Luka 4

Satani a temba Yesu

(Köti Matayo 4.1-11; Marako 1.12-13)

1Yesu a jore ko Mulökötyo Loke, a yitwene Yardene, a Mulökötyo nyomoddi lepeŋ perok merya iŋwan i yobu nagon ŋutu ’bayin kata, 2a Ŋilo kaŋ ŋonit gwe i temba na lepeŋ.

A nye gwe a ko nyesu i kilu perok, a nagon se aje jo nu, a nye gwe ko magor.

3A kirut kaŋŋonit kulyani ko lepeŋ adi, Ko do a Ŋuro lo Ŋun, taki na ŋurupit anyen wora a ambata. 4#Nyö 8.3a Yesu waddi lepeŋ adi, A wuro adi, Ŋuto ti gwolor kogwon kinyo ka ’de.

5A kaŋöönit köti joŋgi lepeŋ i pirit najo ki, a kwekiŋdye lepeŋ tumatyanjin liŋ ti kak ko diŋit a na ’dit döŋdi. 6A kaŋöönit kulyani ko lepeŋ adi, Nan de titikin do kido saret ko minyo lose liŋ, kogwon aje tiki nan, a nan tiŋdi ŋuto logon nan ’de ’dekan lo. 7Nyena ko do a dulaki kak i twoju na nan a kine ŋo liŋ de gwe a kunok. 8#Nyö 6.13A Yesu waddi lepeŋ adi, A wurö adi, Do ködyö kugga MATAT Ŋun ilot a kitakiŋdye lepeŋ ka ’de.

9A nye koti joŋgi lepeŋ Yerusalema, a togwi ’dikiŋdye lepeŋ i lotek lo Kadi na Ŋun, a kulyani ko lepeŋ adi, Ko do a ŋuro lo Ŋun, gubara mugun kak;

10 # Sau 91.11, 12 kogwon a wuro adi, Ŋun de saŋu malaikajin kanyit i kulya kunök anyen tiju do ’bura, 11köti adi, Se de ’de ’dep do ko konisi kase an do ko julökin moköt ilot i ŋurupit. 12#Nyö 6.16A Yesu waddi lepeŋ adi, A kulyarikin adi, Do ködyö ti möŋu MATAT Ŋun ilot. 13A nogon kaŋŋonit aje jo möŋu lepeŋ nu, a kölökiŋdye lepeŋ tojo ko nene diŋit.

Yesu a suluja kita nanyit Galilaya

(Köti Matayo 4.12-17; Marako 1.14-15)

14A Yesu yitöni Galilaya ko riŋit na Mulökötyo, a lore i kulya ti lepeŋ reki i lu jur ’bukuluŋ. 15A nye todiŋdye i kadijik kase momoresi, a ŋutu liŋ iŋge pupur lepeŋ.

Ŋutu ti Najareta a renya Yesu

(Köti Matayo 13.53-58; Marako 6.1-6)

16A kirut Yesu iti Najareta i köji na wowoari nye nu. A nye luponi i kadi momoret i lor lo Sabata, gwoso i keri lonyit, a nye gwo ’de ki i keŋdya na buk.

17A buk na nebi Yisaya tikine lepeŋ. A nye ŋaji buk a ryeji pirit nagon a wuro adi,

18 # Yis 61.1, 2 Mulökötyo lo MATAT gwon koyo loki,

kogwon nye aje welakin nan i tokukiŋdyo na lore lo ’but i ŋutu lomerika,

nye aje son nan i laikiŋdya na ŋutu lo rereka i yukwe nase,

ko i laikiŋdya na ŋutu mo ’dokeno adi se mo memeddya ko i köloddu na ŋutu lo ruda kulo a lui,

19i laikiŋdya na kiŋa lo ’burukin MATAT anyen nye won konyen ko ŋutu.

