vaihawmte asamkhawm ua, “Bangchi in i hih ding ua? Hiai mi'n thillamdang tampi ahih ngal a, achi uhi. 48Hichibang a i khahzan un zaw mi tengteng in amah agingta ding ua; Rome mite hong pai in, i mun leh i namte ahong laksak tuak ding uh,” achi uhi.
49Huan alak ua mi khat Kaiapha, huai kum a siampu lianpen in akiang uah, “Nou bangmah thei kei uteh, 50i nam pumpi manthatlouhna ding in mi tengteng sik a mi khat sih, nou a ding in ahoih chih leng na ngaihtuah kei uh,” achi hi. 51Huai thu amah phuahtawm in agen kei, huai kum in siampu lianpen ahi a, anamte sik a Jesu asih ding genkhol ahi zaw hi. 52Huai namte sik kia ahi kei a, khovel a Pathian' ta dalhte tengteng apikhawmna ding in leng ahi sam hi.
53Huchi in huai ni a kipan amah thahna ding in akihou zel uhi. 54Huaiziak in Judate lak ah alangtang in Jesu avak nawnta kei a, huai a kipan gamdai zullam a khua khat Ephraim achih uah ava hohta hi; huai ah nungzuite toh a-om nilouh uhi.
55Huan Judate Paikan Ankuangluina anaita a, mi tampi kisiangsak ding in, gam a pat, Paikan Ankuanglui ma in, Jerusalem ah ahohtou uhi. 56Huchi in Jesu azong ua tempul ah dingh kawm in akihou ua, “Bang ahia na ngaihtuah uh? Ankuangluina ah ahong kei ding maw?” akichi uhi. 57Siampu liante leh Pharisaite'n amah amattheihna ding un kuapeuh in a-omna atheih uleh amaute theihsak ding thu apeta uhi.
Currently Selected:
JOHAN 11: PAITBSI
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
JOHAN 11
11
Lazaras Sihna
1Huan mi khat, Mari leh asanggam Martha omna Bethani khua ah, mi khat amin Lazaras kichi damlou in a-om hi. 2Asanggampa Lazaras damlou neinu hiai Mari ahihleh sathau gimnamtui Toupa nuh a, asam a akhete nulnu ahi. 3Asanggamnute'n Jesu kiang ah, “Ngai dih Toupa, na it achi ana,” chi in mi asawl uhi.
4Jesu'n huai azak in, “Hiai natna sihna ding zen ahi kei, Pathian thupina ding ahi zaw hi. Hiai ziak a Pathian Tapa hih thupi ahihtheihna ding in ahi,” achi hi.
5Martha, asanggamnu, Mari leh Lazaraste Jesu'n a-it hi. 6Ama'n china ahi chih azak in, a-omna ngei ah ni nih ataam lai hi. 7Huai khit in anungzuite kiang ah, “Judia gam ah i hoh nawn ding uh,” achi hi.
8Huan nungzuite'n akiang ah, “Rabbi, tuma zek in Judate'n suang a hon den atum ua; huchipi in huai ah na hoh nawn dia hia?” achi ua.
9Jesu'n, “Sun in dakkal sawm-le-nih a-om kei a hia? Mi sun a avakleh akisui ngei kei, hiai khovel vak amuh ziak in. 10Himahleh mi zan a avakleh akisui hi; amah a vak a-om louh ziak in,” chi in adawng hi. 11Huai thute agen khit in akiang uah, “I lawmpa Lazaras a-ihmuta; amah phawnghalh ding in ka hoh ding,” achi hi.
12Huchi in anungzuite'n akiang ah, “Toupa, a-ihmut takleh akhanglou nawn mai na ke,” achi uhi.
13Jesu'n asih thu gen ahi a; himahleh amau ihmu a atawldam thu gen hiam asa uhi. 14Huchi in Jesu'n chiangtak in akiang uah, “Lazaras si ahi, achi a, 15huai a ka om louh nou ziak in ka kipak ahi, na gintak theihna ding un; himahleh akiang ah i hoh ding uh,” achi hi.
16Thomas, Didum achih un, anungzuihpihte kiang ah, “Amah toh i sih samna ding un eite leng i hoh ding uh,” achi hi.
Jesu Thohnawnna Leh Hinna
17Huchi in Jesu atun in ni li han ah a-omta chih athei hi. 18Bethani khua ahihleh Jerusalem kiang a om ahi a, ching sawm-le-nga phial a gamla ahi. 19Huchi in asanggampa uh sihna tung a khamuan ding in Judate tampi Martha leh Mari kiang ah ahoh uhi.
20Jesu ahong dek chih Martha in azak phet in ava dawn a; Mari bel insung ah atu lailai hi. 21Martha in Jesu kiang ah, “Toupa, hiai a om hi lechin zaw, ka sanggampa si lou ding hi a. 22Tu'n ah leng Pathian kiang a na nget peuhmah Pathian in nang hon pe ding chih ka thei,” achi hi.
23Jesu'n akiang ah, “Na sanggampa athounawn ding,” achi hi.
24Martha in akiang ah, “Nitawp ni chiah, thohnawnna ah, athounawn ding chih ka thei,” achi hi.
