KORINTHTE II 12
12
Kilaahna silmuh loupite leh haat louhna kingaihtawmna
1Kei diingin kiuahsah phatuam sih tamahleh; Silmuh leh Lalpa kilaahna ka hung soi diing hi. 2Kum sawmleli ahita, Khrist a um mi khat ka he a, (sapum in ahiai a um ka he sih; sapum louin ahiai a um ka he sih; Pathian in a he hi; ) huchibang mi khat chu vaan thumna tanah laahtouhin a um a. 3Huleh huchibang mi khat chu ka he a, (sapum in ahiai, sapum louin ahiai a um ka he sih; Pathian in a he hi; ) 4Amah chu paradis ah laahtouh in a um a, mihing diing a soi sianglou, soi guallouh thu a va ja hi. 5Huchibang mi chu ka suang diing hi; keimah ka hihleh, ka haatlouhna loungal ka suang sih diing hi. 6Ajiahchu kisuan ut mahleng mingol ka hi sih diing; thutah soi diing ka hi ngal a; hizongleh mi koi aha in ahung muh bang leh ka thu a jah bang sanga ahung ngaih loupi louhna diingin ka kideeh diing hi. 7Huleh kilaahnate nasat beehseehna jala ka kingaihsang taatluat louhna diingin, Setan sawlleh ahung tuum diing ling khat ka tahsa ah ahung kipia hi; huchilouin chu ka kingaisang talokha diing hi. 8Kei apat a chiahmangna diingin, hi sil jiahin Lalpa kawmah thumvei ka ngen a. 9Huleh ama’n ka kawmah, Ka hehpihna nang a diingin a huntawh hi; ajiahchu ka haatna chu haat louhna ah suhbukim in a um hi, a chi a. Hujiahin Khrist silbawltheihna ka tunga a um theihna diingin, kipaahtahin ka haatlouhnate ka suang zaw diing hi. 10Hujiahin haat louhnate ah, suhduhdahnate ah, taahsapnate ah, sawihnate ah, hahsatnate ah Khrist jiahin ka kipaah hi; ajiahchu ka haat louh hun tahchiangin ka haat hi.
Paul in a kiuahsahnate a soi kiitna
11Kiuahsahna in mingol ka hung suaahta; nangun huchilou thei louin na hung bawl uhi; ajiahchu na hung paahtawi zawh diing uh ka hi a; bang jiahin ahiai i chih leh bangmah hi sih zongleh sawlleh lianpentahpa ka phaahlelhna bangmah a um sih hi. 12Tahzetin sawlleh hihna chiamchihnate chu kuhkalna chintengin, chiamchihnate in, silmahte in, silbawl loupite in na lahvah bawl ahi. 13Bang jiahin ahiai i chih leh ke’n nanguh ka hung suhbuai louh chih louh, bang lamah ahiai kouhtuam pawl dangte sanga nuainungzaw a na um uh? hi suhkhelhna hung ngaidam un. 14Ngai un, na kawmva hung diing a ka kipeih a thum veina diing ahi; ka hung subuai sih diing hi; bang jiahin ahiai chihleh na sil neih uh hawl ka hi sih a, nanguh hung hawl ka hi zaw hi; ajiahchu tate’n nulepa diing a, a kholkhawm diing uh ahi sih a, nulepate’n tate diing a, a kholkhawm diing uh ahi zaw hi. 15Huleh ke’n chu nanguh diingin kipaahtahin ka seeng diinga, ka kiseeng bei diing hi; ke’n nanguh hung lungsiat sem in, nangun kei hung lungsiat moh sem zongleh u’chin. 16Hizongleh ahi hi hitaleh, nanguh ka hung subuai sih hi; ahihvangin lungsim siam a doha a ka hung mat na hi uhi. 17Na kawmva ka hung sawlte laha koiaha zangin nanguh apat punna ka siamkha eimah? 18Tita chu na kawmva hung diingin kana deih ngei a, huleh amah toh unaupa khat ka hung sawl hi. Tita in nanguh ah punna a siamkha moleh? hagau kibangin ka gamtakhawm sih viai mah? kalsuan kibanga chiah hilou ka hi viai mah? 19Na lahva kei uleh keiuh kiphelhna diing hawl a hung ngaihtuah na hi u'maw? Khrist ah Pathian ma ah thu ka soi uh; hizongleh deihtahte, sil zousiah chu nanguh hoihna diingin ka bawl uhi. 20Bang jiahin ahiai i chih leh ka hung chianga nanguh ka hung muh diing banga ka hung muh louhkha diing leh, kei na hung muh louh diing bang va na hung muh khaah diing ka lau hi; huchilou inchu kinialnate, kithangsiatnate, lungthahnate, kikhinnate, kisoisiatnate, kiguuhhounate, uanghaamnate, huleh buainate ahung umkha diing hi. 21Huleh ka hung kiit chiangin ka Pathian in na lahvah hung sumualphou in, tuma a na sualta sa, hizongleh si an louhna leh kingaihna leh huuhnate ana bawltaah vapat kisiih lou mi tampite ka kahkhumkha diing hi.
Currently Selected:
KORINTHTE II 12: SIMTBSI
Highlight
Share
Compare
Copy
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.