Лука 3

ЯЩЭНЭРЭШЪХЬ

УмэхъэкӀо Иуан Тхьэм игущыӀэхэр зэригъэӀущтыгъэр

(Маттэ 3:1-12; Марк 1:1-8; Иуан 1:19-28)

1Кайсар Тиберые#3:1 Тиберые – Исус къызэхъу нэужым я 14-37 илъэсхэм къакӀоцӀ рим кайсарыгъ. итетыгъо ипшӀыкӀутфэнэрэ илъэсыр арыгъэ; Понтый Пилат#3:1 Понтый Пилат – Рим цӀыфхэм ащыщэу, Понтый Пилат, Исус къызэхъу нэужым я 26-36 илъэсхэм къакӀоцӀ, хэкухэу Иудей, Иудей хэкум иӀэшъхьэтетыгъ; Ироди#3:1 Ирод – Ирод Антипэ ары. Исус къэхъуным ыпэкӀэ я 4-рэ илъэсым кьыщегъэжьагъэу Исус къызэхъу нэужым я 39-рэ илъэсым нэсыфэ, ар Галилей хэкумрэ Перей хэкумрэ япщыгъ. Галилей хэкум ипщыгъ; ыш Филипп#3:1 Филипп – Исус къэхъуным ыпэкӀэ 4-рэ илъэсым щегъэжьагъэу Исус къызэхъу нэужым я 34-рэ илъэсым нэсыфэ, Итурей хэкумрэ Трахонит хэкумрэ япщыгъ. Ахэр хэгъэгум итемыр тыгъэ къокӀыпӀэ лъэныкъом итыгъэх. Итурей хэкумрэ Трахонит хэкумрэ япщыгъ. Лисание Абилиней хэкум ипщыгъ. 2Аннэрэ Кайафэрэ#3:2 Аннэрэ Кайафэрэ – Исус къызэхъу нэужым я 6-15 илъэсхэм къакӀоцӀ Аннэ дин пэщэшхуагъ. Кайафэу Аннэ ыпхъум илӀ я 18-36 илъэсхэм къакӀоцӀ дин пэщэшхуагъ. дин пэщэшхощтыгъэх#3:2 дин пэщэшхор – дин пащэхэми Тхьэмэтэ Хэсэшхоми ятхьэмэтагъ.. А мафэхэр ары Зэчрей ыкъо Иуанэу шъоф нэкӀым щыпсэущтыгъэм Тхьэм игущыӀэхэр къызыфехыгъэхэр. 3Иуан Иордан псыхъом иӀэгъо-благъо зэкӀэ къыкӀухьэзэ, цӀыфхэм Тхьэм игущыӀэхэр аригъэӀущтыгъ, моущтэу къыӀозэ:

– ШъуипсэкӀодшӀагъэхэм шъуафыкӀэгъожьи, зысэжъугъэумэхъ#3:3 умэхъыныр – Исус уашъом зыдэкӀоежьыгъэм къыщегъэжьагъэу, цӀыфхэм зарагъэумэхъы – ахэр псым чӀагъаох е псы тӀэкӀу ашъхьэхэм атыраутхэ. Аущтэу ИсускӀэ шӀошъхъуныгъэ яӀэ зэрэхъугъэр къагъэлъагъо. Ащ нэмыкӀэуи Исус лӀи, лӀагъэхэм къызэрахэтэджыкӀыжьыгъэм пае япсэкӀодшӀагъэхэр къафэгъугъэхэу, мыкӀодыжьын щыӀэныгъэ яӀэ зэрэхъугъэми шыхьат фэхъух., Тхьэм ахэр къышъуфигъэгъунхэм пае.

4Мы Ӏофхэр зэкӀэ хъугъэх, пегъымбар Ешайа игущыӀэхэр итхылъ зэритым фэдэу#3:4-6 пегъымбар Ешайа игущыӀэхэр итхылъ зэритым фэдэу – еплъ Пегъымбар Ешайа тхылъэу ытхыгъэм 40:3-5.,

«Шъоф нэкӀым джэ макъэ горэ къыщэӀу: Зиусхьаным игъогу фэжъугъэпси, игъогу лъагъохэр зэшъхьэ-зашъо фэшъушӀых.

5Сыдрэ хъуати сэищт, сыдрэ Ӏуашъхьи бги къефэхыщт. Гъогу ӀонтӀагъэхэр занкӀэ хъущтых. Мызэшъхьэ-зэшъо гъогухэр зэшъхьэ-зашъо хъущтых.

