Laoidhean 43
43
LAOIDH 43
Eòin 14.25-28
1Mo ghuth cha chluinn sibh tuilleadh nis,
ghairm m' Athair mi chum nèimh,
O' n tig an comhfhurtair gun dàil,
an Spiorad gràsmhor naomh.
2A'm' ainm‑sa cuiridh 'n t‑Athair e,
a dheanamh dhuibh an iùil;
A thoirt na chuala sibh 'nur cuimhn',
's a dh'fhoillseachadh gach cùis.
3Mo shìth mar theannachd dealachaidh,
's mar dhìlib gheibh sibh 'n tràs;
Mo shìth bheir dhuibh làn‑chomhfhurtachd,
'nur beatha is 'nur bàs.
4A réir droch nòis an t‑saoghail chlaoin,
cha mheall mi sibh gun cheisd
Is gealladh gun a choimhlionadh
cha toir mi dhuibh am feasd.
5A'd' ghealladh, Thriath, ni sinne bun,
ré fad ar turuis fhaoin;
'S ar n‑earbsa làidir bidh a'd' ghradh,
ri fàgail dhuinn an t‑saogh'l.
Currently Selected:
Laoidhean 43: LSN1987
Highlight
Share
Copy
Want to have your highlights saved across all your devices? Sign up or sign in
© Comann Bhìoball na h‑Alba 1987, 2017
© Scottish Bible Society 1987, 2017