KUITIR 13
13
Thang Ahui Ril ranga Paul ei Se Mansana
1Hava han Antiokei khuana kuibinga Barnaba, Simon Negera anti Kurini khuana mi Lukia ngai, le reng Herod a unai Manaen ngai, Saul ngai ani u hoho mo, chu Deari le minchu ei ni u. 2Amani ha Puma dorbondom le bu ngoia ei om u hava han Ratha Anthiangin ei ti, “Barnaba le Saul ha a sin ei tho u na ranga kei pai hava a tho ranga ka ranga atun amani ha nakhai pe u ro.” 3Hanke angoia le borazonga a chung u na kut adap u na hangai ha amathan u.
Kupra na
4Hantin han hangai ha Ratha Anthiang le kuitir ei nia Selukia na ase u havan ata rakuang a khek u na Kupra na ase u. 5Amani ha Salami na asuak u na Juda ngai anchunna in tina Pathian chong ei ril u hanuk Johon um asan rang a ruai u.
6Hatuka hangai ha mualanlan dora na a chei u na Papho khua na asuak u le Juda mi khat mitpialdoi a thei le deari rathol amu u, a raming Bar Isua. 7Ama ha ram a oppu Serjia Paul a bila ei om ama hi mi hian khat aman Barnaba le Saul ha a kom a paia Pathian chong anngai rang ati. 8Tenchu Eluma ha mitpialdoi a thei, na malet ten hiva hi len hi ama raming omzia, ha ram ruaipu ha iamna ata ankhirna ei vala amani ha ei dui. 9Tenchu Saul ama ha Paul um anti Ratha Anthiang abita ama tiang anhoia ei ti, 10“O zetin le asa nok tin a bit diabol a nai dikna tin anmumak. Puma lampui anlap a leta nei tho mong non mo? 11Atun enta, Puma kut na chunga a om. Na mit chon ti, ra-ang mu tot no ta ni.” Hatuka han len rodo le azingin ama ha a manliana hanke akut asura anruai rang mi arok ti tira a om. 12Hava han hava rui ha ram aruaipun a muna Puma rui anchuna chonga ariata anlaia a iam.
Pisidia Antiokei Khuana Thang Ahui Anril
13Hava suale Paul le ama alom ngai Paphos ata rakuang, akhek u na Pamphulia Porga khuana ava tung u. Hava han Johonin amani ha amaka Jerusalema akir. 14Tenchu amani ha Perga ata anthok u na Pisidia Antiokei a ava suak u. Hanke Pongansani nikhuana anchunna ina a lut u. 15Dan le Deari Lekhana a pore suale anchunna ulian ngai han amani ha chong aman se u unai ngai mi ngai bila chong aril rua na don uten ril u ro. 16Hanke Paul andinga a kut a zapa chong a rila,
“O Isarel mi ngai, o Pathian anchi ngai, rangai u ro! 17Hi Isarel nam hi Pathianin koini na chipui ngai hi ei phuna ei lak hanuk hi nam Aigupta na om lai han hava han amani ha ei mansanga akut arat le havan ata ei masuaka ei hong tuang. #Ant 1.7; 12.51 18Hatuka aman philchar rama kum sommanli amani bibila ei diar. #Mip 14.34; Dan 1.31 19Hanuk aman Kanan rama nam sari eia thoka alu ranga ha nam ngai ram dora amani ha ei pek. Hantin han kum raza manli kum somranga ni inti ase sua. #Dan 7.1; Jos 14.1 20Hava hun sung ha kum raza manli kum somranga ani.
