JOHN II 1
1
Chibaibuuhna
1Upa in, numei teel leh a tate, thutah a ka lungsiatte kawmah; huleh keimah chauh hilouin thutah he zousiah in zong ahi. 2Ei u’a um, huleh kumtuang a zong i kawma um diing thutah jiahin. 3Pa Pathian akipan leh Lalpa Jesu Khrist, Pa Tapa akipan hehpihna leh khotuahna leh hamuanna chu thutah leh lungsiatna in na kawmvah um hen. 4Pa kawm akipan a thupiah i muh banga na tate khenkhat thutah a um ka muh jiahin ka kipaah mahmah hi. 5Huchi'n, numeipha, thupiah thah gial bang chu hilouin, a chiil a kipana i neih uh gial zawin, khat leh khat kilungsiattuah diingin ka hung ngen hi. 6Huleh hikhu ahi lungsiatna, a thupiahte banga i um chu. Thupiah chu hikhu ahi, A chiil a kipana na jah bang va humah ah na um diing uh ahi. 7Bang jiahin ahiai i chih leh, Jesu Khrist tahsa in ahung chih gum lou heemtu tampi khovel ah a umdohta hi. Hutobang mi chu heemtu leh Khrist doudaaltu ahi. 8I tohkhiahsate mangsah lou a, kipaahman a kim a i muhtheih zawh na diingun kiveeng un. 9Mi koipouh daan bohsia leh, Khrist thuhilhna daan a um zing louin Pathian a nei sih hi, Khrist thuhilhna daan a um zing mi’n chu Pa leh Tapa a nih in a neikhawm hi. 10Mi koipouh hi kihilhna thu keng lou a na kawmva hung a um leh na inn vah tungsah sih unla, kampha in zong ha sih un. 11Ajiahchu kampha a hatu chu amah giitlouhna kikoppih ahi. 12Na kawmva thu tampi hung gelh diing ka neih vangin lehkhapuan leh lehkhatui in ka gial nuam sih diing hi; hizongleh hung a, i kipaahna uh a kim theihna diingin kimaaituah a hung soi ka kinem hi. 13Teel a um na unaunu tate’n chibai ahung buuh uhi. Amen.
Currently Selected:
JOHN II 1: SIMTBSI
Highlight
Share
Compare
Copy
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.