KORINTHTE II 13
13
A hungna diing thu a ma hilhna
1Hichu na kawmva ka hung a thumveina diing ahi. Heetpihtu nih leh thum kamah thu chinteng suhkip in a um diing hi. 2Tuma in ka hung hilhta hi, a nihveina a na kawmva ka umlai a ka soi bangin, tuin na kawmva um louin, tumalama sil bawlsualte leh midang zousiah kawmah ka hung ma soi ahi, ka hung kiit inchu ka hawi sih diing hi. 3Nangun Khrist, keimaha thusoi chu heetchi ana na bawl jiahun, amah nanguh lamah a haatlou sih a, na lahvah silbawltheitah ahi zaw hi. 4Bang jiahin ahiai i chih leh haatlouhna jalin kilhbeh in um mahleh, Pathian silbawltheihna in a hing zing ahi. Ajiahchu keiuh zong amah ah haat lou ka hi va, hizongleh Pathian silbawltheihna in nanguh lamah amah toh ka hingkhawm diing uhi. 5Ginna ah na umna viai mah nang uleh nanguh kienkhia unla; nanguh mimal kienchian un. Nang u’ah Jesu Khrist a um chih nanguh ngei in kiheet lou na hi viai mah? deih louh na hih louhngal uleh. 6Hizongleh kei u’chu deih louh ka hi sih uh chih na he diing uh chih ka gingta hi. 7Huleh silgilou na bawl louhna diingun Pathian kawmah ka ngen hi; huchu keiuh deihhuai a ka kilat theihna diing uh ahi sih a, nangun keiuh deih louh hitamah le’ung, a kilawm photmah na bawl theihna diing uh ahi zaw hi. 8Ajiahchu thutah a diing chih louh chu, thutah dou diingin bangmah ka bawl thei sih uhi. 9Bang jiahin ahiai i chih leh keiuh ka haat louh va, nanguh na haat chiangun ka kipaah uhi; huleh na hoih bukimna diing u’zong ka ngen veu uhi. 10Hujiahin suse diing hilou a, bawl hoih diing zaw a Lalpa hungpiah thuneihna dungjuia ka hung vau louhna diingin, na kawmva ka um louh laiin hi silte ka hung gial hi.
Thutawpna
11A tawp pen in, unaute, kipaahtahin um un. Hoihbukim in um unla, hamuangtahin um unla, lungsim munkhat pua unla, kituaahtahin um un; huleh lungsiatna leh hamuanna Pathian na kawmvah a um diing hi. 12Kitawp siangthou in khat leh khat chibai kibuuh un. 13Misiangthoute zousiah in nanguh chibai ahung buuh uhi. 14Lalpa Jesu Khrist hehpihna leh, Pathian lungsiatna leh, Hagau Siangthou kipawlpihna na bawnva tungah umta hen. Amen.
Currently Selected:
KORINTHTE II 13: SIMTBSI
Highlight
Share
Compare
Copy
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.