Baruch 5
5
1Jeerusaleem,
pèetī a-falaau nì a-nandaŋku bɔkutil,
ní kí dū Unimbɔti nyooti
wannyɔkɔntikaati kí pèen̄ kí nīn cá jaanjaan.
2Dū deedee un di nyánní Unimbɔti ceeyee
kí pèen̄ kii dibɔkutilee.
Dū ti-Dindaan nyooti kí cíkiń a-yil kii kibeefuuliiyee#5.2 B. 1-2: dūú ŋmàntī nì Yees 52.1, 61.3,10, Dilee 21.2..
3Tiŋman, Unimbɔti làá lēē a-nyaaŋku
kí dàkà kitiŋ kɔkɔ.
4Kpèè, diyindi din Unimbɔti làá tīī-si kí nīn cá talkuee sèé:
«Difiil gbansɔŋfiŋu
nì deedee nyooti#5.4 Dūú ŋmàntī nì Yeer 33.16.».
5Yīkìm̄, Jeerusaleem!
Jɔ̄m̀ kí tɔ́kɔń dijool yilpu
kí kpèè ŋwìiń nyalaŋki pú.
Kpèè ti-Dindaan nyɔɔbundi
nín kóoǹ a-biyaamu ŋwìiń jeetilaŋki pú
ki cáa sāā ŋwìiń nyalaŋki pú
ki kpáfì puee.
Mu bí mmɔnni yii Unimbɔti téetì mu-pu.
6Mu nìn cōom̀ ní ki nyáń
ní mu-nannanliibi téekí-mu.
Ama Unimbɔti làá yàntī
bí túń-mu tinyool poon kii ubɔtee
kí fàtīí gíiǹní a-cee.
7Di sá yii Unimbɔti tīī mara
yii bí gbá ki kpìtī ajoon ŋin fɔ̀kɔ̀ee kɔkɔ
nì cannaaku gbantammu.
U gbíŋkì atantaka
ní kitiŋ tāntì párrr#5.7 Dūú ŋmàntī nì Yees 40.3-4..
U ŋá míǹ Isirayeel yab
ń ŋmā kí còom̀ nì dimákal
Unimbɔti nyooti poon.
8Úǹ di tí tīī mara ní
kupɔɔu nì isufi in sɔ́fèe
bɔ́ntì i-booŋyi ki tīī Isirayeel yab.
9Tiŋman, Unimbɔti làá fàtīí
gíiǹní Isirayeel yab nì dipɔɔpindi,
kí dū u-nyooti kí ŋmíntí-bi.
U làá dāá dàkà-bi u-poommɔŋŋu
ní kí fīī-bi.
Currently Selected:
Baruch 5: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.