Ioane 19

1Nou ta’uwa Pilataro Iesu naibaha emahiiai, auwo niimoito naibaha irihati. 2Wia korowoto oubio kiowa eperapera omowotumo wia nou opu ohuwa neiio naibaha aooaumo wia kaikarawi hipura neiio nou naibaha owamiteaumo. 3Wia neiio nouido naibaha o’umo naiba iaowaumo; Iudaia Pai‐dubu e, taiiro! wia neiio nou tuito adouwaumo. 4Wia Pilato ina odorowa wia neido naiba iaowa: Taaurimo moro rioido nou nowou nouri rio umo batoitumo mo noumu uba na owea biahai. 5Ina Iesuro naibaha ohuo, eperapera kiowa ramu wia kaikarawi hipura ramu, wia Pilatoro neido naibaha iaowa: Taaurimo Dubui! 6Ina nou ta’uwa auwo‐kohena oubira, pai‐oubira nou naibaha eauriwaumo neiio naibaha imakakaiwadiowaumo naiba iaowaumo: Nou sataurowa tatomai ro, nou sataurowa tatomai ro. Pilatoro neido naiba iaowa: Rioo nou tawoumo. Rioo nou sataurowa tatomaimo, mabu nouri ubauba nana noumu moro ivia biahai. 7Iudaia oubio nouido naibaha omowameaiwaumo. Imo bubu na’u airoa wia nouri bubunu nou oihiai karo buburi mabu nouri nou himearo kemapoiri nou Iehova Mereri. 8Ina Pilatoro nouri kiao wade naibaha irovidio, nou tiaha tore emahebidiowa. 9Wia kiwotoi daimoito nou ina naibaha odoro wia Iesuido naiba iaowa; Ro tobatiudo o’uro, wia Iesuro nouido omowameai biahai. 10Ina Pilato nouido naiba iaowa: Ro wade moido aro tato teiri? Ro umo tatora mo pupuo ramu nou notiodoi ro, wia mo pupuito ro sataurowa otomai? 11Iesuro nouido omowameai: Roro mo pupuo ramu biahai ina pupuo roido ohudo emaati tatowa, mabu nouri dubu nou mo roido piroha nouro nemaai, nou kidia auwo ubari ro kekebuo ubari. 12Ta’ui nouowa Pilato nou auwo niro nou otiodoi wia Iudaia oubio naibaha imakakaiwadiowaumo, naiba iaowaumo: Ina dubu nouri roro otiodoiwa rovia Kaisara mabu dubu biahai. Dubu nou himearo pai‐oitiwa nou uba wade kiao’i Kaisaraido. 13Ina nou ta’uwa Pilatoro nouri wade naibaha irovidio, nou Iesu naibaha owohuo naiba emi kiwotoidiowa kemiwa batii nouowa, nouri bati nou paina naibaha idodo, Nave batiri ata Iudaia waderi, Gabata. 14Ina ta’ui nouowa nou kiohodio‐horiomoo kidodiaiwa hiwio’i wia hiwio guriwa tariwai. Wia nouro Iudaia oubido naiba iaowa: Taaurimo rio Pai‐duburi. 15Wia neiio naibaha imakakaiwadiowaumo: Tawodaumo! Tawodaumo! Nou sataurowa tatomaimo. Pilatoro neido naiba iaowa: Ro Pai‐dubu moro nou sataurowa anatomai? Auwo‐kohena oubio naibaha omowameaiwaumo: Pai‐dubu ata imomu emidio biahai, na’u Kaisara. 16Ina nouri nouro Iesu neido naibaha imaai sataurowa otomaimoi.

17Nouri neiio Iesu naibaha emahiiaumo naiba owohuoumo wia nouro naibaha ohuowa, nou himia satauro aotai nou himiaro, na’u batito naibaha owou, nou painari Opu horo bati, ata Iudaia oubio kahoori, Golgotha. 18Nouowa neiio nou sataurowa naibaha otomaumo wia noumu dubu ata neewa ata hapouodo ata hapuo ataudo wia Iesu nou turihawari. 19Wia Pilatoro titi na’u naibaha iati, satauro ohuwa naibaha owateai. Wia nouri titi nou naiba iaowa: IESU NASARETA DUBU, IUDAIA PAI‐DUBURI. 20Nouri wade Iudaia oubi godogodoo naibaha iapowaumo mabu nouri Iesu sataurowa kotomoi batii nou oopo tariwai wia nou titi naibaha iati Iudaia wadeito wia Helena wadeito wia Romana wadeito. 21Nouri Iudaia auwo‐kohena oubio Pilatoido naiba iaowaumo: Ro titi naibaha iati aue, Iudaia oubi Pai‐duburi. Ro titi naibaha taiiati: Nou aiaro, Mo Iudaia oubi Pai‐duburi. 22Pilatoro naibaha omowameai: Nouri wade mo titi nou niati mo tau niati.

