KUITIR 12
12
Ansinsakna Anson
1Hava lai tak han Herod reng kuibing tak chunga pengsom a tho ranga a kut ei a lek, 2aman khendai le Johon a parual Jakob ha ei that. 3Hiva sik hin Juda ngai a rai ei san u a muna Pitor um ei sur ret, hava ha Chol anchel lui Vaipol Panta ei ni. 4Aman Pitor ha asura lungina ava siak. Hanke ama arunga mi manli lin lopa manli sipai kom apek, ei mandon chu Zokna Panta ansuale ama ha mi ngai bila hong tuanga ei hong masuak ranga. #Ant 12.1-27 5Hantin han Pitor lungina ei ankhum. Tenchu kuibingin ama ruia Pathian kom munkhata bor ei zong u.
Jakob Anthat Pitor Azok
6Nuka Herodin ama ha ei masuakna rang nikhua man zana sipai anni kong kar taka zingzir annin thunga a in hanuk makota angak lungin a rung ei om. 7Hatuka en ta, Puma vanpalai khat ama kom ahonga anding hanuk lungin sunga ra-ang an el aman Pitor akang san asuka a mathui ei ti, “Anrapa anthui ro.” Hanke akut anni a zingzir achul rit. 8Nuka ha vanpalai han Pitor rang ei ti, “Na kong khit ro hanuk na kekok bun ro,” atia aman atho. Hanuk vanpalaiin ama ha ei ti, “Puan rasil tan ka nu nuk na zi ro.” 9Hava han ama a panga a suaka ama anu nuka ase, tenchu vanpalai han ei tho ngai ha, hava ha chong taka aman re thei mak, hanek anten ei mandon chu anralna kei mu atia. 10Hava suale amanin angkhatna le annina a rung ngai anuka amak sua u na khua panna tiang thir makot kola ava suak u na. Ha suakkhar amani makunga atheia anlong. Hava han amani ha asuak u na lampui khat a ahek tenpei ei se u na hatuka vanpalai ha akom ata ankhaia. 11Hanke Pitor a har le ei ti, “Atun chu ka riat sadim zei Puman a vanpalai ei hong tira Herod akuta le Juda mi ngai ei mandon u na ata ei na mazok.”
12Hiva rui ngai a mandona ama ha Mari Johon anu in tiang ase. Ama hi ha Johon Mark anti ha, hava han alei anchun lup u na bor alei zong u. 13Hanke aman suakkhar bang a tok le Rudi atia nupang khat avan sang ranga ase. 14Hanke Pitor a he tia ariata a rai asan rahaia suakkhar malong maka ten asung tiang atana se ei va ril Pitor makot kola anding ati na. 15Amanin ama rang ha, “Achang ke na ni!” ati u. Tenchu aman a sadima he e, ani ei tia. Amanin, “A vanpalai ni inti,” ati u.
16Tenchu Pitorin ala tok chiana, ala om. Hanke amanin makot amalong u na Pitor ha amu u na anlai u. 17Hava han aman akut le dairek u ro ati na Puman hontinmo lungin ata ama ha ei mazoka ei hong tuang hava ha amani kom ei mazam hatuka ei ti, “Nangnin Jakob le unai ngai ha hiva thang manthei u ro,” ei ti. Hava suale ama ha a suaka mun ateia ase.
18Sun ahonga ni le Pitor imo ei nin zei atia sipai ngai ha anpon u zei.
19Nuka Herod Pitor omna re lai maka arung ngai ha a rakela amani ha athat ranga chong apek. Hanke Herod Judai ram ata a suaka Kaisari na asena ava om.
Herod Athi
20Hatuka ama ha Tura ngai le Sidon ngai chunga a malung aduk sabaka, tenchu amani ha munkhat a changa a koma ei hong u, hanuk reng zamun a rung ulian Blasta ha anloppui u na anngoina ei zong u, asik chu reng ram ata a ram u na sak nek ei hong. 21Hanke nikhua andang rap khat nikhuana Herod a reng raliang le anlianga reng chomphanga ansuta amani kom chong aril. 22Hanke mi ngai ha ankheka ei ti u, “Pathian ke, mi ni mak!” 23Hatuka Puma a vanpalai khatin havan len a hong that asik chu ama hi Pathian anpakna pe mak. Hatuka ama ha malungin asaka athi.
24Tenchu Pathian chong ansona a sip tir. 25Hatuka Barnaba le Saul a dorbondom sin asua sua u le Jerusalem ata akir ret u na Johon Mark anti ha ama ha a bila atuang u.
Currently Selected:
KUITIR 12: RANGBSI
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
