Gnàth‑fhacal 1

LAOIDH 10

Gnàth‑fhac. 1.20-31

20-31 An coitheanal nan iomadh sluagh,

is anns na rathaidean tiugh,

Ri cloinn nan daoin' tha Gliocas nèimh

a' togail suas a ghuth;

2 Cia fhad a nì luchd fanoid tàir

air fìrinn is gràs Dhè?

'S a bheir sibh, amadain, ur spèis

dhur toil mhì‑chèillidh fhèin?

3 Tillibh air m' earail, air ur n‑ais,

is bidh sibh sona chaoidh:

Tillibh, 's a‑chum bhur beannachadh,

mo spiorad bheir mi dhuibh.

4 Ach mur toir sibh mo ghuth fa‑near,

's mur èist sibh ri mo ghlaodh:

Tràth ghlaodhas sibhs' an latha ur n‑airc,

ur n‑athchuinge bidh faoin.

5 Tràth ghlacas lèir‑sgrios sibh na cuairt,

mar ioma‑ghaoth luath nan speur,

Nì mise fanaid air ur caoidh,

's ur n‑ùrnaigh chaoidh chan èist.

6 On roghnaich sibh roimh bheatha bàs,

's èiginn gu bràth bhith truagh;

Oir ciod air bith a chuireas neach,

dhen sin nì 'n neach sin buain.

Currently Selected:

Gnàth‑fhacal 1: LSN1987

Highlight

Compare

Copy

Want to have your highlights saved across all your devices? Sign up or sign in

Popular Bible Verses from
Gnàth‑fhacal 1