MARKIN 12

Rahuana Sinatho ngai le Ankhina

(Mt 21.33-46; Lk 20.9-19)

1Hava suale aman ankhina le amani kom chong ei ril, “Mi khat gerep rahuan athona rakul le aman kul tita gerep sorna rang khur a khuara hatuka in ansang a sina sin atho ngai kom a peka ram atei a ase viak. #Isa 5.1-2 2Hatuka sin atho ngai kom gerep rahuana mara a changai ama rang a kham rang amani kom a hun taka a suak khat aman se. 3Amanin hava nai ha a sur u na a rahoka a zema kut koronga aman se u. 4Hanuk aman hangai kom asuak khat aman se ret a amanin a lu alei khui pe u na maimok a sak u. 5Hava suale aman hanuk angkhat aman se, amanin ama ha a that u hoho mo ei zem hoho mo ei rahok ei that u. 6Hava han angkhat dak ala don a naipasal madit tak nukhon khita aman se, ‘Ka naipasal chu lei manlian u bo ni,’ tia. 7Tenchu rahuana sin atho ngai han anril u na, ‘Hile dong aluak rangpu hong u ta ro, hiva nai hi that u rei hanke koini ta ei chang rang,’ ati u. 8Hatuka a sur u na a that u, hatuka rahuan panga a pei u.

9“Ha gerep rahuan puma han imo ei hong lot rang ama hong inti na ha rahuan a tho ngai ha masiat inti, hatuka ha rahuan ha mi tei pe inti. 10Pathian lekha hi pore u mak che mo? #Sam 118.22-23

‘Lunga phum ngaiin ei tel u nok ha,

A kila lung alian khit achang zei.

11Hiva hi puma ata keng ei ni,

Hiva hi koini mu na ranga chu chang dongna ke.’ ”

12Hava han amanin ama ha asur rang ei val u ten mi ngai ha ei achi u asik chu amanin ei riat u ama ni ei dema ankhina ei ril, hatuka a mak u na ase u.

Lei Choi ruia Ankelna

(Mt 22.15-22; Lk 20.20-26)

13Hava suale amanin ituk lek mo Pharisi le Herod a pol ama kom aman se u na chonga ei man ok thei u na ranga. 14A hong u na aril u, “Minchupu koinin nana riat nang hi a dik tute achi mak che asik chu tute mai lek mak che ten adik pika Pathian lampui ruia nei manchu Kaisar hi phil man a pek hi adik mo?”

15Koinin nei pek rang mo nei pek nok rang mo? Aman ei khel u zia ariata ati pe, “Ichangamo nei na mansin u dinar aduli khat hong koi u ta en di rong.” 16Ahong koi u na aman ati pe, “Hiva ramil le hiva raming tumo?” atina. “Kaisar,” ati pe u.

17Isuan hangai ha ati pe, “Kaisar ata chu Kaisar pe u ro hatuka Pathian ta chu Pathian pe u ro,” Hava han amanin ama rui a a chalaka changdong ei riat u.

Athi ata Anthuiretna Rui

(Mt 22.23-33; Lk 20.27-40)

18Hatuka Saduki ngai anthuiret ngai mak ati ngai ama kom a hong u na a rakel u: #Kts 23.8 19“Minchupu, Mosin koini rang ei maziak a parual a thina a nungak a maka nai a nei nok ten a parualin a nungak la rase a parualpa ranga chi man piang rase ati. #Dan 25.5 20Ani hanle parual sari ni u na ulian khitin in a neia nai maluia 21athi hatuka a thuaia han alaka nai maluia a thi ret, athuai reta ham hantin den. 22hantin han parual sarin nai ngal ma u mak, nukhona a nungak um athi. 23Anthuiret tik anthui unti hatikhan tu nungak mo ei ni rang sarin ei lak u ke hale?” ati u.