25Jesu'n akiang ah, “Kei thohnawnna leh hinna ka hi; kuapeuh hon gingta si mahleh ahing gige ding. 26Ahing peuhmah a, ahon gingta peuhmah tangtawn in asi kei ding; huai thu na gingta hia?” achi hi.
27Ama'n akiang ah, “Gingta e, Toupa, Khrist, Pathian Tapa, khovel a hong pai dingpa na hi chih ka gingta hi,” achi hi.
Jesu Leh Sihna
28Huan huai thu agen khit in akuan a, asanggamnu Mari asim sap a, “Sinsakpa hiai ah a-om a, nang ahon samsak,” achi hi. 29Ama'n huai azaktak in, adingkhe pah a, akiang ah ava hoh hi. 30Khua ah Jesu alut nai kei a, Martha in ava dawn lai a a-omna ngei ah a-om lai hi. 31Huan insung a amah khamuan a ompih Judate'n Mari dingkhe pah a pawt amuhtak un, han a kap ding a hoh dek hi in teh, chi in azui uhi.
32Huan Jesu omna ah Mari ava tung a, amah amuhtak in, akhebul a bokkhup in akiang ah, “Toupa, hiai a om hi lechin zaw, ka sanggampa si lou ding hi a,” achi hi.
33Huan Jesu'n Mari kap leh ahon zui Judate kap amu a, alung akhoih mahmah a, kha in amau hi. 34Huan ama'n, “Amah koi a sial na hi ua?” achi hi. Amau akiang ah, “Toupa hong pai inla, hong en in,” achi uhi.
35Jesu akapta. 36Judate'n, “En dih uh, Lazaras it hi na tel e,” achi uhi.
37Himahleh khenkhat in, “Hiai mi, mittaw mit hihvakpa'n, hiai mi leng asi lousak thei kei a eita?” achi uhi.
Lazaras Kaihthohna
38Huan Jesu nakpi in amau nawn a, han atung hi. Huai han kokhuk, suang a sit ahi. 39Jesu'n, “Suang hemkhia un,” achi hi. Asipa sanggamnu Martha in akiang ah, “Toupa, tu'n zaw anamta ding, asihna ni li ahita,” achi hi.
40Jesu'n akiang ah, na gintakleh Pathian thupina na mu ding, ka hon chi kei a hia? achi hi. Huchi in suang ahemkhia uhi. 41Huchi in Jesu avandak a, “Pa ka thu na ngaihkhiak ziak in na tung ah ka kipak hi. 42Ka thu na ngaikhe zel chih ka thei; himahleh, mipi dinghte ziak in hiai ka chi ahi, nang na hon sawl chih agintak theihna ding un,” achi hi. 43Huan huchi a apau khit in aw ngaihtak in, “Lazaras, hong pawt in,” chi in akikou hi. 44Huan misi akhut akhe, han puan a tuamsa in ahong pawtta a, amai leng kinulna puan a tuam ahi. Jesu'n akiang uah, “Phel unla, paisak un,” achi hi.
Jesu Thah Sawmna
(Mat 6.1-5; Mar 14.1-2; Luk 22.1-2)
45Huchi in Mari kiang a hong pai Jesu thilhih mu, Judate akhen tampi in Jesu agingta uhi. 46Himahleh, akhen Pharisaite kiang ah ava hoh ua, akiang uah Jesu thilhihte ava hilh uhi. 47Huchi in siampu liante leh Pharisaite'n vaihawmte asamkhawm ua, “Bangchi in i hih ding ua? Hiai mi'n thillamdang tampi ahih ngal a, achi uhi. 48Hichibang a i khahzan un zaw mi tengteng in amah agingta ding ua; Rome mite hong pai in, i mun leh i namte ahong laksak tuak ding uh,” achi uhi.
49Huan alak ua mi khat Kaiapha, huai kum a siampu lianpen in akiang uah, “Nou bangmah thei kei uteh, 50i nam pumpi manthatlouhna ding in mi tengteng sik a mi khat sih, nou a ding in ahoih chih leng na ngaihtuah kei uh,” achi hi. 51Huai thu amah phuahtawm in agen kei, huai kum in siampu lianpen ahi a, anamte sik a Jesu asih ding genkhol ahi zaw hi. 52Huai namte sik kia ahi kei a, khovel a Pathian' ta dalhte tengteng apikhawmna ding in leng ahi sam hi.
53Huchi in huai ni a kipan amah thahna ding in akihou zel uhi. 54Huaiziak in Judate lak ah alangtang in Jesu avak nawnta kei a, huai a kipan gamdai zullam a khua khat Ephraim achih uah ava hohta hi; huai ah nungzuite toh a-om nilouh uhi.
55Huan Judate Paikan Ankuangluina anaita a, mi tampi kisiangsak ding in, gam a pat, Paikan Ankuanglui ma in, Jerusalem ah ahohtou uhi. 56Huchi in Jesu azong ua tempul ah dingh kawm in akihou ua, “Bang ahia na ngaihtuah uh? Ankuangluina ah ahong kei ding maw?” akichi uhi. 57Siampu liante leh Pharisaite'n amah amattheihna ding un kuapeuh in a-omna atheih uleh amaute theihsak ding thu apeta uhi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.