Laoidhean 66
66
LAOIDH 66
Taisb. 7.13-17
1Cia dealrach glòir a' mhaith‑shluaigh ud!
an trusgain ùr' cia geal!
Cionnus a thàinig iad gu soills'
's cò dh'ionnlaid dhiubh gach sal?
2Feuch, sud an dream a ràinig nèamh,
troimh dheuchainn ghairbh is chruaidh,
'S a nigh an trusgain ann am fuil,
fuil ioc‑shlainteach an Uain.
3Nis sleuchdar leo le glùnaibh lùbt'
gu h‑ùmh'l aig caithir Dhia;
'S le an'maibh cràbhach molaidh iad
a mhòrachd feadh gach ial.
4Gach cridh' bidh ait le làth'reachd Dhè,
's gach beul am fonn gu seinn;
Co‑fhreagraidh 'n teampull naomh gach tràth
d'an àrd Hosana bhinn.
5Ocras no tart cha chlaoidh an sin,
no boilsge loisgeach gréin;
'S e Dia an grian, 's o dhealradh caomh,
sìor‑sgaoilidh là an céin.
6Stiùraidh an t‑Uan a naomh‑threud féin
gu tobar slàint' nach tràigh;
Is tiormaichidh gu bràth o'n gruaidh
deur truaighe, bròin is cràidh.
Currently Selected:
Laoidhean 66: LSN1987
Highlight
Share
Compare
Copy
Want to have your highlights saved across all your devices? Sign up or sign in
© Comann Bhìoball na h‑Alba 1826, 1987
© Scottish Bible Society 1826, 1987