Lukas 3
3
Si Yohanes Menanarani
(Mat. 3:1-12; Mrk. 1:1-8; Yoh. 1:19-28)
1In toro niitu, si Kaisar Tiberius é mapulu' wo limana ta'uno i mahperénta wo si niéndo gubernur witi Yudea é si Pontius Pilatus. Si niéndo kolano witi tana' Galilea é si Herodes wo si niéndo kolano witi tana' Iturea wo Trakhonitis é si Filipus tuarina. Si niéndo kolano witi tana' Abilene é si Lisanias. 2In toro niitu, si Hanas#3:2 Si Hanas ém Walian Wangko' puunala si Kayafas. Si Hanas kangkasii é mahnuang ni Kayafas. wo si Kayafas nimaéndo Walian Wangko' né tou Yahudi, a si Opo Empung numuwu'ma wia si Yohanes si oki' ni Zakharia witi kapelasan. 3A si Yohanes mangé wana péléng am wanua witi tana' rété so'so'an Yordan i mahtuzu' un téntii, “Itula'umola a singkéla' niou wo iwéhémola un tou niou i saranin wo a singkéla' niou ampungan ni Opo Empung.” 4#Yes. 40:3-5 Tanu a méipantik ni nabi Yesaya witu um Pinantik Lenas in téntii,
“Wéwéhan si tou si mengéré-ngérét witi kapelasan:
Imekela u lalan lampangan ni Mahpiara,
terénela u lalan lampangan-Na.
5Péléng am pasong é matawunan,
Péléng ang kentur wo ang kimeleng ém pataren.
A lalan mahéngko-éngkol én terénen,
wo an zéi'kan patar ém pataren.
6Wo péléng sé tou é milek si Opo Empung i milot sé tou im witu un ukuman wana a singkéla'.”
7 #
Mat. 12:34, 23:33 Lakez sé tou niméyé wia si Yohanes i mekisarani. Ang kuana wia sé tou lakez itii, “É kamu sé suzu ni ulé' melangu. Séi si kimuala wia ni kamu wo toro tumingkasé witu un upi' ni Opo Empung? 8#Yoh. 8:33 Niitumo, ipapailekla wana am pahwangunen niou i ni kamu én timula'umola a singkéla' niou! Tia' kamu mahgenangla in zéi'kan makailek un ukuman pahpaan ni kamu é suzu ni Abraham. Ikuakuma wia ni kamu, ‘Si Opo Empung én toro mangun am watu kenu maéndo suzu ni Abraham.’ 9#Mat. 7:19 Um pati ém witumo un tuuz ung kai wo péléng ang kai zéi'kan mahwua'mé wangun ém wanti'en wo itia' witu un api.”
10Sé tou lakez meligau wia ni sia, “Sa téntu apa un totoz wangunen nai?”
11A sia mingkotla, “Séi si wéwéhan karai zua, un esa én iwéhéla wia si zéi'kan siapa karai. Si tou wéwéhan kakanen, wéténgala sé zéi'kan siapa kakanen.”
12 #
Luk. 7:29
Sé menanagi am pajak kasii é niméyé i mekisarani a meligau wia ni sia, “Méster, apa u léwo'zéi' im wangunen nai?”
13Wingkotenala, “Tia' mahtagi lumakezé un tinotoz.”
14Sé suraro kasii é niméyé a meligau wia ni sia, “Wo ni kai, apa u léwo'zéi' im wangunen nai?” A séra wingkotenala, “Tia' mahkahat wo tia' mahkua a léwo'an né tou walina i mahééndo an zoit né tou itii. Pira uman u méiwaéré wia ni ko genangenola i niitu én toromo.”
15In toro niitu sé tou lakez é mengento-ngento' wo mahéré'la karia megena-genang, i si Yohanes Menanarani é si Mesias.
