THUPHUANDOH 7
7
Israel mi 144,000 chiamchih a umna
1Huleh hi silte nungin, ke’n angel li, leitung ah hileh, tui khang lian tungah hileh, sing tung bangmaha zong a nun louh na diing a leitung huih lite tutaang a, lei ning li a diing chu ka mu a. 2Huleh angel dang, suahlam apat a hung kuan, Pathian hing chiamchihna nei khat ka mu a; huleh amah chu, a kawmva leitung leh tui khang lian suhsiatna diing kipia angel lite kawmah aw ngaihtahin a kikou a, 3I Pathian suaahte a tal va i chiamchih zoh masiah leitung hileh, tui khang lian hileh, singte hileh suse sih un, chi’n. 4Huleh chiamchiha umte phaahzah chu ka ja a; Israel tate nam zousiah apat nuai khat leh siing li leh saang li chiamchih ahi uh. 5Judah nam apat siing khat leh saang nih; Reuben nam apat siing khat leh saang nih; Gad nam apat siing khat leh saang nih; 6Aser nam apat siing khat leh saang nih; Naphtalim nam apat siing khat leh saang nih; Manasseh nam apat siing khat leh saang nih; 7Simeon nam apat siing khat leh saang nih; Levi nam apat siing khat leh saang nih; Issachar nam apat siing khat leh saang nih; 8Zebulon nam apat siing khat leh saang nih; Joseph nam apat siing khat leh saang nih; huleh Benjamin nam apat siing khat leh saang nih chiamchihin a um uhi,
Gimthuaahna thupi sunga hutdamte
9Hi nunga ka et leh, ngai in, mipi nasatah, koimah simseeng louh, nam chin, phung chin, mi chin leh haam chin apat puan ngou silh a, huleh tuumnah tawi a laltouphah leh Belaamnou ma a diing chu ka muta a. 10Huleh amahuh chu aw ngaihtahin a kikou va, Hutdamna chu laltouphah tunga tou i Pathian uleh Belaamnou a ahi, chi’n. 11Huleh angel zousiah chu laltouphah kim vel leh upate leh silhing lite kimvelaha ding va, huleh laltouphah ma-ah khupboh a puuh in, 12Amen: Vangpiahnate, loupinate, pilnate, kipaahthusoinate, paahtawinate, thuneihnate leh silbawltheihnate chu i Pathian kawmah kumtuang kumtuang in um zingta heh. Amen chih Pathian a bia uhi. 13Huleh upate laha khat in ahung houpih a, ka kawmah, Hi puan ngou a kithuamte koite ahiviai? huleh khoi apat a hung ahi viai? a chi a. 14Ke’n a kawmah, Pu, nangma’n na he hi, ka chi a. Ama’n ka kawmah, Hite chu gimthuaahna nasatah apat hung pawtdohte ahi va, huleh a puan uh Belaamnou sisana sawp in a ngousahta uhi. 15Hujiahin amahuh chu Pathian laltouphah ma a um in suun leh janin a biahinn ah a nna a tong uhi; huleh amah laltouphah tunga toupa chu a lahvah a teeng diing hi. 16A gil uh a kial nawn sih diing a, a dangtaah kiit nawn sih diing uhi; huleh nisa in amahuh a kaang nawn sih diing a, a satna in zong a sugim nawn sih diing hi. 17Ajiahchu Belaamnou, laltouphah laia um khu in amahuh a vaah diing a, tuihing lui luanna ah amahuh a pui diing a; huleh Pathian in a mit va kipat mittui zousiah a siaah siang diing hi, a chi hi.
Currently Selected:
THUPHUANDOH 7: SIMTBSI
Highlight
Copy
Compare
Share
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.
