Dandiel 12
12
Mme Utịd Ini
1“Ke ini ado Maikel, akwa akpanabọọñ a-akpemeke mbon mfo, ayaadakka ada. Ini ukuud ayaaba a-adooho utọ ado ibaaha akpa tọọñọ ke ntọọñọ mme idịd tutu idaha ado. Ado ke ini ado ikọd mfo, afịd awo e-ekịtte ke emaewet anyịñ ke ñwed eyaebọkkọ. 2Ataa uwak mme awo ekedaiyake ke ntọñ isọñ eyaedemme: ubaak ekaa uwem nsi-nsi, ubaak ebọ abuud ye nsi-nsi ndọk. 3Mbon aniọñ eyaeyamma nte unwana anyọñ ye mbon se idat mme awo usʌñ ika adinenido, nte ntantaafiọñ ke nsi-nsi nsi-nsi. 4Ado amaado afo, Dandiel, fʌk nyʌñ dịp mme ikọ ikpañwed ami tutu akpatre ini. Uwak awo eyaekaa umi ye uko edutịn adinam ifiọk ammọ atọt.”
5Ndin Ami, Dandiel mmaase, ndin se awo iba mfen naña eda ke iso mmi, keed ke mbeñ inyañ umi, keed ke nsakiso uko. 6Keed ke atu ammọ amaabịp awo a-akesịneke afọñ linen, a-akedoroke ke anyọñ mmọọñ inyañ ate, “Adiikpeene die mbemiso mme ñkpọ ñkpaidem ami ediwuọ esu?”
7Awo a-akesịneke afọñ linen, a-akedoroke ke anyọñ mmọọñ inyañ, amaadịppe ubọk nnasia ye ubọk ufiin amọ ke mme hefịn, ndin ami mmaakop naña anye anwọñọ ke anye aduuho uwem ke nsi-nsi, ate, “Adiido ke ini, mme ini ye mbakka iba ini. Ke ini ediibiat adudu ndisana ikọd Abasi ke akpatre, eyaeben afịd mme ñkpọ ami ekesịm utịd.”
8Ami mmaakop, ado ikiñnwañake. Ndin ami mmaabịp mbo, “abọọñ mmi, nsoo idiido utịd afịd ñkpọ ami?”
9Anye amaabọọrọ, “Dandiel, kaa ndubeghe mfo, sia emaefʌk mme ikọ ami enyʌñ edịp ammọ tutu asịm akpatre ini. 10Eyaesịññe uwak awo ndek ke idem, enam nọ enana ndo enyʌñ esana, ado mbon ibak eyaekaa iso ebak ibak. Ibaaha mbon ibak se idiidiọọñọ, ado mbon aniọñ eyaediọọñọ.
11“Adiido usen tọsịn keed mme ikie iba mme anaañ mme duob tọọñọ ke ini se etre uwa afịd usen ye adisio mbubiam nnịm a-adiidat ñwuudo idi. 12Afọfọn anọ awo a-abette tutu asịm utịd usen tọsịn keed mme ikie ita mme edịb mme duob mme ition.
13“Amaado afo, kaa ndubeghe mfo tutu utịd adi. Afo ayaaduọk adudu, ndin ke mme akpatre usen afo ayaabọ udeeme e-ekenịmme unọọ fiin.”
Currently Selected:
Dandiel 12: ICB
Highlight
Share
Compare
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.