20A Yesu muŋge buk, a nyökokiŋdye koliponit, a nye si ’dakine kak i tokujo; a ŋutu liŋ lo gwon i kadi momoret kulo diŋe lepeŋ go. 21A nye kulyani ko lepeŋat adi, I lo lor kulo kulyaesi aje kona na yiŋge ta se i kena na. 22a ŋutu liŋ jambi adi lepeŋ a lo ’but, a se iŋge söŋu ko kulyaesi lokwekwelen lo jam nye kulo. A se pije ’börik adi, ŋilo ’bayin a ŋuro lo Yosepa le? 23a Yesu kulyani ko lepeŋat adi, ’Diri ta de tatakin nan ŋilo tolupet adi, Ko do a katoruonit a ti do torune mugun, a ta mo kulyani adi, Yi aje yiŋ ŋo liŋ na kon do Kaperanauma, nyena ti do koti koŋdi se ni konut i jur. 24#Yoa 4.44a nye kulyani adi, ’Diri nan kulya ko ta adi, Nebi ’bayin lo twotwoi kase i jur. 25#1 Mor 17.1Nan takiŋdya ta kulya ti to ’diri adi, Koju i diŋit na Eliya karu ’bejin jore kata i jur lo Yisaraele, i diŋit nagon ki a gwo ’dan kudu ’bayin ko kiŋajin musala ko yapala buker nu, a dyaŋ gwe a duma parik i jur ’bukuluŋ; 26#1 Mor 17.8-16ama a Ŋun gwe a ko son Eliya i nene nase kwoŋ, ama ka ’de lepeŋ sonyo i karu ’be na gwon Sarepata i jur lo Sidona. 27#2 Mor 5.1-14Koti koju i diŋit na nebi Elisa ŋutu ti rimajin jore kata i jur lo Yisaraele, ama lele lose a ko tokela, tuŋ Namana lo Suria lo tokela ka ’de. 28a na yiŋge se kine kulya i kadi momoret nu, a ŋutu liŋ iŋge woran a tomonik. 29a se ŋine ki, a rikoddi Yesu kaŋo köji kata, a joŋgi lepeŋ i kwe na mere logon köji nase ’duko kata lu, tojo i pirit nagon a wi anyen dukuŋdya lepeŋ kak; 30ama a nye Iwoŋoddi kase kiden a iti tu.

Ŋuto lo gwon ko mulökötyo loron

(Köli Marako 1.21-28)

31A Yesu lulurara Kaperanauma nagon a nene köji na Galilaya, a nye gwe i todiŋdyo na ŋutu i lor lo Sabata.

32 # Mat 7.28, 29 A ŋutu iŋge söŋu ko todiŋdyo nanyit, kogwon lepeŋ jambu ko kido.

33A lele ŋuto lo gwon ko mulökötyo loron gwe i kadi momoret, a nye woŋoro ki ko gworo lobot adi, 34Yesu lo Najareta, do ’dek nyo kayaŋ? Do yoŋo tukaŋu yi? Nan a den ko do a ŋa, do a Loke lo Ŋun. 35Ama a Yesu riŋge lepeŋ, a kulyani adi, Yiŋani taliŋ, poŋdi kaŋo ko ŋilo ŋuto i mugun! A mulokotyo loron gubakiŋdye ŋuto lo kak ko ŋutu i komor, a poŋdi kaŋo ko lepeŋ i mugun ’bak tomijo na lepeŋ. 36a ŋutu liŋ iŋge söŋu, a totopine ko ’börik adi, Kulo kulyaesi a nyo lo jam nye kulo? Kogwon lepeŋ saŋu muloko lorok ko kido ko riŋit, a se poŋdi kaŋo.

37A liŋio ti lepeŋ reara i turon liŋ lo didiŋo.

Yesu a toke ’ya ŋutu jore

(Koti Matayo 8.14-17; Marako 1.29-34)

38A Yesu kö ’yi kadi momoret a iti ko Simona i ’baŋ. A moken na Simona iŋge gilo, mugun sasa ’yu pape parik, a se mamaŋdi Yesu anyen parakiŋdya ŋina ŋuto. 39a Yesu poŋdi po a gwo ’de ko lepeŋ nyona, a nye riŋge ŋilo twanti, a sa ’yu na mugun kö ’yi lepeŋ; a nye ŋine ki ’de ’de a parakiŋdye lepeŋat.

40A nagon kolor sosore sosor nu, a ŋutu liŋ joŋdi ŋutu kase logon a gigilotu ko twana ka ’de ka ’de kanyit ni; a nye sopakiŋdye konisi kanyit ko lepeŋat liŋ loki, a toke ’yi lepeŋat. 41A muloko köti poŋdi kaŋo ko ŋutu jore i mugunya, a woŋe adi, Do a ŋuro lo Ŋun! A Yesu riŋge se, a tine rukokin se i jambu kogwon se a den adi nye a Masia.

Yesu a tökujö Loŋe Lo ’but i Yudaya

(Köti Marako 1.35-39)

42A i baŋun na kak, a Yesu ŋiörö ŋioro a iti i pirit nagon ŋutu ’bayin kata. Ama a ŋutu kulo ga ’yi lepeŋ, a se ’dure ko lepeŋ yu, a ’deke göja lepeŋ an kolokin se; 43ama a nye kulyani ko lepeŋat adi, Nan köti kodyo tokuoddu lore lo ’but lo tumatyan na Ŋun i kunie köjinö, kogwon nan a sunyue ko ŋina kwe.

44A nye tokuje i kadijik momoresi ti jur lo Yudaya.

Currently Selected:

Luka 4: BBE

Highlight

Copy