24Isuan hangai ha ei ti, “Hava ha nei machai u nimak mo, nei riat u nok Pathian lekha chong nei riat u nok Pathian sin tho theina. 25Athi ngai ata anthui le min innei ngai mak anom um ngai mak vanpalai ngai ang ke ei om. 26Tenchu athi ngai ei anthui u ruia chu Mosi maziaka sul buka han Pathianin hontin mo ei ti pe, hava ha pore u mak che mo? Aman ei ti koi hi Abraham a Pathian Isaka a Pathian le Jakob a Pathian. #Ant 3.6 27Ama hi athi ngai Pathian ni mak ten adam ngai keng, nangnin na machai sabak u zei.”

Chongpek Aliankhit

(Mt 22.34-40; Lk 10.25-28)

28Hatuka Lekhanziakpu ngai bila angkhat a honga ei ankhal u ariata Isuan adik kiara ei masang ariata ama ha a rakela, “Chongpek bila hova mo aliankhit?” atia. #Lk 10.25-28

29Isuan a masanga, “Aliankhit hiva hi, ‘O Israel rangai ro, koini na Pathian Puma hi angkhat. #Dan 6.4-5 30Hatuka na malung dora le nei ratna dora le na mandon dora le na Pathian Puma ha nei adit rang.’ 31Annina na hiva hi: ‘Na in kol mi na ninga nei andit anga a dit ro,’ Hiva chong anni neka chongpek alian om mak.” #Lev 19.18

32Lekhanziakpun ama ha ei ti, “Minchupu nangin adik pika nei ril ani zei ama hi angkhat ama nok chu atei om mak. #Dan 4.35 33Hatuka na sungril dora le na ranak dora le nei hianna dora le ama andit hatuka in kol mi aninga andit hi doi le dali dara sakemanli neka alian.” #Hos 6.6

34Hava ha aman ahian vanga ei masang ariata Isuan ama ha ei ti pe, “Pathian ram le anla mak che” Hava sua ata chu ite ankel rang tuten ngam u lai mak.

Messia ruia Ankelna

(Mt 22.41-46; Lk 20.41-44)

35Hatuka Pathian Biakina chong aril lai han Isuan amani a rakela, “Lekhanziakpu ngaiin hontinmo Krista hi David a nai ei ti thei u? 36David Ratha Anthiang anria om lai hiva chong ei ril: #Sam 110.1

‘Puman ka Puma ha ei ti ka chang tiang ansut ro,

Anadui ngai na kepha thuaia ka re maseng.’

37Davidin um ama rang ha Puma ati hanle hontinmo a nai ei ni. Hatuka min raisan taka a chong ei rangai.”

Dan Minchungai ruia Isuan Eirakok

(Mt 23.1-36; Lk 20.45-47)

38Hatuka a chong ril anngai ngai rang han ei ti, “Lekhanziakpu ngai ata anrung u ro amani ha puan anchualpa ngai ansila achei zot u. 39Hatuka bazara mi ngai aphama anchunna ina sutmun ansasanga, khalai anzara mun a huia adit u. 40Hiva mi ngai hin arong ngai sum a saka a huangna rang asei pangai bor azong u na hiva ngai hi ruiril tika la chul sabak unti.”

Arong Nuampek

(Lk 21.1-4)

41Hatuka ama ha nuampek ansuangna kok kola ansuta min koka hontinmo sum ei hong siak u a ena hava han a nei ngaiin atampa ngai sum a hong siak. 42Hatuka arong anriang khat a honga sumru sin anni a hong siaka hava ha aduli khat dak ani na. 43Hanke a zolai ngai ha akom a paia aril, “Chong tataka kei na ti ni u zei, ansuangna koka asiak ngai lima hiva a rong anriang hin ei siak a tam khit. 44Ichangmo ati le atei ngaiin chu anei maniang u ata ke alak te te ei siak u, tenchu aman chu ei bui ata a om te ha ei anrungna te ei siak,” ati.

Currently Selected:

MARKIN 12: RANGBSI

Highlight

Copy