Mateo 17
17
Yesu wawa um-mwata unnina
(Mk 9:2-13; Lk 9:28-36)
1Ni chisila cha manda sita, Yesu ayaseenda Petlo na Yakobo na Yoane unninakwe, wayaleta apa mwaamba untali, angi yali yoonga. 2Asenuka ichata chaakwe apa yakola, ushu waakwe wameesa wilaashi, imyeenda yaakwe yawa imitiswe wa mwengelela. 3Nga lola, yafumbuluka Mose na Elia; angi yalufwaanga nawe. 4Nga Petlo afwaanga ukunena Yesu, ati: “Mweene, chasipa fino sweeswe tuli pa; ndukashiime, nanchita pa ifisansa fitatu, choonga ichaako weewe, na choonga ichi Mose na choonga ichi Elia.” 5Nga pano achili alufwaanga, lola, ipuufi litiswe lyayachitila ichisau, nga lolini, iswii lyafuma umwipufi liyo, lyaati: “Alawi uMwaanane wino nakuunda, wino wansipila neene; mpulikini wiyo.” 6Nga alondeshi yao, pano yapulika, yaponile apaasi, yoopa nkaani. 7Nga Yesu awisa ayeemya, afwaanga ukuti: “Katukini, mutachopa.” 8Yakatusha maaso yao, yatalola untu leelo Yesu weenga.
9Nga pano yatentenkanya um-mwaamba, Yesu ayakomenkesha ukuti: “Mutaneena untu umwi uku maswi ya malele yao, shiko lino uMwaana-ntu wacha watutuluka uku yafwi.”
10Apano alondeshi yaakwe yantondosha, yaati: “Nga uku chaani yakaandika yakuluti, fino Elia alutangula ukwiza?” 11Nawe wayanena, waati: “Ee, Elia alutangula ukwisa, nawe aluchita niingo fyooshi. 12Leelo ndumuneena, fino Elia watawisa, yatammanyile, leelo yanchita fyooshi fino yakasime. Ifino nu Mwaana-ntu kweene aile ukuyuchusiwa nayo.” 13Apano alondeshi yaakwe yamanyile fino alufwaanga nayo imbalu shi Yoane Kabatisha.
Yesu waposha umwanche wa chiwa
(Mk 9:14-29; Lk 9:37-43a)
14Nga pano yafika ukwiumba, untu weenga aya kunalii, afukama pano ali, afwaanga ukuti: 15“Mweene, unkumbukile umwanaane, kuno ali ni chifumfumi nu kuchuula ifiipe; kuno amaila tupu akuponela um-mooto, na amaila tupu umaasi. 16Nanndeta uku alondeshi yaako, yapootwa ukumposha.” 17Yesu wafwaanga, waati: “Mwe mpanda untasumile walowana; namwikala poonga neemwe kufika na li? Nachula neemwe kufika na li? Nndetini ku kuli neene.” 18Nga Yesu wachikalipila ichiwa, nacho chamfuma, unndumeendo wiyo wampola fuma liyo kweene. 19Nga yalye alondeshi yaya kunali Yesu ukumbali, yaati: “Nga fino sweemwi twaposilwe kwa usumilo wino. 20Kuno umwenemo, ndumuneena: ngi mwawa nu sumilo kache, wa lupeche lwa Aladadi, muluneena umwaamba uu, muti: ‘Tiina pa, uye kuulye!’ nao ungatina; kutaluuwa iswii lino litaluombeka kuli mweemwe. [21Leelo fiwa ndi fiyo fita kufuma shiko uku kusaalika nu kuusilishi fyakulya.”]
Yesu walanda kayili apa fwa yaakwe
(Mk 9:30-32; Lk 9:43b-45)
22Nga pano yikalaanga uku Galilea, Yesu wayanena, waati: “uMwaana-ntu waya ukuyupiwa um-makasa ya aantu, nayo yalumumoola, nu uwaanda wa utatu alututuluka.” 23Nga yalola malaanda nkaani.
Yesu nu kulipa ikodi
24Nga pano yafika um-Kapenaumu, yakalifya ya mpia yayile kuli Petlo, yannena, yaati “Cheene! Kasambilisha wiino akulufiima impia?” Nawe ayaneena, aati: “Akulufiima.” 25Nga pano wingila un-nganda, Yesu atangula ukumtondosha, ati: “Walola uli, Simoni? Ayene ya nsi yakutola koodi nanti ifisaangwa uku aantu ya uli? Uku saana yao naanti uku yeeni?” 26Nawe pano waati: “Uku yeeni” Yesu wannena, waati: “Fwaandi ndi fiyo, ana aya kauwele. 27Leelo ukuti tutayafwitosha, yaanga muli yeemba, ukasumbile indoani, ukatoole iswii yino yalemya inkoleelo; na pano wayasamula unndomo waakwe, wanndola ulupia. Ulutoole ukayape, kuli neene neewe.”
Currently Selected:
Mateo 17: FNT1988
Highlight
Share
Copy
Want to have your highlights saved across all your devices? Sign up or sign in
New Testament in Fipa © United Bible Societies, 1988. Bible Society of Tanzania.
