Laoidhean 50
50
LAOIDH 50
1 Cor. 15.52-58
1Le fuaim na trompaid deireannaich
criothnaichidh 'm fonn gu garbh:
Fosglaidh gach uaigh is brùchdaidh nios
chum siorrui'chd cuirp nam marbh.
2Feuch, éiridh cuirp nan saoi an sin
le misnich is mòr sgèimh,
Iad bàsmhor thuit, ach éiridh chum
neo‑bhàsmhorachd air nèamh.
3Feuch fàistneachd fhìor nam Fàidhean naomh'
coimhlionta nis gu beachd;
Gu géilleadh bàs do bheatha shior,
's gu criochnaicheadh an gleachd.
4Suas togadh creidimh luathghair ait,
is canadh e mar laoidh,
C'ait nis am bheil do ghath, a Bhàis?
c' àit, Uaigh, am bheil do bhuaidh?
5B'i choguis chiontach gath a bhàis,
teann‑shaithte 'n cridhe 'n daoi;
'S b'e 'n Lagh a thug do chiont' a neart
gu luchd a' pheacaidh chlaoidh.
6Ach beannaicht' gu robh Dia gu bràth!
a chuir ar nàmh fo chois,
'S a thug dhuinn trìd ar Ceannaird Criosd
buaidh shiorruidh agus fois.
7Fa 'n aobhar sin, le dùrachd cridh',
d'ar Righ bheir sinne géill;
Làn‑dearbhta gu faigh sinn fadheòidh,
crùn glòir' an rìoghachd nèimh.
Currently Selected:
Laoidhean 50: LSN1987
Highlight
Share
Compare
Copy
Want to have your highlights saved across all your devices? Sign up or sign in
© Comann Bhìoball na h‑Alba 1826, 1987
© Scottish Bible Society 1826, 1987