16A mingkotla si Yohanes wia sé tou lakez itii, “Ni aku é mahsarani ni kamu karia un zano, taan ni Sia si méyé, ung kawasa-Na é lumouspé'mé ung kawasaku. Maan i mowar uman un tali sapatu-Na ni aku én zéi'kan wangun.#3:16 Mahwuka un tali u sapatu ém papaayangen uman né ata. Ang kenu én tumuzu'mé i si Yohanes Menanarani ém wawa'pé'mé né ata im patatérla karia ni Yesus. Ni Sia é sumarani ni kamu karia si Roh Lenas wo un api.#3:16 Sumarani karia si Roh Lenas wo un api ung kalakoana éng kinawasa ni Roh Lenas wo linenas karia un api. 17Un tataap ém witumo u lengen-Na in tumaap ang gandum makaz i maweresi. Ang gandum wangun é réwoken witi pelélé'osan ang gandum-Na, taan péléng am pesel é la'ungen-Na witu un api zéi'kan mahpaté.”
18Téntu si Yohanes Menanarani i mahtuzu' u Nuwu' Lé'os wo mahwéhéma a sésésa walina wia sé tou lakez.
19 #
Mat. 14:3-4; Mrk. 6:17-18 Taan pahpaan si kolano Herodes é sinéro'la ni Yohanes ing kinawéngnala si Herodias si mahayo ni Filipus si totoz katuarina wo a léwo'an walina am pemangu-mangunenna, 20si kolano itii kasii é nimawes umanla a léwo'anna karia nimuntepa si Yohanes witi bui.
Si Yesus sinarani
(Mat. 3:13-17; Mrk. 1:9-11)
21Puunala si Yohanes méiuntep witi bui, ni sia é simaranimola sé tou lakez. I si Yesus sinaraninala wo karegas si Yesus mengaléi a mawukama u langit, 22#Kej. 22:2; Mzm. 2:7; Yes. 42:1; Mat. 3:17; Mrk. 1:11; Luk. 9:35 an tumumpamé witu um wawo-Na si Roh Lenas tanu si bombo. An talingané u nuwu' witi langit, ung kimuamé,
“Ni Komo si Oki'-Ku si ikararaaté-Ku,
ni Ko si mahwangun un até-Ku i mahpaa-paaz.”
A ngaran né nimaopo ni Yesus
(Mat. 1:1-17)
23I si Yesus maayango um papaayangen-Na i mahtuzu' sé tou, ung katou-touan-Na ém woo teluna pulu' ta'uno. Kata'uan né tou i ni Sia én oki' ni Yusuf, oki' ni Eli, 24oki' ni Matat, oki' ni Lewi, oki' ni Malkhi, oki' ni Yanai, oki' ni Yusuf, 25oki' ni Matica, oki' ni Amos, oki' ni Nahum, oki' ni Hesli, oki' ni Nagai, 26oki' ni Maat, oki' ni Matica, oki' ni Simei, oki' ni Yosekh, oki' ni Yoda, 27oki' ni Yohanan, oki' ni Resa, oki' ni Zerubabel, oki' ni Sealtiel, oki' ni Neri, 28oki' ni Malkhi, oki' ni Adi, oki' ni Kosam, oki' ni Elmadam, oki' ni Er, 29oki' ni Yesua, oki' ni Eliezer, oki' ni Yorim, oki' ni Matat, oki' ni Lewi, 30oki' ni Simeon, oki' ni Yehuda, oki' ni Yusuf, oki' ni Yonam, oki' ni Elyakim, 31oki' ni Melea, oki' ni Mina, oki' ni Matata, oki' ni Natan, oki' ni Daud, 32oki' ni Isai, oki' ni Obed, oki' ni Boas, oki' ni Salmon, oki' ni Nahason, 33oki' ni Aminadab, oki' ni Admin, oki' ni Arni, oki' ni Hezron, oki' ni Peres, oki' ni Yehuda, 34oki' ni Yakub, oki' ni Ishak, oki' ni Abraham, oki' ni Terah, oki' ni Nahor, 35oki' ni Serug, oki' ni Rehu, oki' ni Peleg, oki' ni Eber, oki' ni Salmon, 36oki' ni Kenan, oki' ni Arpakhsad, oki' ni Sem, oki' ni Nuh, oki' ni Lamekh, 37oki' ni Metusalah, oki' ni Henokh, oki' ni Yared, oki' ni Mahalaleel, oki' ni Kenan, 38oki' ni Enos, oki' ni Set, oki' ni Adam, oki' ni Opo Empung.
Currently Selected:
Lukas 3: LAITOM
Highlight
Share
Copy
Want to have your highlights saved across all your devices? Sign up or sign in
