PETER I 5
5
Upate diinga hasotna
1Na lahva upa umte chu, kei na upa hihpih uleh, Khrist thuaahna heetpihtu leh, loupina hung kilang diing zong tanpihtu in ka hung hasot hi; 2Na lahva Pathian belaam pawl umte vaah un, hih louh theih louh ahihjiah hilou in, ut thu hizaw in, punna niin deih jiah hilou in, lungsim kipeihsa kawm hizaw in; 3Pathian goutante tunga kisulal lou a, hizongleh pawlte etton diing a um zaw in. 4Huchi'n Belaampu lianpen ahung kilat chiangin loupina lallukhuh mualtheilou na mu diing uhi. 5Huchimahbangin nanguh khanglaite, upate nuaiah kituluut un. Ahi, na bawnun khat leh khat kithumangtuah chiat unla, kingaihngiamna in kithuam un; ajiahchu Pathian in mi kiliansahte a doudaal a, mi kingaingiamte chu hehpihna a pia hi.
Hasotna vaantaang
6Hujiahin a huntaha nanguh ahung paahtawi theihna diingin Pathian khut haattah nuaiah kingaingiam un. 7Ama’n ahung ngaihsah zing jiahin na lungkhamna zousiah uh a tungah nga un. 8Pilvaang unla, kiveeng zingin um un; ajiahchu na khingpa uh diabol chu huumpibahnei hawh bangin a neeh theih diing hawl in a vaah lehleh hi; 9Na unaute uh khovela umte tungah huchibang thuaahnatnate a tungve chih he in, amah chu ginna a kiptah a um in dou un. 10Hizongleh Khrist Jesu mang a kumtuang loupina tang diing a eiuh hung koupa, hehpihna Pathian in, tomkhat sung na thuaah nungun nanguh ahung hoihbukimsah in, ahung sukip in, ahung suhaat in, ahung umdetsah diing hi. 11Amah kawmah kumtuang kumtuang in paahtawina leh lalna umta hen. Amen. 12Unaupa ginumtah a ka heet Silvana khut in nanguh hasotna leh, hichu Pathian hehpihna i dinna uh ahi chih hesah kawmin na kawmvah tomtakhat in ka hung gial ahi. 13Nanguh toh teel khawm Babylon a um kouhtuamte’n chibai ahung buuh uhi; huchimahbangin ka ta Mark in zong ahung buuh hi. 14Lungsiatna kitawp in khat leh khat chibai kibuuh un. Khrist Jesu a um nanguh zousiah kawmah hamuanna um hen. Amen.
Currently Selected:
PETER I 5: SIMTBSI
Highlight
Share
Compare
Copy
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.