Lukas 3

1An naopan iyehki is wat atimarid a Taibiryus Sisar an mesese is fiftiin; is lep atimi alupas an pece Jutaia a Ponjus Pailet, um atimi alupas an pece Calili a Herot, um atimi alupas an pece Ituria im inpece Trakonaitis a Filip etoai Herot, um atimi alupas an pece Abilini a Laisenyas, 2um atimi esjilid an nahlap a Anas im Keafas, is yetpan intas o Atua ehele Joanes inhal o Sakaraias an namasacen. 3Is apan aien irai iji uari pece asega u Jortan, um asuptecnaig nabaptiso mika eri adumoij anliinmopura atimi va uhpu iknipagki nedo has ura; 4et idivaig eris upyi aged an nitasvitai o Aiseya naprofeta, um ika, “Nohran tah et ethi etpu ahlaig aien an namasacen, um ika, Akumu ahped nefalaig vai Ihova aijaua, um ago yi atoh efalaig vai yin: 5etpu esjeuc asega niji iskanse asega, uhpu ahtahumiaig nau asega im nedoon asega; etpu atoh niji efalaig acalacal, etpu marara niji efalaig riduotriduot; 6erupu ecetai nitai imyiatamaig ra o Atua natimi asega.” 7Is ika aien ehele natimi is ahinag eris ahtag pan ehelen ara, mika eri leh nabaptiso ira ra, Ak ilpu imyiv, et mun ated caua a di, mika aki aha aijaua vai intavaitap etpu yetpam? 8akumu ohoai itai aijaua yi idivaig nadumoij u inliinmopomia: akumu jim aktaktai anliinmopomia aijaua, um ika, Et etpoija a Ebraham; ek asaig ehelemia ainyak mika, Et emda a Atua par imyiatidai ilpu halav imi Ebraham irai hat iji eigki: 9eh mun ati inpas u nohu auicai an naopan ineig: uhpu acaldei nauicai asega et eti upene nasau iran, um erekhaigjai an cop. 10Eris ahodaig yin natimi, um ika, Ecri ago inhe aijama? 11Is tas aien, um ika ehele ra, Aien et o un napelumai et ero, etmu alupai natimi ineig aien et ti napelumai o un; etum lep ucce aien et eteuc nitai caig o un. 12Eris ahtag pan ehelen a ilpu atimi akwanaham, mika eri leh nabaptiso ira ra, um ika ehelen, Ak natimi esege, ecri ago inhe aijama? 13Is ika ehele ra aien, Akumu leh nitai ineig ache aijaua eris asaig ehelemia. 14Eris lep ahodaig yin a ilpu eucsupo, um ika, Ecri lep ago inhe aijama? Is ika ehele ra aien, Akumu jim ago nedo ipjin va atimi aijaua, um jim athai intas ahcil vaig tah; um jim auatiemda va nimtan imi caua. 15An naopan iyehki, eris wat aitgaig Kristo natimi, eris wat aktaktai Joanes ara asega anliinmopura, um ika, Kit Kristo mun eigki, ka o’o? 16is tas a Joanes, um ika ehele ra asega, Ek idim baptiso iramia ainyak an wai; ja etpu yetpam tah inyi ethi, inyi esjilid irak aien, ek eti upene ainyak par ahiyi nehtit an cedpun eduon: etpu baptiso iramia aien an Nesgan Upene im lep incop: 17et apos nitai ucjucjai itai o un aien, etpu ago adicinadicin inuarin auud hwiit iran o un aien, etpu ikni hwiit o un aien anliin neom ikni hwiit iran; ja etpu atnamud narasin aien an cop inyi ti lep opos. 18Is lep asuptecnaig niji itai is ahinag is eche ehele atimi aien, um ated ra.

19IS wat acaiji Herot aien natimi alupas, vai Herotyas ehgai Filip etoan, im lep vai nedo has asega is ago a Herot, 20is lep ehcilpon nedo iji ehki asega aien, um ati Joanes anliin neom ipjin.

21ERIS wat leh nabaptiso ira ra atimi asega, is lep leh nabaptiso iran a Iesu; is wat alaigaheni aien, is asalgei nohatag; 22is asuol iran a Nesgan Upene, is idivaig nalaupa nalmun nohun; is ahes an nohatag nohran tah, um ika, Nai Halav cop unyak aiek; ek imyiacitak euc ainyak.

23Is idivaig dirte mesese irai Iesu an naopan iyehki, eris ika ache is hal o Josef aien, is hal o Hilai a Josef, 24is hal o Matdat a Hilai, is hal o Livai a Matdat, is hal o Melkai a Livai, is hal o Janna a Melkai, is hal o Josef a Janna, 25is hal o Matadaias a Josef, is hal o Emos a Matadaias, is hal o Neum a Emos, is hal o Eslai a Neum, is hal o Naci a Eslai, 26is hal o Mead a Naci, is hal o Matadaias a Mead, is hal o Semeai a Matadaias, is hal o Josef a Semeai, is hal o Juta a Josef, 27is hal o Joana a Juta, is hal o Risa a Joana, is hal o Serubabel a Risa, is hal o Sialtiel a Serubabel, is hal o Nirai a Sialtiel, 28is hal o Melkai a Nirai, is hal o Attai a Melkai, is hal o Kosam a Attai, is hal o Elmotam a Kosam, is hal o Er a Elmotam, 29is hal o Josi a Er, is hal o Eleiser a Josi, is hal o Jorim a Eleiser, is hal o Matdat a Jorim, is hal o Livai a Matdat, 30is hal o Simeon a Livai, is hal o Juta a Simeon, is hal o Josef a Juta, is hal o Jonan a Josef, is hal o Elaiakim a Jonan, 31is hal o Melia a Elaiakim, is hal o Minan a Melia, is hal o Mattada a Minan, is hal o Nedan a Mattada, is hal o Tevit a Nedan, 32is hal o Jesse a Tevit, is hal o Obet a Jesse, is hal o Boos a Obet, is hal o Salmon a Boos, is hal o Neson a Salmon, 33is hal o Aminatab a Neson, is hal o Eram a Aminatab, is hal o Esrom a Eram, is hal o Feres a Esrom, is hal o Juta a Feres, 34is hal o Jekob a Juta, is hal o Aisak a Jekob, is hal o Ebraham a Aisak, is hal o Tira a Ebraham, is hal o Nehor a Tira, 35is hal o Siruc a Nehor, is hal o Riu a Siruc, is hal o Pilec a Riu, is hal o Iber a Pilec, is hal o Sela a Iber, 36is hal o Kenan a Sela, is hal o Arfaksat a Kenan, is hal o Sem a Arfaksat, is hal o Noa a Sem, is hal o Lemek a Noa, 37is hal o Medusela a Lemek, is hal o Inok a Medusela, is hal o Jeret a Inok, is hal o Mahalaliil a Jeret, is hal o Kenan a Mahalaliil, 38is hal o Inos a Kenan, is hal o Sed a Inos, is hal o Atam a Sed, is hal o Atua a Atam.

Currently Selected:

Lukas 3: ATY1863

Highlight

Copy