Hosie 1
1
1Ikọ Abọọñ a-akebịneke Hosie ayịn Beeri ke ini ukara Usaiya, Yọtam, Ahas ye Hesikaiya, ndidem Yuda, ye ke ini ukara Yerobuam ayịn Yehoas#1:1 Ke Hibru Yoas asʌk ado Yehoas adidem Isrel.
Anwaan Hosie ye Nditọ
2Ke ini Abọọñ aketọọñọke adiboiyo ke inua Hosie ntañ ikọ, Abọọñ amaabo anye ate, “Kaa, kedọ awonwaan akpara nyʌñ bon nditọ to anye, sia kpa nte anwaan efịbe, isọñ ami adue ke unana adinam akpanikọ nnọọ Abọọñ.” 3Ndin anye amaadọ Koma ayịn Diblaim, ndin anye amaayommo anyʌñ aman ayịn anọ anye.
4Ndin Abọọñ amaabo Hosie, “Koot anye Yesriil, sia ami ñyaasọp mmia ufọk Yehu ufen ke adaña udịm awo e-ekewotto afai-afai ke Yesriil, ndin ami ñyaanam ukara Isrel anie utịd. 5Ke usen ado ami ñyaabuuñ utịgha Isrel ke Abedeñ Yesriil.”
6Koma amaamaana ayommo anyʌñ aman ayịn awonwaan. Ndin Abọọñ amaabo Hosie, “Koot anye Lo-Ruhama,#1:6 Lo-Ruhama awuọñọ awo imaaha. sia ami ndiiwọttọ Isrel ima mmi aba, ndiinyʌññọ ndakka nnọ ammọ. 7Kpayeado, ami ñyaawọt Yuda ima; ami ñyaanyaaña ammọ, itooho ke utịgha, akañkañ, me ekọñ, me ke enañmbakara ye mme awad enañmbakara, ado ami, Abọọñ Abasi ammọ, ñyaanyaaña ammọ.”
8Ke ini anye amaakesio Lo-Ruhama ke eba, Koma amaanie ayịn awodeen mfen. 9Ndin Abọọñ amaabo, “Koot anye Lo-Ammi#1:9 Lo-Ammi awuọñọ idooho mbon mmi., sia ndufo idooho idịd mmi, ami ñko ndooho Abasi ndufo.
10“Kpayeado, nditọ Isrel ediibit ntan ke mben inyañ, a-adooho awo ikanna idomo inyʌññọ ikan ibat. Ke itie e-ekebooho ammọ, ‘Ndufo idooho ikọd mmi,’ eyaekoot ammọ ‘nditọ aduuwem Abasi.’ 11Mbon Yuda ye mbon Isrel eyaediana keed; ammọ eyaesio adadusʌñ keed, eyaenyʌñ ewuọ ekpọñ isọñ, sia usen Yesriil#1:11 Ke mme ikpañwed Hibru ewet Hos 1:10, 11 nte Hos 2:1, 2. ayaakpon.
Currently Selected:
Hosie 1: ICB
Highlight
Share
Compare
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.