Mariko 16
16
Yesu nasu:ka
(Mt. 28:1-10; Lk. 24:1-12; Yo. 20:1-10)
1Mbe isabato wejire yawa, Maryamu Magadalene na Maryamu nyiramwene Yakobo, na Salome nibagura binu ebiranga, ba:je bamubambage. 2Wejire bwaca katondo mu ruguru, ku rusiku rwo kwamba rwo bwoyo, nibakinga ku:fwa risu:ba ryariga ryaurukire. 3Bariga niba:ika abene:ra ati, ?Niga unu araciiringisisya ribui okuriso:sya ku muryango gwa i:fwa? 4Mbe wejire be:sya me:so nibarora ribui risiringisisisye ku mbari, okuba ryariga enene muno. 5Wejire bengira mu:fwa nibarora omu:nu enyanjire ku rubara rwe buryo, afwae mwenda mweru. Nibarugu:ra. 6Nababwira ati, Musige kurugu:ra. Omuyenja Yesu Omunajareti, unu a:ma:bambwa ku musaraba. Asu:rukire. Atacario anu. Murore anu ba:ma:muta. 7Nawe mugende mubwire abe:igisibwa bae na Petero ati, abatangatiye okugenda Galilaya. Eyo niyo murimurorera rwa kutyo ababwiriye. 8Nibaso:ka ku:fwa nibabirima bwangu okuba bariga bagwatirwe okuyarara no kutaŋaŋara. Batabwiriyeko mu:nu musango, okuba bo:bayaga.
Okuboneka kwa Yesu
(Lk. 24:13-46; Yo. 20:11-29)
( 9Mbe Yesu ejire amara okusu:ka katondo ku rusiku rwo kwamba rwo bwoyo, natangata okubonekera Maryamu Magadalene, unu airisisyeko emisambwa eta:nu ne:biri. 10Oyo nagenda nababwira banu baengyanyaga nage kuso:ka kara, banu bariga basurumbae no kurira. 11Mbe abo wejire bongwa ati, ni muanga, na ka ati amurorere, nibarema okwikirisya. 12Ebyo wejire byawa, nabonekera be:jabo babiri mu rususo rundi, nibaribata nibagenda mu ndimiro. 13Mbe abo nibagenda nibabwira abandi. Ka abo one bate:kirisisye. 14Mbe e:ya nasuba nabonekera rikumi no umwi benyanjire ku biryo. Nabagonya kurwo bute:kirisya no bukomee bwe mitima jebwe, okuba bate:kirisisye banu bamurorere amarire okusu:ka.
Okutumwa kwa abe:igisibwa
(Mt. 28:16-20; Lk. 24:47-49; Ebikorwa 1:8)
15Nababwira ati, Mugende mu ca:ro cone murasyega Ebigambo byo bwana ku bimogwa byone. 16Unu ke:kirisya nabatijibwa, ariona. Nawe unu atakwikirisya aritemerwa eci:na ca intambara. 17Ne bibarikisyo binu birabaga na banu abe:kirisya. Barairisyaga emisambwa mwisi:na ryani. Bara:ikaga jinyaika ejindi. 18Baragwataga jinjoka, nakabae baranywa ci:nu ca kwita, citaribautasya na katyari. Barataga amaboko gebwe ku barwae nibaora.
Yesu narinya mu rwire
(Lk. 24:50-53; Ebikorwa 1:6-11)
19Mbe Ratabugenyi Yesu ejire amara okwaika nabo nagegwa mu rwire, nenyanja ku kuboko kwe buryo kwa Nyamuanga. 20Abene nibe:muka, nibarasya wone wone, Ratabugenyi nakorera aamwi nabo, narumya omusango mu bibarikisyo binu byaguru:baga. Amina.)
Currently Selected:
Mariko 16: KIJ1960
Highlight
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.
