Luk PILIGU
PILIGU
Luk lahibal’ suŋ ŋɔ wuhiya ni Yisa n-nyɛ Naawuni ni daa lo Izraɛlnim’ alikauli ni o ni ti ti ba Tiligir’ so la, ka lan wuhi ni Yisa nyɛla ninsalinim’ zaa Tiligira. Luk sabiya wuhi ni ti Duuma Shia daa bol’ o ni o ti yihi lahibal’ suŋ waazu ti tarimba. Lahibal’ suŋ maa kul palila Yisa baɣa ni daa be niriba yɛlibɔra kam ni shɛm. Suhupiɛlli lahibali nyɛla din yi zahira doya Luk lahibal’ suŋ maa ni, di bahi bamdi di piligu ni suura shɛŋa din mooni Yisa kandina yɛla molo la, ka din lan pahi nyɛla di bahigu ni ha, Yisa ni daa labi alizanda ni la. Ka ninvuɣ’ so ŋun daa sabi wuhi Kristiɛnnim’ yɛda ni zooi ka yɛligi shɛm, lala nir’ maa daa lan yɛli li Yisa Tuumba Tuma litaafi ni. Yaɣa ayi m-beni (Suura 1-2 mini suura 9-19 puuni) m-mali binyara pam din kul bela Luk lahibal’ suŋ ŋɔ puuni kɔŋko. Dina n-nyɛ malaikanim’ yilli la mini piɛguliba la ni daa chaŋ ti kaai Yisa o dɔɣibu saha la mini Yisa ni daa nyɛ bisariŋga ka be Naawuni jɛmbu duu la ni Samaria ninvuɣ’ suŋ la mini bi’ so ŋun bɔrigi yɛla ŋaha la. Lahibal’ suŋ maa puuni zaa kpaŋsibu pam kpaŋsiya zaŋ chaŋ wunsuhigu mini Shia Kasi ni paɣiba zaashee ni nyɛ shɛli Yisa tuma ni ni Naawuni ni kpihindi niriba daalahichinim’ shɛm. (Lihimi din be litaafi ŋɔ puuni tiŋli ŋɔ)
Din be litaafi ŋɔ puuni
Piligu 1.1-4
Jɔn Baptaizira mini Yisa dɔɣibu ni bɛ bilim ni yɛla 1.5—2.52
Jɔn Baptaizira tuma 3.1-20
Yisa Baptaizibu mini Sintani ni zahim’ o shɛm 3.21—4.13
Yisa ni tum o tuma Galili shɛm 4.14—9.50
Yisa ni yi Galili chaŋ Jɛrusalɛm shɛm 9.51—19.27
Yisa ni daa miri Jɛrusalɛm min’ o ni daa be Jɛrusalɛm tiŋ’ puuni shɛm bakɔi din bahindi nyaaŋa 19.28—23.56
Ti Duuma kum ni neebu min’ o ni daa yir’ o nyaandoliba zuɣu ni o ni daa lab’ alizanda ni shɛm 24.1-53
Currently Selected:
Luk PILIGU: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011