BINZEN 46
46
Jakob lo A-kaminyu Le Ijipt Ki Kegü
1Jakob le a-hon kebin aphu khilo njüo Beersheba nyu ryüo kershvu thyü pe a-pvü Isak Sunggigü rüshvu. 2Sunggigü le kheje nyu tsemin ki a-nthon-o, “Jakob, Jakob!” tse a-koshü.
Lo a-le, “Whe, ale hika hü nle” tsonshü.
3Tsontsin a-le, “Ale Sunggigü, N pvü Sunggigü le.” Nle Ijipt ki gü nshvu nya; ale tsüki nthyü pe senye keda nme thyü shüti. 4Ale nzen-o Ijipt ki gü ti, lo n tsipwen zen niryüo kazü higü nyu shüti. Nkesi ka Josef le nzen bin ti.
5Jakob le Beersheba nyu tsonchüshü. A-nyu ju le anyugun nyenyu keshe dan lo a-nunyu dan pe Ijipt raja gü le nikeshü gari dan ka a-sin-o dunlo. 6A-nyu le anyugun senru lo Kanan nyu hyukelo anyugun hon sen-o Ijipt ki tsüla. Jakob le a-tsipwen aphu zen hü.
7A-nyu peche ju, a-nyu ju nyu peche ju, a-nyu tenu ju lo a-nyu ju nyu tenu ju.
8Jakob kaminyu, a-zen Ijipt ki tsü kela dan le a-nyuri gü Reuben, 9lo Reuben nyu: Hanok, Pallu, Hezron lo Karmi. 10Simeon lo a-nyu; Jemuel, Jamin, Ohad, Jachin, Zohar lo Kanan nyu tenunyu nme nyugü Shaul. 11Levi lo a-nyu: Gershon, Kohath, lo Merari. 12Juda lo a-nyu: Shelah, Perez lo Zerah. (Juda nyu kecha Er lo Onan au le Kanan nyu sila) Perez nyu le Hezron lo Hamul au. 13Issachar lo a-nyu: Tola, Puah, Jashub lo Shimron. 14Zebulun lo a-nyu: Sered, Elon lo Jahleel. 15Hidan hile Leah le Mesopotamia ki nnyu pe Jakob tsü keshü dan lo a-nyugi Dinah ko sin. Leah ge yhunchwi keryü a-tsipwen aphu le shenryü kenshen.
16Gad lo a-nyu: Zefon, Haggi, Shuni, Ezbon, Eri, Arod lo Areli. 17Asher lo a-nyu: Imnah, Ishvah, Ishvi, Beriah lo anyu gun lügi Serah. Beriah nyu le Heber lo Malchiel. 18Min tseryü tsero hile Laban le pe a-nyugi Leah go thyü keshü gi Zilpah le nnyu pe Jakob tsü keshü dan.
19Jakob nu Rachel nyu le Josef lo Benjamin. 20Josef le Ijipt kazü nyu Heliopolis ka peshükeda gü Potifera nyugi Asenath ge anyu peche Manasseh lo Efraim tse mihvu bin. 21Benjamin nyu le Bela, Becher, Ashbel, Gera, Naaman, Ehi, Rosh, Muppim, Huppim lo Ard. 22Min tseryü pezi hile Rachel ge Jakob tsipwen yhun kelo dan.
23Dan lo a-nyu Hushim. 24Naftali lo a-nyu: Jahzeel, Guni, Jezer lo Shillem 25Min tsenyü hile Laban le pe a-nyugi Rachel go thyü keshü gi Bilhah le nnyu pe Jakob tsü keshü dan. 26Jakob tsipwen anyudan nunyu sin kemvu le min hentsero-o tsero le Ijipt ki tsüla. 27Lo Ijipt ki nnyu pe Josef ketsü peche mihvu tse kesin keshü le Jakob kaminyu min hentsenyü le tsüki tsüla.
Ijipt ki Jakob lo A-kaminyu rüla
28Jakob le a-mhundyü Juda nipe Josef ki shüo no ryü Goshen nyu anyugun teno lo tseshü. A-nyugun le ryü kelo ka, 29Josef le a-gari nda lo njüo Goshen ki gü a-pvü teno. Anyugun keteno kelo ka Josef le a-pvü gunda ralo njüo gwenkho kethon chü tinla. 30Jakob le Josef ka, “Ale sila da a-kesha thyü gwen. Ale n hyu laso lo nle rhün bin zun tse sha kela si genyu.”
31Tson-o Josef le a-tsasikezen ju lo a-pvü kami kechanyu dan ka, “Ale gü raja gü ka Kanan ki yhun kehü atsasikezen ju lo apvü kaminyu aphu akiryü bin nle tse zoshü mvulo shvu. 32Ale a-ka hagun le senru nkin kehünyu lo hagun le methu, tanyü, dan lo hagun hon lihi-e zenryü bin nle tse zoshü ti. 33Tsü genyu Raja güle hagun koshüo hagun le nyu kethyü nyuyo tse ketso shülo, 34hagun le hagun yhunthen hagun bon nyu hontse senru nkin kehünyu letse zoshü lo. Hihontse shülo a-le hagun no Goshen lojvü nyu yhun loti.” Ijipt nyu le tanyü kekhwenyu zen thame thyü hü kemvu genyu Josef le hihontse zoshü.
Currently Selected:
BINZEN 46: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
