Kub 22
22
Ruhanga naalenga Abburahamu
1 #
Ama 10:5; Sir 44:20; Baheb 11:17-19. Ebi obu byahoire, Ruhanga yalenga Abburahamu, yamweta ati: “Abburahamu.” Abburahamu, yayetebuka ati: “Taata.” 2#2 Byok 3:1.Ruhanga yamugambira ati: “Twara mutabani wawe, mutabani wawe omu Isaaka ogu ou ogonza, ogende omunsi Moria omuntambire ha rusozi oru ndaakugambira, abe kihongwa ekyokeze.” 3Abburahamu akaimuka nyenkya kara, yatandika enkaina, yatwara babiri ha basaija be abasigazi, na mutabani we Isaaka yayasa enku ez'okwokya ekihongwa, yaimuka, yagenda omu kiikaro Ruhanga eki yamugambiire. 4Ha kiro ekya kasatu, Abburahamu yaimukya amaiso, yarora ekiikaro eki kiri haraho. 5Aho Abburahamu yagambira abasaija be ati: “Inywe mwikalege hanu n'enkaina, nyowe n'omusigazi onu, katugende nseeri hali turamye, turaagaruka tubasange hanu.” 6Abburahamu yakwata enku ez'okwokya ekihongwa, yaitweka Isaaka mutabani we, uwe yakwata omurro n'omuhyo, baagenda. 7Isaaka yayeta ise yamukaguza ati: “Taata,” Ise yamwetebuka ati: “Ee, kiki mwana wange?” Isaaka yakaguza ise ati: “Omurro n'enku mbinu, baitu entaama ey'ekihongwa eky'okwokya, eri nkaha?” 8Abburahamu yagarukamu ati: “Mwana wange, Ruhanga wenka nuwe araayerorra akataama ak'okwokya.” Bombi baayongera orugendo rwabo.
9 #
Yak 2:21. Obu baahikire omu kiikaro Ruhanga eki yagambiire Abburahamu, Abburahamu yayombeka itambiro, yahingika enku, yaboha Isaaka omutabani, yamugaramya ha itambiro ha nku. 10Aho, Abburahamu yagorra omukono, yakwata omuhyo asale omwana we. 11Malaika wa MUKAMA yayema omwiguru, yayeta Abburahamu naagamba ati: “Abburahamu, Abburahamu.” Abburahamu yayetebuka ati: “Taata.” 12Otakora kubi omwana wawe, habwokuba hati namanya nkooku otiina Ruhanga, habw'okurora otaanyimire omwana wawe ogu, omu wenka. 13Abburahamu yaimukya amaiso, yamagamaga, kwija kurora enyuma ye, yarora empaya y'entaama, amahembe gaayo gakwatiire omu rusaka, yagenda yagiihayo, niyo yahonga, yaba kihongwa ekyokeze omu kiikaro ky'omwana we. 14Ekiikaro eki, Abburahamu nikyo yakirukiire ibara “MUKAMA agaba.” Nkooku kyetwa nahati hoona, “Ha rusozi rwa MUKAMA agaba”.
15Malaika wa MUKAMA yayema omwiguru, yayeta Abburahamu obwakabiri, 16#Baheb 6:13,14.yamugambira ati: “MUKAMA naagamba ati: ‘Nyowe nyenka ndahiire, habwokuba okozire ekintu kinu, tiwanyima mwana wawe omu wenka, 17#Baheb 11:12.mazima kwo ndikuha omugisa, ndikanyisa abaijukuru bawe, baingane enyunyuuzi eza haiguru kandi baingane omusenyi ogwa ha musa gw'enyanja. Baijukuru bawe balinyaga embuga z'abanyanzigwa babo, 18#Ebik 3:25.kandi omu baijukuru bawe, amahanga goona ag'ensi nuho galiheererwa omugisa, habwokuba ompuliire.’ ” 19Aho Abburahamu yagaruka ha yasigire abasigazi be, baimuka baagaruka Bbeeri-seba, Abburahamu nuho yaikara.
Oruzaaro rwa Nahora
20Ebi obu byahoire, abantu baagambira Abburahamu bati: “Miika na uwe azaaliire mugenzi wawe abaana, 21Uzi, nuwe omuzigaijo, Buuzi, nuwe arukumukurata, hagarukaho Kemweri ise Aramu, 22hataho Kesedi, Hazo, Firidasi, Jidiraafi na Besweri.” 23Besweri, nuwe yazaire Rebbeka. Abaana abo omunaana, nubo Nahora owanyina Abburahamu yazaireho Mirika. 24Kandi omuzaana we ayayetwaga Rehuma, akazaara: Tebba, Gahamu, Tahasi na Maaka.
Currently Selected:
Kub 22: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
