Laoidhean 54
54
LAOIDH 54
2 Tim. 1.12
1Cha'n aobhar nàire leamsa Criosd,
na 'chùis a dhìon gu beachd:
A crann a cheusaidh ni mi uaill;
géilleam gach uair d'a reachd.
2IOSA, mo DHIA! is eòl dhomh 'ainm,
is earbam as gu bràth;
Cha nàraich esan m'anam truagh,
's cha chum e uam a ghràs.
3Daingean is buan, mar chaithir Dhia,
gach cian tha gealladh Chriosd;
O! 's tèaruint' m'anam‑sa 'na làimh,
gu là a theachd a rìs.
4'San là sin fàiltichidh e m'ainm,
an làthair 'Athar chaoimh;
Is sealbh 's an Nuadh Ierusalem
do m'anam bheir le naoimh.
Currently Selected:
Laoidhean 54: LSN1987
Highlight
Share
Compare
Copy
Want to have your highlights saved across all your devices? Sign up or sign in
© Comann Bhìoball na h‑Alba 1826, 1987
© Scottish Bible Society 1826, 1987