Exodus 31
31
Ronhthohserónhnis Wahonwatí꞉naʼne Nahonthohserónhni Tsi Nón꞉we Nenhenterónhthake Ne Roiá꞉ner
(Exodus 35.30—36.1)
1Ne Roiá꞉ner wahawénhase ne Mahís, 2“Wahihiaʼtaráko né꞉ne Bezalel, né roʼní꞉ha né꞉ne Uri tánon ne rosótʼtha né꞉ne Hur, né꞉ne Judah nahothitaróten, 3tánon né wahihiaʼtánaʼne nakeshatsʼténsera. Tahíhion ne kanikonhraientátshera, nahaʼweienthetónhake, tánon nahakweniésehke ne kwáh tsík nahoténsons ahohióten ne kahiotenseranó꞉rons— 4nahateʼnikonhrónhni ne ioiáneres aharasthánion tánon ne ahohióten ne owistanórons, kawistarákens, tánon ne teiotwístaron notsínekwar karístatsi; 5nahakwetarónhko nʼowistanoronhsónhas né nahakwahtáko; nahakaratáko nóiente; tánon nohiásons niʼkahiotenseroténsons ne kahiotenseranó꞉rons. 6Tánon ó꞉ni Oholiab rihiaʼtarákwen né nènʼneʼe roiénha ne Ahisamach, né꞉ne Dan nahotiʼtaróten, né skátke ahothihióten. Kwáh káti ó꞉ni kowáhnen tetkhehiáwi natʼthokhátsheras né ronahtsiakhésons ne rothirenhʼnáhons nahothihióten, ne káti nahónton nahonhnonhniánon tsi nahoténsons wakatenhnáhon nahionhníhake: 7Natóhsehra tsi nónhwe nikíteron, ne ateriwaseronhniátshera oneró꞉kwah tánon nahontenonhtékʼta, tánon akwékon tsi niʼiéiens natóhsehrakon, 8natekhwára tánon tsi nihiowenhténions, ne watʼthaserohʼharáhkwah ne nahóskon owistanóron tánon tsi niwatsthasónhas, ne ietsienharáhkwah ne hiontsienkwahronhniátha, 9ne ietsienharáhkwah ne ronhteskónhtha tsi ienhónhtkawe tánon akwékon tsi niwatstaʼsónhas, ne hiontsioharetákwah tánon nonónhkwah, 10ne iókwatst rothikháres rahonatierónhniat né꞉ne Aaron tánon ne sakohiohʼokónhas náhonsthe nónen enhothihióten tsi rothikháres, 11ne ionthatsiaʼtoʼkástha kènhie, tánon ne wenhserákons hiontsenkwahronhniatákwa ne iotokénti nónhwe. Tsi enhionhníhake kíʼ oriwakwékons, kwáh et nihatí꞉ier tsi nikonhró꞉ri.”
Tsatakháton, Né Wenhniseronhtákwen Naiakahorishéntaʼne
12Ne Roiá꞉ner wahoró꞉ri ne Mahís 13seró꞉ri nonhkweshón꞉ʼa nIsraerʼró꞉nonhke, “Sewakwénienst ne Tsaʼthákhaton, Í꞉i akenhnísera ne tsi wakenhniseraieríton, tsioríwa tsi ne katokénston tsi natethewátere Ní꞉i tánon níse né꞉ne tsi nènhwe thóh nenhiothónhake, nawenésthake tsi Í꞉i ne Watiá꞉ner, né tsionhniáton níse akonhkwetashón꞉á akénhake. 14Ónenk tsi ensewakwéniensthe nenhnísera ne atorishèntsera, tsioríwa tsi iotokénti. Ónhka ne iáh tahiekwéniensthe, ók iakohióthe né wenhniseráthe, kwáh kíʼ enhionthatenonhwarhiákon. 15Iáh-iak nónhta sewenhniseráien nahisewahióten ne sewahioténhsera, ók ne tsatákhaton niwenhniserakéhaton kwáh iotokénti wenhniseronhtákwen nahiontoríshen hiontsiathatokentíston. Ónhka akénhake né thènnen ahiakohióten né wenhniseráthe kwáh kíʼ enhionthatenonhwarhiákon. 16Nonhkweshón꞉ʼas nʼIsraerʼró꞉nonhke kwáh kíʼ enhonhnathanóronhsthe kí꞉ken wenhniseráthe né nawénesthe nateriwasehronhniátshera. 17Ienhiokonhtákwen tsi enwenésthonke tsi natehiakwáhtere nonhkweshón꞉ʼas nIsraerʼró꞉nonhke tánon Ní꞉i, tsioríwa tsi Í꞉i, ne Watiá꞉ner, wákson ne tsi karonhiáte ó꞉ni tsi ionhwenhtsáte né iáh-iak nónhta, tánon ne tsatákhaton shiʼwenhniserakéhaton watékʼtahne tsi watióte tánon wakenhniseraiérite.”
18Nónen ne Rawenni꞉io sahá꞉sa tsi roʼtharakwenhníhakwe ne Mahís ne tsi ionónhte ne Sinai, tahá꞉wen ne tékeni osténhras tsi nónhwe né kwáh rahónʼa ne Rawenni꞉io rohiatónhnion ne kariwatátʼtsheras.
Currently Selected:
Exodus 31: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