“Hava suale aman Samuel deari tenpei ruiaril ngai kom ei pek. #Rui 2.16; 1 Sam 3.20 21Hava suale amanin reng khat ei zong u hava han Pathianin amani ha kum sommanli rang Benjamin achi Kis a naipasal Saul ha ei pek. #1 Sam 8.5; 10.21 22Nuka aman ama ha akhai a a reng u ranga David ei man piang ama ranga han ei ti: ‘Jessi naipasal David ka man zei. Ama hi ka malung anga mi, aman kei zot dora zi inti.’ #1 Sam 13.14; 16.12; Sam 89.20 23Ama achi ata Pathian a chongtin anga Israel ranga anzokpu khat ha Isua ha a hong ma suak. 24Ama ahong man ha Johon Israel nam dora koma malung thulna Baptisma ei ril. #Mk 1.4; Lk 3.3 25Hatuka Johon a lampui mandang ahek tenpei ei tan ti tira hiva chong hi ei ril. ‘Koi hi tumo na na ti u? Koi ama ni making tenchu enro! Ka nuka mi khat a hong zei, a kekok khitna ri asut rua ngal ni makung.’ #Mt 3.11; Mk 1.7; Lk 3.16; Jn 1.20,27
26“O unai ngai Abraham akhuka nai ngai. Nangni Pathian anchi dora koini na kom hi zokna chong ei hong antir! 27Asik chu Jerusalema ngai hanuk a ulian u ngai ama ha ei riat u noka hanuk deari chong ngai dora ha, Pongansana nikhua kip ei anpore hava ngai doram ei riat u noka. Ama ha asia ei manlo u na hava ngai dora ei makhip. 28Hatuka thina khop masial aman u nokam, amanin Pilat akom ei zong u ei anthat na rang. #Mt 27.22-23; Mk 15.13-14; Lk 23.21-23; Jn 19.15 29Hatuka aruia ha chong ngai dora anziak ha hava akip suale ama ha thing ata amasum u na thana a phum u. #Mt 27.57-61; Mk 15.42-47; Lk 23.50-56; Jn 19.38-42 30Tenchu Pathianin athi ngai bil ata ama a mathui. 31Hatuka ama bila Galili ata Jerusalema a hong ngai ha, amani ha aman nikhua tampa ei anmupui amani hi atun mipui kom ama ariat ei chang. #Kts 1.3 32Hatuka mana achipui koma chongtin rui ha koinin nangni hi, hi thang ahui nei ril hi, 33Pathianin Isua a mathuia koini a nai ngai ranga ha chongtin ha ahong makhip. Sam annina han anziak a om, hintin hin: ‘Nang hi ka Naipasal avian kei na mazir.’ #Sam 2.7 34Hatuka ha athi ata ei mathui ha hatuka ama ha heka se lai no ni hia ruia Pathianin hintin hin ei ti: ‘Nangni rang David chong antin adet anthiang ngai dora na pe u ka ti.’ #Isa 55.3 (LXX) 35Asik chu aman Sam ateiam ei ti, ‘Nangin na mi anthiang ei hek man mu no ta ni.’ #Sam 16.10 36Hantin han David in a rual tak mi ngai bila Pathian ei zek anga sin atho suale ei in, hanke a pa ngai bila ei zala ei la hek. 37Tenchu Pathianin ei mathui tak ha ama ha hekna mumak. 38Hasik han, ‘O unai ngai re u ro hiva mi le hin asia saina nei manthei. 39Hatuka Mosi dana nangnin rui tina ha dikna na nei anchel thei u nok ha, a iam takin ha rui ngai ata hiva mi na dika ei pom. 40Hantin han deari lekhabu na ei ril hava ha na chung u na chul lam ni.’
41‘Eelsel anei ngai, En u ta! anlai u ro hanuk anmoi u ro!
Na dam sung u hin sin khat tho ka ti
hava sin rui mi aril a om ten lei iam thak u no ta ni!’ “ #Hab 1.5 (LXX)
42A suak ule min a mathem u ha nuka Pongansana nikhuana hava chong ngai dora anril ret ranga. 43Hatuka ei anchun u achin u le Juda le Juda Pathian a biak mi tampan Paul le Barnaba a nu nuka a zi u na amani a chongpui u na Pathian a lungkhamna na adet tit ranga amani ha aril u. 44Hanuk Pongansana nikhua na khua na mi dora Pathian chong anngai ranga anchun u. 45Tenchu Juda ngaiin mi atampa anchun a mu u na mumaka aleia bit u, hanuk asiat aril chu chunga Paul a chong ei dui u. 46Hatuka Paul le Barnaba a ngam sabaka chong ei rila ei ti u, “Na kom u na Pathian chong aril mansa ruia ei ni hava ha ei nang hava ha na henga na pei u tak anten hanuk na ning ringanlon aman nok ruana nan sabei u na en u ro Jentail ngai tiang nan hoi. 47Asik chu Puman koini ranga hintin hin ei na ti,
‘Kei na ti ni zei Jentail ngai ra-anga keina manchang.
Nang hi ramual rikung tenpei azokna ni ro.’ “ #Isa 42.6; 49.6
48Hava ha ariat u na Jentail ngai arai asan u na Puma chong ha a manpak u na hanuk ringanlon ranga ani ngai ha amanin a iam u.
49Hatuka Puma chong hava rama aloma abit zit. 50Tenchu Juda ngaiin nupang a hian Pathian andon nupang ngai le ulian ngai rang ha ei malum u na Paul le Barnaba ha anzula ama suak u hanke a rikung u ata hangai ha ei masuak u. 51Hanke amanin amani ranga ake philvut eia thing u na Ikonia na ei se u. #Mt 10.14; Mk 6.11; Lk 9.5; 10.11 52Hatuka ruaisi ngai ha raisana le Ratha Anthiang ei bita ei om u.
Currently Selected:
KUITIR 13: RANGBSI
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