6ЦӀыфхэр мыкӀодхэу Тхьэм къызэригъэнэжьхэрэр цӀыф пстэуми алъэгъущт».

7ЦӀыф купышхохэм зырагъэумэхъынэу Иуан дэжь къыдэкӀыгъэх. Ежь ахэмэ ариӀощтыгъ: – Шъо блэщылъфхэр!#3:7 блэщылъф – блэм къыхэкӀырэ лъфыгъэр ары. Тхьэм игубжэу къэкӀощтым шъуӀэкӀэкӀынэу хэта шъушъхьэ къизылъхьагъэр? 8ШъуипсэкӀодшӀагъэхэм шъуафыкӀэгъожьыным фэшъошэ ӀофышӀухэр жъугъэцакӀэх. «Ибрахьимэ тэ тят» шъугукӀэ шъуӀоным шъуфитэу шъумыгугъ, сыда пӀомэ, сэ шъосэӀо, Тхьэм мы мыжъохэм Ибрахьимэ пае лъфыгъэхэр къахигъэхъукӀын ылъэкӀыщт. 9Обзэгъур чъыг лъапсэхэм атыраубытэгъах. Аущтэу сыдрэ чъыгэу шӀугъэ къызпымыкӀэрэр раупкӀынышъ, машӀом падзэщт.

10ЦӀыф купышхохэр Иуан къеупчӀыгъэх: – Сыда адэ тэ тшӀэщтыр?

11– Хэти джэнитӀу зиӀэм джанэ зимыӀэм зыр рерэт, – ариӀожьыгъ ахэмэ. – Шхын зиӀэми шхын зимыӀэм рерэт.

12Хьакъулахь ахъщэр хэзыххэрэми зырагъэумэхъыным пае, Иуан дэжь къакӀохи, къеупчӀыгъэх: – Дин гъэсакӀу, тэ сыда тшӀэщтыр?

13– ЦӀыфхэм къаӀышъухын фаем нахьыбэ къаӀышъумых, – ариӀожьыгъ ахэмэ.

14– Адэ тэ сыда тшӀэщтыр? – къеупчӀыгъэх дзэлхэри Иуан. – Зыми егъэзыгъэкӀэ иахъщэ къытешъумых, зыми пцӀыкӀэ шъуемыдау. Ахъщэ лэжьапкӀэу къышъуатырэм шъуезэгъ, – ариӀожьыгъ ахэмэ.

15– Мы Иуан Христосэу зыфаӀорэр ары шъуӀуа? – аӀоу, гугъапӀэ яӀэу цӀыфхэр зэкӀэ агухэмкӀэ зэупчӀыжьыщтыгъэх.

16– Сэ псымкӀэ шъусэумэхъы, ау сэщ нахьи нахь лъэкӀышхо иӀэу зыгорэ къэкӀощт, – ариӀуагъ Иуан зэкӀэ ахэмэ. – Ащ ицокъэлъэпсхэр фэстӀэтэнхэуи сифэшъуашэп. Ащ Тхьэм ы Псэ ЛъапӀэкӀэ ыкӀи машӀокӀэ шъуиумэхъыщт. 17Ащ ихьанцэ ыӀэ чӀэлъ, ихьамэщи ыукъэбзыжьынышъ, икоци иконхэм аритэкъожьыщт, ау уарзэр мыкӀосэжьын машӀокӀэ ыгъэстыщт.

18Аущтэу Иуан цӀыфхэр нэмыкӀыбэхэми афигъасэхэзэ, къэбарышӀур аригъэӀущтыгъ.

19Ежь ыш#3:19 ыш – пщы ирод ыш Филиппэу (еплъ Марк 6:17) Рим къэлэшхом щыпсэущтыгъэр ары. псаоу щыӀэми, а шым ишъузэу Иродиадэ пщэу Ирод къызэрищэжьыгъэм паий, ащ нэмыкӀ бзэджагъэу ышӀэгъэ пстэуми апаий, Иуан Ирод егыигъ. 20Джащыгъум Ирод бзэджагъэу ышӀэгъэ пстэуми ахигъахъуи, идзэлӀхэм Иуан хьапсым чӀаригъэдзагъ.

