Kũt Ũelesyo wa Ĩvuku Yĩĩ
Ũelesyo wa Ĩvuku Yĩĩ
Ĩvuku ya Kũtũngĩlĩĩlwa kwa Mĩao nĩ maũndũ maatĩanĩe ala Mwose watavisye andũ ma Ĩsilaeli yĩla maĩ ũiĩnĩ wa Moavi. Vau nĩvo mathũmũĩte makilĩlye kũlika nĩ kana matũe nthĩ ya Kanaani, ĩtina wa kyalo kyoo kĩasa me weũnĩ.
Maũndũ amwe ma vata mũno ala maandĩkĩtwe ĩvukunĩ yĩĩ nĩmo aa: (1) Mwose aililikana maũndũ manene ala meekĩkie vandũ va myaka mĩongo ĩna mĩvĩtũku. Mwose eĩsũva andũ malilikane ũndũ Ngai ũminĩte kũmatongoesya kwĩsĩla weũnĩ, na mayĩthĩwa me ewi na me aĩkĩĩku kwa Ngai. (2) Mwose aielesya ĩngĩ Mĩao Ĩkũmi na kũelesya kwa ũliku ũalyũlo wa mwĩao wa mbee, na kũthuthya andũ meyumye kũatĩĩa Mwĩai Ngai e weka. Ĩtina wa ũu Mwose nũeleetye ĩngĩ mĩao yĩ kĩvathũkany'o ĩla yĩtongoeasya andũ ma Ĩsilaeli me nthĩ ĩla Mwĩai Ngai ũmathĩte. (3) Mwose aililikany'a andũ ma Ĩsilaeli ũndũ ũtianĩo woo na Ngai ũilyĩ, na aimakũlya masyokee kwĩyumya kwoo kwĩanĩsya maũndũ ala maĩlĩte kwĩka. (4) Yosua ainyuvwa na kũnengwa ũtongoi ethĩwe mũtongoi wa andũ ma Ngai ĩtina wa Mwose. Mwose amina kwina wathi aitanĩa ũndũ Ngai wĩthĩĩtwe e mũĩkĩĩku, na ĩtina wa kũathima mbaĩ sya Ĩsilaeli, nĩwakw'ĩĩie ũiĩnĩ wa Moavi, ngalĩko ya wumĩlonĩ wa syũa ya Ũsĩ wa Yolotani.
Ũmanyĩsyo ũla mũnene wa ĩvuku yĩĩ nĩ kana Ngai nĩwovoetye na akaathima andũ make ala ũnyuvĩte na wendete; andũ asu make no nginya malilikanae ũu, na maimwenda na kũmwĩw'a, nĩ kana maendee kwĩthĩwa thayũ na kũkwataa ũathimo kĩla ĩvinda.
Mĩsoa ĩla ya vata vyũ ĩvukunĩ yĩĩ yĩna ndeto ila Yesũ weetie mwĩao ũla mũnene vyũ: “Mwendei Mwĩai Ngai, Ngai wenyu na ngoo yenyu yonthe, na thayũ wenyu w'onthe na vinya wenyu w'onthe.” (6.4-6).
Maũndũ ala me Ĩvukunĩ Yĩĩ
Mwose aineena na andũ ma Ĩsilaeli ĩvinda ya mbee 1.1—4.49
Mwose aineena na andũ ma Ĩsilaeli ĩvinda ya kelĩ 5.1—26.19
a. Mĩao ĩkũmi 5.1—10.22
b. Mĩao, motw'ĩo, na mokany'o 11.1—26.19
Ũelesyo wa ũndũ andũ ma Ĩsilaeli maaĩlĩte kũlika Kanaani 27.1—28.68
Ũtianĩo Ũiseũvw'a ĩngĩ 29.1—30.20
Ndeto sya mũthya sya Mwose 31.1—33.29
Kĩkw'ũ kya Mwose 34.1-12
Currently Selected:
Kũt Ũelesyo wa Ĩvuku Yĩĩ: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011