23Wia korowoto oubi ina neiio Iesu sataurowa datomaumo, nou hipura neiio naibaha eremaatiwaumo wia neewa wia neewa hapuo naibaha idiamowaumo, ata korowoto oubi nei himia hirio ata, ata korowoto oubi nei himia hirio ata, neewa neewa korowoto oubi modobo. Wia nou uduuduo naiba, nouri uduuduo nou kidodiai nato biahai, mabu nou na’uito kahoori, hohudo wia hopudo. 24Nouri nei himia himia naibaha iaowaumo: Imo ekekutimo raihe, imo nana iheemoi boti duburo riviaidai: nouri nou tana titi naiheha iwai, nou naiba iaowa:

Mo himia hipura nei himia himia naibaha eremaatiwaumo,

Wia mo uduuduo neiio naibaha iheewaumo nouido.

Nouri nana korowoto oubio naibaha idodiaiwaumo. 25Wia Iesu mamu wia nou mamu nirabo Maria, Kalopa o’boa wia Maria Magadalene, neibi Iesu satauro mabuwa naibaha otoabumo. 26Nouri nou ta’uwa Iesuro nou himia mamu naibaha eauri wia nouri nou auwo niro kitomudio mere nou tarihawa otoa: nouro nou mamuido naiba iaowa: O’bo ta’auri ro merei. 27Ina nouri kitomudio mereido nou naiba iaowa, Taauri ro mamu. Wia nou ta’uwa nouri kitomudio merero nou himia motoito mamu naibaha aubuai.

28Dooudo ta’ui nouowa ina Iesu nou umori nana auwoha tau oropoiioumo, ina nouri titi kiati wade naiheha iwai, nou naiba iaowa: Mo obo niroi. 29Wia na’u auwo uro nouowa oa, karakara wine obo ramu kapee, wia na’u sponge karakara wine obo ramu, peho bariwa neiio naibaha edeaumo wia nou maatawa naibaha omoriaumo. 30Ina Iesuro karakara wine obo tau idio nou naiba iaowa: Nou tau roropoiio, wia nou opu naibaha oroboria wia nou urio naibaha ohuodidio.

31Iudaia oubi niro biahai neibi goho sataurowa iabi, mabu nouri kiohodio‐horiomoo kidodiai hiwiori (wia nouri Sabati hiwio’i nou auwo hiwiori). Mabu nouri Iudaia oubio Pilatoido naibaha atodoumo neibi kono horo ihebutimoi wia goho satauroudo iworuomoi. 32Ina korowoto oubio naibaha o’umo wia opuito dubu nou kono horo neiio naibaha ehebutiumo wia ata dubu naibaha ehebutiumo, nouri dubu neewa neiti noumu sataurowa nouito maumo. 33Ata ina neiio Iesuido naibaha o’umo neiio naibaha oweaumo nou koihiairi, neiio nou horo eheboumo biahai. 34Ina na’u korowoto duburo nou gouwa pehoito naibaha adobo wia gamooha obora sawira naibaha oruodoiwaudo. 35Wia dubu nou nouroi eauri nouro naibaha emapoiwa wia nou umori nou kiao wade naihehari ina nouri rio meaha iraromodiomoi. 36Nouri nana nou tau ododiai titi kiati wade naiheha iwai: Na’u horo nou himia horo’i ehebia raihe. 37Ina ata titi kiati wade naibaha iaowa: Nouri dubui neiio nou adoboumo neiio aiwaimo eaurituti.

38Wia nouri kidodiai na’i dooudo, Iosepa, Arimatea dubu, nou Iesu kitomudio mereri ata nou pirohari, Iudaia oubi tore. Dubu nouri Pilatoido naiba atodoi Iesu goho owadai: wia Pilatoro adohiomai biahai. Mabu nouri nou naibaha o’uro ina Iesu goho naibaha owadau. 39Wia Nikodemo naibaha o’u, nouri dubu nou Iesuido opuito duo nou o’u, wia nou naibaha emidai amida nibo mea nana, tariwai nou mibo 100 pound. 40Wia Iesu goho neiti naibaha owodaudo bohoboho hipuraito, nibo mea nana ramu neitio naibaha oomutiwaudo, Iudaia kidia aibo gabidiwa kedea ta’uwa. 41Ina Iesu sataurowa kotomai batii, na’u bati mabu nouowari, wia bati mabuwa na’u, orio akabu uu nouowa oa, dubu ata nouowa opuhe biahai. 42Neiti Iesu nouowa edeaudo, mabu nouri akabu uu nou tariwai wia nouri hiwio nou Iudaia kiohodio‐horiomoo kidodiai hiwio’i.

Currently Selected:

Ioane 19: KXW1941

Highlight

Copy