Иуан Исус зэриумэхъыгъэр

(Маттэ 3:13-17; Марк 1:9-11)

21Иуан цӀыф пстэури ыумэхъ зэхъум, Исуси ыумэхъыгъ. Исус Тхьэм зелъэӀум, уашъор зэӀукӀи, 22тхьаркъом ыпкъ фэдэу пкъы иӀэу, Тхьэм ы Псэ ЛъапӀэ Исус къыфехыгъ. Уашъом макъэ къиӀукӀыгъ: – Оры сэ шӀу слъэгъурэ с Къо кӀасэр. Сэ сыгу о къыоӀугъ. #3:22 Оры сэ шӀу слъэгъурэ с Къо кӀасэр. Сэ сыгу о къыоӀугъ – яплъ Орэд ЛъапӀэхэм 2:7; Пегъымбар Мусэ апэрэ тхылъэу ытхыгъэм (УблапӀэм) 22:2; Пегъымбар Ешайа тхылъэу ытхыгъэм 42:1

Исус лъэпкъэу къызхэкӀыгъэр

(Маттэ 1:1-17)

23Исус иӀоф зеублэм, илъэс щэкӀ ыныбжьыгъ. ЦӀыфмэ къызэрашӀошӀыгъэм фэдэу, ар Юсыф ыкъуагъ. Ар Илый ыкъуагъ. 24Ар Матфат ыкъуагъ. Ар Лэуй ыкъуагъ. Ар Мелхый ыкъуагъ. Ар Яннай ыкъуагъ. Ар Юсыф ыкъуагъ. 25Ар Маттафый ыкъуагъ. Ар Амос ыкъуагъ. Ар Наум ыкъуагъ. Ар Еслим ыкъуагъ. Ар Наггей ыкъуагъ. 26Ар Мааф ыкъуагъ. Ар Маттафый ыкъуагъ. Ар Семей ыкъуагъ. Ар Юсыф ыкъуагъ. Ар Иудэ ыкъуагъ. 27Ар Иоаннан ыкъуагъ. Ар Рисай ыкъуагъ. Ар Зоробабел ыкъуагъ. Ар Шеалтиил ыкъуагъ. Ар Нирый ыкъуагъ. 28Ар Мелхый ыкъуагъ. Ар Аддый ыкъуагъ. Ар Косам ыкъуагъ. Ар Элмодам ыкъуагъ. Ар Ир ыкъуагъ. 29Ар Иосие ыкъуагъ. Ар Элиезер ыкъуагъ. Ар Иорим ыкъуагъ. Ар Матфат ыкъуагъ. Ар Лэуй ыкъуагъ. 30Ар Симеон ыкъуагъ. Ар Иудэ ыкъуагъ. Ар Юсыф ыкъуагъ. Ар Ионан ыкъуагъ. Ар Элиаким ыкъуагъ. 31Ар Мелеай ыкъуагъ. Ар Майнан ыкъуагъ. Ар Маттафай ыкъуагъ. Ар Натан ыкъуагъ. Ар Даутэ ыкъуагъ. 32Ар Ищай ыкъуагъ. Ар Обид ыкъуагъ. Ар БоӀаз ыкъуагъ. Ар Сэлмон ыкъуагъ. Ар Нахшон ыкъуагъ. 33Ар Аминадаб ыкъуагъ. Ар Рам ыкъуагъ. Ар Хэцрон ыкъуагъ. Ар Пэрэц ыкъуагъ. Ар Иудэ ыкъуагъ. 34Ар Якъубэ ыкъуагъ. Ар Исхьакъ ыкъуагъ. Ар Ибрахьимэ ыкъуагъ. Ар Терах ыкъуагъ. Ар Нахор ыкъуагъ. 35Ар Серух ыкъуагъ. Ар Рагаб ыкъуагъ. Ар Фалек ыкъуагъ. Ар Ебер ыкъуагъ. Ар Салэ ыкъуагъ. 36Ар Кайнан ыкъуагъ. Ар Арфаксад ыкъуагъ. Ар Сим ыкъуагъ. Ар Нухьэ ыкъуагъ. Ар Ламэхъ ыкъуагъ. 37Ар Метушалах ыкъуагъ. Ар Хьанэхъу ыкъуагъ. Ар Яред ыкъуагъ. Ар Махьалалел ыкъуагъ. Ар Кайнан ыкъуагъ. 38Ар Енос ыкъуагъ. Ар Сиф ыкъуагъ. Ар Адэм ыкъуагъ. Ар Тхьэм ий.

Currently Selected:

Лука 3: AdgNT14

Highlight

Copy