Ezekhiyele 15
15
M'vhinya wa kwa mbi vhuna txilo
1Se di tile kwangu dipswi da Mkoma, di txi ta kha dona:
2Awe mwanana wa m'thu, nji txani dipulango da m'vhinya kupinda da yimwani mindonga, aku didhavi da wona, di manekako hagari ka mindonga ya txitinga kani? 3Ina ku nga thaviswa ka wona dipulango do vata txiya txokari kan? Mwendo ku nga thaviswa phande yokari ngu ka m'vhinya, kasi kusanzeka kona mnaneko wokari kani? 4Wona taku wa rinzwa ha mndiloni, wu txi tshokoma; wa tshokomiswa ngu mndilo kala ha tshina ni tshokani, ni kotshe hagari ka kona; ina koko wu nga maha mthumo wokari kani? 5Se wu sa abaniselwa kha wu vhuni txilo, ngutu-ngutu wu txi txhomiswa ngu mndilo ngutu-ngutu wu txi hiswa, ku nga mahwa mthumo wokari ngu wona kani?
6Ngu kumaha keto Mkoma a khene:
Kufana ni m'vhinya hagari ka mindonga ya txitinga, ni wu ningelako ka mndilo ti to wu txi tshokomiswa, ngu toneto ni na ningela vazumbi va Jerusalema. 7Se ni na va ronokela; vona va na huma ngu mndiloni, aniko mndilo wu na va tshokomisa; va na tiziva taku ani ngani Mkoma, aha ni no va ni di va ronokete. 8Se ni na maha ti to ditiko di txi xaselwa, ngu mhaka ya ku va nga ni eyisa ngutu, kuwomba Mkoma Txizimu.
Currently Selected:
Ezekhiyele 15: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
